مدى عملية جوال الثريا موديل Thuraya XT

[travel4arab]

السلام عليكم ورحمة الله

حاولت اكتب استفسار في الموضوع المثبت ولكن يبدو لي ان آخر تعقيب كان قبل شهرين وانا تقريبا مستعجل نوعا ما على شراء الجهاز بإذن الله تعالى وقرأت اكثر من موضوع تخص جوالات الثريا ولكن اغلبها يفضل القديم "الهيوز" حتى وان لم يجربه !!! ولكن على كلام الناس !! اما عن نفسي احاول شراء الجديد ان كان عملي وممتاز ولايوجد فيه عيوب ..

انا اريد من الاخوه الكرام تبيين مدى عملية الجهاز الجديد موديل Thuraya XT ومن جربه وكيف اداءة خارج نطاق التغطيه

طبعا هذي صورة الجهاز

http://www.itechnews.net/wp-content/uploads/2009/08/Thuraya-XT-Worlds-Toughest-Satellite-Phone.jpg

اتمنى منكم طرح اي معلومه ولو بسيطه لانها وبلا شك ستفيدني وتفيد المطلعين على الموضوع

وشكراً لكم ولتجاوبكم

[travel4arab]

يا اخوان ابغى احد عنده علم الله يجزاكم خير

للرفع

[travel4arab]

للرفع ياشباب معقوله مافيه احد يعرف شي عن الجهاز الجديد

[سعد القاسم]

شف يالغالي انا ماعندي تجربه شخصيه بالجهاز ولكن بالعاده

اذا بغيت اطلب شي عن طريق النت وكنت شاك فيه اشوف التقييم حقه

يعني ادخل الموقع واشوف الناس الي شرت الجهاز وش قالو عنه وماهي الدرجه الي اعطو المنتج

واتوكل على الله واخذه بغض النظر عن جهازك هذا

وعني شخصيا تكلفت ببحث لمدة 10دقايق ارجو منك ان تدعو لنا


اهم مميزاته انه قوي ومصنوع من مواد قويه يتحمل على قولتهم مكده ضد الغبار ضد الصدمات القويه
وشركة ثريا معروفه بهالمنتجات
خدمة GMPRS
لتصفح البريد والانترنت على سرعة 60/15kbps

وظيفة الجي بي اس فيه ايضا

يمكنك تتكلم لمدة 6 ساعات على بطاريته
وعلى الانتظار 80 ساعه

وزن الجهاز 193 جرام فقط

الجانب السللبي في الجهاز كما هو في التقييم مذكور ان ازراراه ضيقه نوعا ما فقط

والتقييم الي حصل عليه الجهاز 3 من 5

من هذا الموقع

http://fwd.channel5.com/gadgets/phones/thuraya-xt

يدعم اللغه العربيه

Languages: Arabic, Chinese, English, Farsi, French, German, Hindi, Italian, Russian, Spanish, Turkish and Urdu

الله يوفقنا واياك
واتمنى اني قدمت مايفيد لك

[travel4arab]

الله يجزاك عني كل خير وانا اخوك ياسعد واللسان يعجز عن الشكر بصراحه وراح ادعي لك بظهر الغيب ان شاءالله

لكن ابي اكلف عليك شوي بالنسبه للكلام الاخيره في هذا الموقع الي انت حطيته الكلام يقول
The bottom line
A great looker, but some style means usability concessions, and the coverage isn't as good as the Iridium...


سويت ترجمه للجمله الاخيره يقول"وليس التغطية جيدة كما ايريديوم" !!! انا مادري عن معنى الترجمه بصراحه وش يقصد هل التغطيه دمار يعني الابراج ماتلقط الاشاره او يقصد التغطيه انها ماتشمل العالم انما بمناطق محدوده

تقبل ودي واحترامي

[flan]

السلام عليكم ورحمة الله وبركاته اخي العزيز سوف اعطيك نبذه بسيطه عن الهاتف الهاتف عملي جدا ومن ناحية البطارية ماعليه كلام وقيمة التيلفون تقريبا 3150درهم والصوت واضح وانصحك بخصوص بطاقة الثريا اشتر البطاقة المدفوعة مقدما اللي مدتها سنة وتتجدد كل سنة ب 39 دولار والارسال جيد مافيه مشاكل والله يوفقنا واياك يالسنافي والسلام عليكم ورحمة الله وبركاته

[سعد القاسم]

االتغطيه يالغالي مافيها كلام تغطي الشرق الاوسط وتغطي اوربا ومناطق كبيره مافيها شك ياعزيزي

ولكن الى تحت في نهاية اطراف العالم مثل نهاية الخريطه من تحت ونهاية الخريطه من فوق مايغطيها لان شمولية الابراج كما ذكرت لك انها تغطي مدى محدود من العالم وليس كل جزء في العالم ولكن اذا القارات كلها يغطيها خلاص وش ابي زود

http://www.prepaidsatphone.com/Files/28778/Img/02/Iridium-coverage-map.gif


صوره تقريبيه ومثل ماذكرت لك اذا يغطي القارات الحمدلله خير ونعمه

الجهاز ان شاء الله انه مبروك

وفقك الله

[travel4arab]

الله يجزاكم خير ويفرج همكم

[bnder182]

سؤال لا هنتو : كم سعره جديد بالسعودية ؟

وهل اقدر اشترية من برا ولا ما يسمح بدخوله يعني لازم اشترية من الوكيل ؟

[ALjnooby]

أنا جربت الثرياء القديم والجديد XT والفرق بينهن بوضحه باللي اعرفه


اما القديم يمتاز بعمر بطاريته ويشبك على الثرياء والجي أس أم يعني تقدر تخليه مثل الموبايل العادي بس تيلفونات الثرياء القديمه عيبها في سرعة إلتقاط الإرسال يعني لاشغلته يبغي له شوي صبر إيلين يشبك على الإرسال . , اما الثرياء الجديد الأسودXT أنا عندي أفضل جهاز ثرياء حتى الآن في سرعة إلتقاط الإرسال .. لاشغلته على طول يمسك ماهو مثل القديم مره تفره يسار ومره تفره يمين .. وبعدين أزراره مايدخل فيها الرمل وحتى مكان السماعه والشحن كله مغطى وهذا شيء مهم جدا لأن أجهزة الثرياء القديمه يدخل في ازرارها رمل وتخترب دائماً ونا من المجربين إلهن .. بس الجهازXT مافيه ميزة القديم يعني نظام فضائي فقط ماتقدر تحوله للـ جي أس أم وهاذي ماهي بلازم لاكن فيه ميّزات أفضل من القديم فيه أنه يرسم لك أثر نفس اجهزة قارمن ويعطيك بعد المواقع لي انت مخزنها (نصيحتي أشتر XT على مسوؤليتي)


بالنسبه للاسعار في السعوديه غالية جداً اما عندنا في الإمارات ياحيّها شوي


سعر الـ XT في السعودية 3500 ريال وفي الإمارات وبالتحديد في دبي بـ 2500 درهم شف الفرق 1000 ريال


وفي الختام سلام.

[كراي]

بارك الله فيك يالجنوبي انت و الاخوان على المعلومات
بس عندي استفسار بخصوص السعر
اتصلت على وكيل الثريا الفرحان يقلي سعر موديل الـXT عندهم بـ5000 ريال و الموديل الثاني 2520 بـ4الاف وشوي

هل يوجد سعر ارخص من الوكيل ؟؟؟

بالتوفيق للجميع

[ALjnooby]

نعم يوجد سعره بـ 2500 درهم في دبي في مجمع قرقاش

تحياتي

[الحربي حاتم]

بسم الله الرحمن الرحيم
الثريال القديم ممتاز وبطاريته تطول وحق كد وكلمة ممتاز ماتكفيه ولكن عيبه مثل ماقالوا الأخوان بطأ ألتقاط أشارة القمر
وأذا تبي الجديد خذ الموديل اللي بكمرا وبلوتوث لأنه يكلم مثل القديم فضائي وأبراج

[أبوعبدالرحمن الأسعدي]

نقدر نجيبه من الامارات وكم سعره مع التوصيل ؟؟ مو مشكله حتى لو كان الضمان اماراتي

الي يقدر يجيبه يكلمني على الخاص وله كروته..

[travel4arab]

شكرا لكم جميعا وشكر خاص اخي الجنوبي افدتنا ولك منا دعوه ..

[عاشق الحريه]

آخر مره سألت عنه سعره بالرياض ب 2900 مع الشريحه

اقصد ال اكس تي ودمتم

[ALjnooby]

شكرا لكم جميعا وشكر خاص اخي الجنوبي افدتنا ولك منا دعوه ..

العفو , ونحن في خدمتكم دايما

شكراً

[شادي الاول]

آخر مره سألت عنه سعره بالرياض ب 2900 مع الشريحه

اقصد ال اكس تي ودمتم

الآن كم سعره وأين يوجد في الرياض في اي محل ينباع

[الصافي12]

الآن كم سعره وأين يوجد في الرياض في اي محل ينباع


up up
up

[صالح الغفيلي]

حياك الله اخوي الغالي
اتصلت قبل شوي بمحل اسمه العامه بالمرسلات وقال موجود ب 3000 ريال مع الضمان لمدة سنه ضمان استبدال حسب كلامه اتصل على الرقم 014555996

[الحربي حاتم]

بسم الله الرحمن الرحيم
فيه واحد إسمه محمد الهمداني له ردود في بعض المواضيع أضن إنه يبيعها عارض رقمه 0556393223 لكن إتصلت عليه أكثر من مرة ولا رد !!!

[abomajed]

مطلوب الثريا xt مستخدم الي عندة يرسلي على الخاص

[ALjnooby]

يا سلامي على الثريا الإكس تي يا سلااام

[سيف القحطاني]

سلام عليكم ورحمة الله وبركاته
جوال الثريا أنا جربته لكن القديم
من اي مكان في العالم تكون فيه ماينقطع ارساله
يكفي انه على الأقمار وجوده وعملي
هذه تجربتي واتمنى أني افدتك×

[رحال7]

امريكا خارج التغطية

الثريا كافي لنا ونتمنى ان لا نشتري الا الثريا لانها شركه وطنيه وكلما اشتركنا فيها تطورت خدماتها اكثر وان شاء الله حتى الاسعار

[الحربي حاتم]

بسم الله الرحمن الرحيم
خذ من الإمارات أحسن لك وأرخص ولا عليك من الضمان أصلا المحل يمشي على الضمان كلها سرق ونصب ونهب وغش إلا من رحم ربي

[كهرباء الرياض]

تم تجربة جوال الثريا موديل Thuraya XT تجربه فعليه وطلع ممتاز وانا من جربه شخصيا في اماكن بعيده جدا