وش الحــــل في التقطيع باترول سفاري 95

[سفاري 95]

السلام عليكم ورحمه الله
ان شاء الله انكم بخير وعافيه والله يديم عليكم

انا عندي نيسان موديل1995 سفاري كربليتر

تعبني كثير في التقطيع والتعطيس واحيانا عدم توازن عداد الضغط

الكربليتر وكاله شاريه من ثمان شهور تقريبا ب 2760ريال

بواجي جديده +ابلتين +بوبينه +اسلاك بواجي +صفايه بنزين+فلتر هواء

كلها جديده مالها اسبوعين


المشكله للحين معاي ومو راضي يزبط معاي وابي الحل منكم لاعدمناكم

انا ساكن في الباحه واللي يعرف ورشه تمام في الباحه او جده لايبخل علينا

والله يديم المحبه

[4800VTC]

شيك على الليات حقت الكبليتر
يمكن في لي مركب غلط

[أحمد محمد1429]

أخوي فك غطاء الديلكو وحرك العمود بيدك هل يوجد فضاوه ولا ثابت
وإحتمال كبير من عمود اليلكو

[ابوسند9]

اخوي تاكد من الليات الصغيره لايكون فيها شقوق
الشي الاخر تاكد من خرطوش القربه

[الذكرى الحلوه]

اذ كتم ورما اعتقد الدكو

[sgl2002]

عندك حاجتين ماتخرج عنها

الديلكو أو البلوف

[دندون33]

مرت عليه هاذي المشكله.... حاول تغيرالسلك من الديلكو للكويل وجرب اتمنى اني افدتك :)

[سفاري 95]

سلك الديلكو مغيره مع اسلاك البواجي اصلي وكاله
الليات جديده مغيرها امريكي.. فقط خرطوش القربه نسيته والله

يعني المشكله الحين محصوره بين الديلكو والبلوف وخرطوش القربه

وان شاء الله اني اشيك عليها ويزبط معي

الف شكر ولاعدمناكم يارب

[abo naser 1]

السلام عليكم

هذا موضوع أخونا راكان الأول

http://www.mekshat.com/vb/showthread.php?t=169392

[salih100]

صارت معي ببترول موديل 89 مكينه 4200 وطلعت من البلوف ومعها بستم مضيع

[العساف7777]

السلام عليكم

اخوي انا كان عندي تفس مشكلتك

غيرت الديلكو من عادي الي
اكتروني لموديل
98 - 99
كبريتر
مع العلم اللي عندي
موديل 91
وارتحت من التقطيع
لمدة سنتين
بس السنه هذي رجع يقطع
ماادري وش المشكلة

بس اللي يقول
البلف
اي بلف هذا
ووين يركب

[ابوحمد766]

البنزين الي أنت تعبي سيارتكـ وشو أن كان 91 غيرهـ إلى 95
أزين لكـ لأن موترك كبليتر مو بخاخ

[haertlove2010]

بناءاً على ماذكرت وفهمت منك عزيزي...
قد يكون والله اعلم من تانكي البنزين يحتاج تنظيف بسبب تراكم اوساخ وفي الاغلب تكون قطع صدى كبيرة تسد فتحة لي السحب المتجهة للصفاي (لكن شيك على اسفل الصفاي هل ترى حبات صدى )

او ليات تانكي البنزين المتجهه الى الطرمبة ثم الى الكاربوريتر فيها شقوق تسحب هواء


لاتنسانا علمنا وش طلع السبب

[قناص خلاوي]

الشباب ماقصروا
لكن اذا التقطيع يبدا معاك بأول النمرة واذا شديت على الموتر يروح التقطيع
فالمشكلة من طرمبة البنزين لازم تغيرها
موفق خير

[salih100]

وش صار معك ؟

[مكشات 2012]

وش صار معك ؟

[سفاري 95]

يعطيكم العافيه جميع..ولاعدمناكم يارب
اخوي العساف7777 الديلكو سليم مافيه شي

ابو حمد766 البنزين احمر فديتك

اخوي haertlove2010 التانكي انا منظفه قبل سنه وتزيد شوي..بس الليات الموصله للكربليتر الصراحه ماقد فكرت اني انظفها او بالاحرى ماقد جت على بالي ابد ..ويمكن يكون لها سبب رئيسي ف المشكله

اخوي قناص خلاوي نفس الكلام اللي قلته يحصل معي ..عليك نور يالغالي ..وطرمبه البانزين
من شريت السياره ما غيرتها ولاشيكت عليها

والصراحه انا شاك ان السياره بها عين والله اعلم ..لانه والله العظيم اغير قطعه وتخرب قطعه ثانيه
غيرت بواجي+ابلتين+صفايه+بوبينه__طلعلي بعدها كلتش المروحه والمروحه تشققت وغيرتها ..طلعلي بعدها هووبات واقمشه واثنين رمان بلي حق الكفر..وبعدها رجه في السياره من مساعد الدركسون...طلعلي بعدها المكره حق الكمبروسر ,,,,وبعدها صوت حنه وقالوا لي انه العمود يبيله تغيير ..وطلعلي بعدها خراب في بلف المكيف الخلفي .. والله العظيم ما اقول الا الصدق..انا احب الموتر مثل صاحبي وزود يشهد علي الله

الله لايوريكم مكرووه ي اخواني ...واذا استجد معاي شي بعطيكم خبر ودمتم

[قناص خلاوي]

يعطيكم العافيه جميع..ولاعدمناكم يارب
اخوي العساف7777 الديلكو سليم مافيه شي

ابو حمد766 البنزين احمر فديتك

اخوي haertlove2010 التانكي انا منظفه قبل سنه وتزيد شوي..بس الليات الموصله للكربليتر الصراحه ماقد فكرت اني انظفها او بالاحرى ماقد جت على بالي ابد ..ويمكن يكون لها سبب رئيسي ف المشكله

اخوي قناص خلاوي نفس الكلام اللي قلته يحصل معي ..عليك نور يالغالي ..وطرمبه البانزين
من شريت السياره ما غيرتها ولاشيكت عليها

والصراحه انا شاك ان السياره بها عين والله اعلم ..لانه والله العظيم اغير قطعه وتخرب قطعه ثانيه
غيرت بواجي+ابلتين+صفايه+بوبينه__طلعلي بعدها كلتش المروحه والمروحه تشققت وغيرتها ..طلعلي بعدها هووبات واقمشه واثنين رمان بلي حق الكفر..وبعدها رجه في السياره من مساعد الدركسون...طلعلي بعدها المكره حق الكمبروسر ,,,,وبعدها صوت حنه وقالوا لي انه العمود يبيله تغيير ..وطلعلي بعدها خراب في بلف المكيف الخلفي .. والله العظيم ما اقول الا الصدق..انا احب الموتر مثل صاحبي وزود يشهد علي الله

الله لايوريكم مكرووه ي اخواني ...واذا استجد معاي شي بعطيكم خبر ودمتم


اخوي
اذا ركبت موترك اقر اورادك ودعاء الركوب ولا عليك خلاف ان شاء الله
اللي غيرتهن كلهن اشياء عادية ولها عمر افتراضي وطبيعي تخرب
لاتنسى طال عمرك ان موترك له تقريبا 17 سنة يكد والخرابات اللي ذكرت بسيطة
وتطلع بمواتر اجد من المبروك ب 10 سنين واكثر

اذا حبيت تشيك على الطرمبة رح لأي كهربائي فاهم
خله يفك لي البنزين اللي يجي من التانكي للبخاخ او الكلبريتر
ويوصله بساعة قياس الفريون ويوصل لي الساعة الثاني للبخاخ او الكلبريتر
ثم شغل السيارة وادعس بنزين دعسات متقطعة وقوية
اذا ضغط الساعة من 40 وفيها فالطرمبة سليمة
واذا كان من 20 وفيها فهي ضعيفة يبي لها تغيير
واذكر كان سعرها زمان ب 600 ريال
وانتبه ترهم تراي رهمت طرمبة امريكي وبسنة غيرتها
3 مرات ماتخدم ابد والموتر كان مثل موترك ونفس الموديل
موفق خير اخوي

[سفاري 95]

والله العظيم اني متعووود من زماااان ..اي سياره قبل اشغلها اسمي بالله وامشي

اليوم بأذن الله راح اشيك على طرمبه البنزين .. .وان زبط معاي عطيتكم خبر

ويكتب الله لنا ولكم الخير ... قناص خلاوي لاهنت يخوي

[haertlove2010]

الصبر الصبر يخرب اسبوع ويزين لك سنين بس وسع صدرك
بانتظارك

[ramy asiry]

فك البواجي وشوف اذا عليها زيت ...اذا مافي زيت جلد البواجي سليمة
تغير جلد البواجي ويضبط معك ان شاء الله