طلبا الكريم الخالق الرازق الفراج *** كريمٍ لياضاقت علينا يفرجها

[ذيب الشفا]

طلبنا الكريم الخالق الرازق الفراج = كريمٍ ليا ضاقت علينا يفرجها



ليامن به المسلم لغيره ماهو محتاج= ليا شحت ملوك العرب في حوايجها

لياسكرت بيبانها في حرس وسياج= يسر النفوس الضايقه لين يبهجها

انا في ذراه وملتجن به عن الاحراج = نفوس الحرار الشقر مدناة محرجها

توارد على صدري مثل نفرة الحجاج =همومٍ تضيق النفس لاضاق مخرجها

لها لجةٍ مثل الظوامي على هداج =وبالصبر اكافحها وبالعزم اعالجها

ولاهمني قصرٍ من الروز والا العاج= ومناهيج لحاس المواعين ما نهجها

وحياة المذله لو من الريش والديباج= سماجه وانا نفسي عزيزه ما سمجها

ابويه وجدَاني لهم بالكرامه تاج= وعلى فقرهم فعل الجمايل متوجها

تعلمت والدنيا دروس وعبر وانتاج= وانا عارفٍ وش مكسبي من نتايجها

مجالس لها اصغي واستمع هرجة الهراج= ومجالس نعاف حضورها من برامجها

وليا شفت خبلٍ هرجته ما لها استنتاج= غشيمٍ يحوس السالفه لين يبعجها

اجنب عنه والدرب عن ديرته ينعاج = وليا قفت ظعون الردي ما تولجها

ولافيه مثل الصبر لنيابات علاج = وقبل رحمة الله مالها مايخارجها

واصلي على الهادي عدد مايلب الحاج= وعدد ماتطير اطيورها وداج دايجها





نايف الشملاني

[هواوي لكن..؟؟]

صح لسانك مليون ولا يسدون
لاهنت يا الغالي

[ذيب الشفا]

صح بدنك وبيض الله وجهك..............

[بدر العتيبي2]

السلام عليكم ورحمة الله وبركاته


صح لسانك يانايف والله ونعم


وعزالله قصيده طلعت من صميم القلب
واتمنى لك التوفيق




اخوك /بدر العتيبي

[ذيب الشفا]

بيض الله وجهك اخوي بدر العتيبي ولا عليك زود.......

[يوسف الخليفة1]

حياك الله أخي العزيز ذيب الشفا

[رائد نملان الحبابي]

وحياة المذله لو من الريش والديباج سماجه وانا نفسي عزيزه ما سمجها



كفو كفو صح الله الساااانك ونعم فيك وفي جدانك وربعك

[ذيب الشفا]

ماعليك زود ياصبي قحطان وبيض الله وجهك...

مشرفنا القدير حياك .....

[س.س.التميمي]

صح السانك يشاعرنا

[ذيب الشفا]

صح بدنك يالتميمي ...............

[مداعب الضلع]

ماشاء الله تبارك الرحمن

هنا للجزله وقفه وعنوان

وانت عنوانها يالذيب

صح لسانك مدد بليا عدد

ولاتحرمنا من اطروحاتك المبدعه يامبدع

دمت شاعر

[م.م.مذهب]

انا في ذراه وملتجن به عن الاحراج نفوس الحرار الشقر مدناة محرجها

سبحانه عزَ وجل.وصح لسانك

[ذيب الشفا]

مداعب الظلع اخجلتني بكرمك واطرائك بارك الله فيك وبيض الله وجهك ......

م م مذهب بيض الله وجهك ومشكور على مرورك الكريم ....

[عابر سبيل 1]

صح لسانك شاعرنا نايف الشملاني ( ذيب الشفا ) .
مشكور على هذه الرائعه ، والله ما يخيب رجاء من ترجاه ، وفالك طيب .
تقبل تحياتي ومروري .

[ذيب الشفا]

عابر سبيل 1 بيض الله وجهك وصح بدنك ولاهنت ياشوق البنت ..........

[بن ثعلي]

طلبنا الكريم الخالق الرازق الفراج = كريمٍ ليا ضاقت علينا يفرجها



ليامن به المسلم لغيره ماهو محتاج= ليا شحت ملوك العرب في حوايجها

لياسكرت بيبانها في حرس وسياج= يسر النفوس الضايقه لين يبهجها

انا في ذراه وملتجن به عن الاحراج = نفوس الحرار الشقر مدناة محرجها

توارد على صدري مثل نفرة الحجاج =همومٍ تضيق النفس لاضاق مخرجها

لها لجةٍ مثل الظوامي على هداج =وبالصبر اكافحها وبالعزم اعالجها

ولاهمني قصرٍ من الروز والا العاج= ومناهيج لحاس المواعين ما نهجها

وحياة المذله لو من الريش والديباج= سماجه وانا نفسي عزيزه ما سمجها

ابويه وجدَاني لهم بالكرامه تاج= @@@وعلى قلهم تلقى النشاما حوايجها@@@
تعلمت والدنيا دروس وعبر وانتاج= وانا عارفٍ وش مكسبي من نتايجها

مجالس لها اصغي واستمع هرجة الهراج= ومجالس نعاف حضورها من برامجها

وليا شفت خبلٍ هرجته ما لها استنتاج= غشيمٍ يحوس السالفه لين يبعجها

اجنب عنه والدرب عن ديرته ينعاج = وليا قفت ظعون الردي ما تولجها

ولافيه مثل الصبر لنيابات علاج = وقبل رحمة الله مالها مايخارجها

واصلي على الهادي عدد مايلب الحاج= وعدد ماتطير اطيورها وداج دايجها





نايف الشملاني

صح السانك يبوتركي وسامحني على التعديل اللي بين العلامتين والمثل يقول قديمك نديمك...
أبونايف الثعلي...

[ذيب الشفا]

ياهلا وغلا يابو نايف والله الشرف كله مرورك يالامير ......

والتعديل على الراس والعين وانت شاعر وناقد بلا شك .....

[نجم000الشمال]

ما شاء الله تبارك الله
صح لسانك اخوي وبيض الله وجهك على القصيد الطيب
وسبعة انعام فيك وبربعك ، وفالك القمة.
دمت بخير.

[ذيب الشفا]

ماعليك زود يالشمالي وبيض الله وجهك .....