من يفيدني عن غطاء طاحونة مولينكس الصفراء

[سالم محمد]

بسم الله الرحمن الرحيم
http://www.mekshat.com/pix/upload05/images240/mk84194_2600065.jpg
يا اخوان عندي طاحونة مولينكس الصفراء الحجم الصغير وبدأ يتكسر غطاها البلاستك الشفاف والمطلوب محل يبيع غطاء ستيل ولا المونيوم ولا حديد لان البلاستيك غير عملي وبخاطري اغيره
اللي يعرف محل بالرياض يدلنا عليه جعل والديه بالجنه

[دغيم1]

السلام عليكم ورحمة الله وبركاته
حياك الله أخوي
تجد لدى أغلب محلات الأواني المنزلية
غطاء معدن قيمته 5 ريالات
اشتريته من فترة بسيطة
وإذا كنت في مدينة الرياض
إذا دخلت للديرة - بعد سوق الزل وانت متجه للثميري
في الزاوية ( المنعطف ) يعني اول شارع الثميري - يمين - مقابل الساعة القديمة
فيه محلين لديهم الغطاء
تحياتي

[adnanmgh]

لقيت شخص يبحث مثلك عنها لدى الوكيل وعطوه هيا

دمت

[سعيد بن مسعدة]

أنا عندي طاحونة السنيدي ايضا تكسر غطاها فياليت يوجدون لنا بديل المنيوم أو استيل

[ثلج ساكن]

وايضا تجده بمحل في اسواق العويس بالعليا الظاهر انه سمه المبتكر اذا ماخانتني الذاكره

[ابو الشباب3]

فيه محل بسواق بن دايل على طريق الملك فهد

محل العمودي عنده الي تبي ويصلح اي قطعه فيها خراب

[abr515]

العيسائي شارع الستين بالرياض خلف البنك الاهلي تقريبا - مقابل شرطة الملز
يوجد صيانة وقطع غيار

[shaheenoo]

يعجبني في مكشات عن غيره من المنتديات
الحرص على المعلومة وسرعة تزويد من يحتاجها بها

[سالم محمد]

الله يجزاكم خير جميعا
لقيتها بمحل الخليف اللي بجنب المبتكر باسواق العويس لكن المشكله انه غطا المولنكس الفرنيسه القديمه اللي يجي فيها زر تشغيل وانا اللي عندي النوع الجديد الصيني اللي يكبس كبس ولا ينفع معه .

اخوي دغيم انا بصراحه مارحت للثميري لكن هل الغطيان اللي هناك تركب على النوع الجديد
وكذلك السؤال للاخوان اللي يقولون عند الوكيل

[ذيب حضن]

علبة زبادي المراعي تركب عليها من الخارج وتمشي

[ذيب الشفا]

موجوده في اسواق حجاب في النسيم ويوجد محل صيانه المحل داخل السوق عند الدخيل للعود محل العبيدي للاواني في اكثر من محل هناك .....

[ابوبشاير]

انا توني قبل شهرين ماخذ واحد المنيوم من شارع السبالة يالشميسي وكلشي عندهم متوفر للمعلومية اغلب محلات السعودية وليس الرياض ياخذ من هذا المكان اقولك كل شي عندهم ....انتبه لاتروح معك ام العيال ثم والله ان تبلشك اللين ترجعها مره ثانية