اللي يبي يخاوينا بـ طلعة بحرية في العقير

[accentkool]

http://im18.gulfup.com/2012-02-13/1329090252911.png (http://www.gulfup.com/show/X3bxkhvm34q12)



جات الفكرة براسي انا وماجد وقلنا ليش مانسوي طلعة ببحر العقير مع شباب المنتدى ومنها نتعرف على بعض ونستفيد من الخبرات
الطلعة صيد شوارات وسنارات وسنوركل اذا البحر اوك
موعد الرحلة//بكرة الاثنين
التاريخ//2/26/2012
كل واحد يجيب سناراتة وشواراتة معاة وطعومة
يوجد وجبة عشاء علي يدالشيف ماجد
عندنا رواق رفيع عن الهواء وخيمة بلاستك كبيرة انوار
نشغلها بالليل تصوير وتوثيق الطلعة بالمكشات بالكانون
والله يرزقنا بالصيد الطيب
توقيت الرحلة من الساعة 12 الظهر
الى الساعة 12 بالليل وقابل للزيادة
وكل واحد يزيد وينقص حسب ضروفة
للاستفسار الاتصال على ماجد الزعبي//0534007716

[دابوي]

الله يوفقكم بالصحبة الطيبة والصيد المميز

[وليد الغربة]

حيا الله اخوي بسام

بالعافية والتوفيق عليكم

كان ودي اروح لكن البعد والله

اخوكم وليد الغربة

[bingoo]

كان ودي اجي بس ظروف الدراسة والا كان نتعلم من خبراتكم

بس هالله هالله بالتقرير

[المعايد]

بالتوفيق أن شاء الله وافالكم الثمين والسمين
ولولآ البعد كان خاويناكم وأستفدنا من أبداعاتكم

[وليد الرشيدي]

والله لولا البعد كنت اول الحاضرين وبعد اخاويك غوص وسنوركل والخير من الله كثير

[حداق للأبد]

اخوي أعتقد اختيارك لتوقيت الرحلة غير مناسب لأن وسط الأسبوع الناس عندها أعمال ودوام بس لو كانت الرحلة في عطلة نهاية الأسبوع كانت راح تناسب الشباب أكثر


ربي يوفقكم إن شاء الله


تحياتي

[Hawwat Yanbu]

خوتك تنشرى بالفلوس يا غالي

بس البعد والدوام وخلها على ربك

وبتوفيق وننتظر تقريرك

تقبل مروري

[@ بحار مجيرمة @]

ودي برحلة معاكم بس المسافة اقهرتني

لو تغير وقت الرحلة لنهاية الاسبوع راح يستفيد الكثير من المنطقة الشرقية معاكم

اتمنى لكم التوفيق والخير الوفير

تحياتي لك

[kvip]

و الله يا بسام ان نفسي اخاويك في رحلة بس البعد و الدراسة تقف حاجز
ان شاء الله احصل رحله معك في المستقبل
الله يوفقكم

[حيدر بن يوسف]

رحله سعيده انشاالله اخوي بسام وماجد

اتمنه لكم صيد ممتع ورحله طيبه

ودي اخويكم لكن منيفه قهرتني فى العمل مدفون فيها

قايلك تعالو عندنه فى منيفه ههههههههههههههههه

اهم شي نصيبي من الصيد مالى شغل فيكم هع

تقبل مروري اخوك حيدر بن يوسف