تغيير زيت قير الفتك...هل أحد جرب هذه الطريقة

[بن عايد]

السلام عليكم
عندي فتك 2004 قير التورتبنك شاريه من فترة أربع شهور ودخلته صيانة وحبيت أغير زيت القير، قالوا المالك الأول ما غير الزيت إلا مره وحده، فإذا بتغيره ما عندنا مانع بس ما نعطيك عليه كفاله، قلت أجل شيك عليه وإذا ناقص زيده.

اليوم قال أحد الإخوان فيه ميكانيكي يغير زيت القير على دفعات
فاليوم مثلا يسحب كمية تعادل علبة وحدة، ويحط بدالها علبة زيت جديدة
وبعد أسبوع، يسحب مقدار علبتين، ويحط بدالهن علبتين جدد
وهكذا إلى أن يصبح الزيت جديد
وبكذا تقدر تغيره بالكامل.

أنا منطقياً اقتنعت بهالفكره
لكن هل أحد جربها؟؟.

أتمنى الإفادة

[ماون ماركز]

شوف هنا .. أخونا اصيل حجازي

http://www.mekshat.com/vb/showthread.php?t=352780
مشـــــآكل القير التـمـآتك وحـلولوه وكيف تصيد الخلل و المشآكل والحل حتى لاتنخدع

تحياتي

[بن عايد]

هذا سؤال موجه للأخ أصيل وجوابه
هذا السؤال:
(مشكور اخوي طيب لو سحبت من الزيت تقريبا 4لتر ثم ازوده بزيت جديد فهل يضر بالقير)

وهذا الجواب:
أخي الكريم / ســــُـلـطـآن ولد تميم


تحية عطرو وعيدك سعيد بأذن الله وبـعـد :


أخي الحبيب / والله أني أفتكرت أنك أكتفيت برد مـُشرفنا
الكريم المـُهندس / بدوي جنوبي


أخي أرى أنك تـــشــفــُط أو تفضي مـا قدرُه لتر ونصف فقط
ثـــُم تستخدم السيآرة بين 300 الى حوآلي 500 كلم
ثــُم تشـفــُط لترين بس لا تتعدى لترين ونصف
وهكذا دوآليك حتى يطلع لك الزيت صآفي نظيف .


بهذي الطريقة تغسل القير التمآتك من الرآيش
وبقايا الكلتشآت وتـُعيد القير بأذن الله لوضع أفضل من الأول .

وهذي الطريقة { الأسلوب} تستخدمها مع القير العآدي والدفرنش
أذا لم تغير زيتهـُم في الوقت الصحيح في الكيلوآت الصحيحة بوقتها ...
حتى لا يطلع حنة { ونة / صوت } .


لا تشفــُط في المرة { الوهلة} الأولى أكثر من لتر ونصف أبد .

[بن عايد]

مشكور أخوي ماون ماركز على الإفادة وجزاك الله خير.

[سيف وقلم]

طيب كم مشى عليه راعيه الأول بعد التغيير كان ما مشى واجد فما أتوقع يحتاج إنك تسوي هذي الطريقة غيره وبس ناقص خساير خاصة إن زيت قير الفتك غالي80 - 90 ريال للتر ويمكن أكثر

والظاهر إنه ماله عيار

[بن عايد]

صحيح أخوي سيف وقلم هو ما له عيار

وأنا راعيه الثالث، والموتر ماشي فوق 120، والوكالة يقولون تغييره كل أربعين ألف.

[وليد46]

ياناس قير الفتك مايغير زيته اقل من مية الف
انا غيرته كله مره وحده يوم مشى الموتر ٢٠٠ الف
وغيرته بالوكاله قبل سنه ولا قالولي على مسؤليتي ولا شي
والحمدالله من يوم غيرته ماشاءالله تبارك الله ما شفت خلاف فيه
فلذلك انصحك ماتغيره الا اذا موترك مشى ١٠٠ الف

[عشق البر]

بن عايد
لا يلعبون عليك الوكالة ترا ماعندهم سالفة والله لو انه زيت البناشر؟؟؟؟
الفتك يستخدم زيوت مواصفاته عالية وتصبر حتى زيت الدركسون ياله تحصله اللي مطابق
اهم شي ماعليك منهم انت غيره وان شاء الله مهنا الى الخير

وانا شوري رح لأبوصالح التركي خله يغيره لك