المساعد الشخصي الرقمي

مشاهدة النسخة كاملة : باتريوت مقاس 95 !!!


منسف الغترة
16/04/2006, 12:19 AM
السلام عليكم ورحمة الله وبركاته

اليوم رحت لمحل الرماية على شارع التخصصي بالرياض

قلت بأتفرج وإن جاز لي شيء بشتريه

والله ويقوم إللي يبيع ويوريني هاك الساكتون الإنجليزية ( باتريوت ) مقاس 95

والرصاص حقها مقاس 6.50

وبيني وبينكم متردد أشتريها وإلا لا ؟؟

علماً بأن قيمتها 2000 ريال

وأبي فزعتكم يا أهل الخبرة
آل مهنا
16/04/2006, 09:19 AM
الباتريوت عندي من سنين ولا اعرف ان لها مقاسات .... هي تعتبر من اقوى الساكتونات على مستوى العالم ...

عيوبها:-
- يبلك تاخذ معك عامل عشان يكسرها لك (المقصود هنا عشان تلقم الرصاصه ... قويه جدا في الكسر)
- الوزن ثقيله جدا ولا اعتقد ان فيه ساكتون بثقلها (والله انها تهد يدي الي متكيه عليها وهي في السياره).

المميزات:-
- قوه جباره جدا ... (بعيدة المدى بالنسبه لساكتون بشكل ماهو طبيعي ابد).
- ثقلها يساعدها في سهولة الاصابه.

تحياتي.
شميزر
16/04/2006, 11:37 AM
الساكتون قويه ممررره ورهيبه تغني عن الخرازه الي حد كبير ولاكن غاليه شوي . انا من شريته صرت ماشيل الخرازه.:j ولا تنسى انه ساكتون يعني تروح به ويين ماتبي.
منسف الغترة
16/04/2006, 04:04 PM
عنيد

شميزر

بيني وبينكم والله إنها أفضل من الخرازة من ناحية وحدة

إنك تشيلها وين ما تبي ولا عليك من أحد

ورصاصها تلقاه في البقالة :)

وعز الله إنها تذبح إن أراد الله

والظاهر إني بتوكل على الله وأشتريها :)

وعلى فكرة هالموديل إللي علمتكم عنه تراه ما نزل إلا من حوالي شهر

وش رايكم نطقم كلنا ونشتريها :)
الخراز-22
16/04/2006, 06:35 PM
والله انا جربي الباتريوت قبل ثلاث سنوات بصس الرصاص الي جربته 4.5 وممتازه جدد بس العيب مثل ماقالو الاخوان صعوبة الكسر والثقل
بس وانا اخوك يمكن هذا الجديد مطور اكيد ومميزاتها احسن جربه واذا عجبك خبرنا لاني خاطري بندق مقاس 6.5
منسف الغترة
16/04/2006, 08:02 PM
طيب من جرب وارد الرميح ؟؟
هاااوي الصيد
21/04/2006, 07:32 AM
السلام عليكم
اخوي الله لا يهنك ان الساكتون تغني عن الخرازه اخوي الساكتون اذا رميت في مهب الهواء نطلت الرصاصه
اما الخرازه ما يهزها ريح.....واهم شي الخفه خفيفه اخف من الصتمه...
اخوي ...انصحك انك تأخذها من الرميح ما يبيع ساكتون الا لها قطع غيار وشـــــــــــــــــــــكرا...
المدحور
07/08/2009, 02:09 AM
أنا بعد بكره انشاء الله بروح أشري وحده
ابن عاشور
07/08/2009, 11:31 AM
مابعدها بندق
لكن لابد تشيل معك مفكات الميزانية والصواميل إذا كان رميك قويا وكثيفا
وهي تسوي معنا الهوايل في وقت الصفار
ولكن عيبها إذا اختلت الميزانية فإنها تتعبك ، وبتجربتي فأنا تمتعت بها سنة كاملة وبرمي مكثف جدا ، وبعدها بدأت تتغير الوزنية ، ووضعت عليها دربيلاً ، وكانت تجربة ناجحة .

التي معي 4.5 وسأقلبها إن شاء الله إلى 5.5 عند الرماية بـ سعر 400 ريال

هي لدي الآن منذ 7 سنوات
ولاأرمي بها إلا في شهر أغسطس فقط
راعي الدويمع
07/08/2009, 03:37 PM
والله مجنونه اشترها ولا تشاور بس تراها قويه جد ا على الطيور الصغيره مثل الدخل والصفاري تقطعها
خالد الوليدي
07/08/2009, 04:50 PM
الساكتون الباتريوت قوية اللي تقول عليها وعلى فكره رصاصها يجي راسه ذهبي
عند الرمايه اللي في التخصصي وانا ان شاء الله ابشريها ..وعلى فكره تراها انجليزيه ..
ابو البر
11/08/2009, 01:26 AM
انا عندي وحده مستعمله وحادها بثمان ميه ريال ودوبي مطلعها من الرمايه صيانه .
ابن عاشور
11/08/2009, 10:59 AM
ماسبب البيع ؟
و 800 ريال قليلة جدا إن كانت نظيفة أخي أبا البر ، يعني طاح أكثر من نصف قيمتها
عشقي دحروج
11/08/2009, 03:26 PM
السلام عليكم ورحمة الله وبركاته

اي بقاله :d تقول حجم الفشق 6.5 انا اللي اخبره 4.5 و5.5 اللي بالبقالات وما عمري سمعت عن

فشق هوائيه 6.5 وان كانه موجود انا اشهد ان ما عندنا بقالات :d
ابو البر
11/08/2009, 06:44 PM
ماسبب البيع ؟
و 800 ريال قليلة جدا إن كانت نظيفة أخي أبا البر ، يعني طاح أكثر من نصف قيمتها
كثر الله خيرها لها معي فوق اثنعش سنه .

وبعدين لو تشوف كتفي اليمين تقول شايل اسطوانة غاز.



وارم من ثقلها .
ابن عاشور
12/08/2009, 02:58 PM
خلّك مثلي الفازلين والفقس في جيب والمفكات أنواع وأشكال في جيب
:)

لاتبعها طع شوري
12 سنة عشرة عمر


أخي عشقي دحروج
بلى فيه مقاس ستة ونص لكنه تخرب الحمام
ولايتوفر رصاصها في البقالات ومداها قصير جدا
الستانس
13/08/2009, 03:25 AM
طيب مر صاب وشف عندهم ساكتون اسمها ويبلي
وهي بالمرتبه الثانيه بعد باتريوت
وسعرها آخر مره سألت عنها 1650 ريال

يمكن تكون اخف وشاور الشباب فيهم البركه
قاهر الاسماك
13/08/2009, 03:48 AM
ابي مشورتكم يالربع لقيت لي باتريوت في الطائف في سوق الزل مقاس الرصاص 4.5 سعرها الف وسبعمائة ريال بس صاحب المحل يقول بدون ضمان ولا تصريح لانه يقول تصريح البنادق الهوائيه الغي هل كلامه صحيح ولالا ورايكم بالبندق وسعرها تكفون
الستانس
13/08/2009, 04:06 AM
ابي مشورتكم يالربع لقيت لي باتريوت في الطائف في سوق الزل مقاس الرصاص 4.5 سعرها الف وسبعمائة ريال بس صاحب المحل يقول بدون ضمان ولا تصريح لانه يقول تصريح البنادق الهوائيه الغي هل كلامه صحيح ولالا ورايكم بالبندق وسعرها تكفون

اخوي زدها 200 واشتر بضمان وهدايا وتصريح


ولا من ناحيه السعر مغري
ولاكن اشوف انه لا يشجع
انك تشتري لأن عرض الرمايه احلى
mazenk15
13/08/2009, 05:01 AM
ابو البر

اذا كنت تبغي تبيع ارجوا المراسله ووضح وين محلك فيه
maaazen@hotmail.com
زلزال 12
13/04/2015, 12:27 AM
طيب مر صاب وشف عندهم ساكتون اسمها ويبلي
وهي بالمرتبه الثانيه بعد باتريوت
وسعرها آخر مره سألت عنها 1650 ريال

يمكن تكون اخف وشاور الشباب فيهم البركه

ياخوك ويبلي هي باتريوت ^^ هههههه اسمها الكامل ويبلي باتريوت
(Webley patriot)
زلزال 12
13/04/2015, 12:31 AM
والله انا اقول نفس ما قال اخوي قوية في الكسر و ثقيلة مره 4 كيلو مقاس 85 اما 95 تلقاها اثقل خاصة رصاص 6.5