بنتٍ تجي تنزيل رب البريه ( جديد ) ............... حله ( ابو ماريا ) .. الحل ( سكينه )

[ابو ماجد 2]

بسم الله الرحمن الرحيم

السلام عليكم ورحمة الله وبركاته

اليكم هالخفافي

ياللي لحل اللغز طايل وطايل=خذ غطوةٍ ماهي عليكم عصيه
غطوه ولادونه عن الحل حايل =قدم الرماة اللي سهامه قديه
بنتٍ يابو ذيبان فيها دلايل =بنتٍ تجي تنزيل رب البريه
لو راسها اصبح عن الكل زايل=ياما اطردت يابرق جمعٍ سويه
ون صرت يادكتور للذيل شايل=ياما اقتلت يابدر حيٍ وحيه


مع تحيات ابو ماجد

منتديات مكشات 0 خيمة الالغاز

[ابوماريا]

صح لسانك يابو ماجد
أبيات رائعة بروعة صاحبها

مرووور اعجاب وتقدير ولي عودة إن شاء الرحمن

[صقر السديرات]

صح لسانك ابو ماجد
بيض الله وجهك على عطائك المتدفق
ولنا عودة بعد التامل

[ابو ماجد 2]

صح لسانك يابو ماجد

أبيات رائعة بروعة صاحبها



مرووور اعجاب وتقدير ولي عودة إن شاء الرحمن


صح بدنك يابو فايز
والاروع تواجدك يالغالي
اعجابك فخر لي وانتظر مرماعك

[ابو ماجد 2]

صح لسانك ابو ماجد

بيض الله وجهك على عطائك المتدفق

ولنا عودة بعد التامل



هلا بك يابو فيصل
وصح بدنك يالغالي
والعطاء مهما بذلنا قليل في حقكم
انتظر مرماعك

[ابوماريا]

سكينة

كينة ،، سكين

[الناقد البدوي]

السلام عليكم العقرب

[ناصر العلي]

وعليكم السلام ورحمة الله وبركاته
سلمت يالغالي
وصح لسانك
ماشاءالله على هاللغز اللي جمع بعض الأحباب


ونرمع ونقول
السكينة
شجرة الكينة....تبعد الباعوض
والسكين.............تذبح

[ناصر العلي]

سكينة





كينة ،، سكين


ماشاءالله ياأبوفايز
قاعد أنسق وتفلسف بالكتابة والطيور طارت بأرزاقة
مؤيد وبقوة
هو الذي أنزل السكينة في قلوب المؤمنين ليزدادوا إيمانا مع إيمانهم ولله جنود السماوات والأرض وكان الله عليما حكيما

[ابوماريا]

ماشاءالله ياأبوفايز



قاعد أنسق وتفلسف بالكتابة والطيور طارت بأرزاقة
مؤيد وبقوة


هو الذي أنزل السكينة في قلوب المؤمنين ليزدادوا إيمانا مع إيمانهم ولله جنود السماوات والأرض وكان الله عليما حكيما



الله يسعدك يادكتور
وازيدك من الشعر بيت ،،أنا اطلعت على اللغز أول مانزل واخذت فرصتي بالتفكير ولو كنت حاضر يادكتور كان سبقتني رغم التنسيق


لك كل ودي واحترامي

[ناصر العلي]

الله يسعدك يادكتور

وازيدك من الشعر بيت ،،أنا اطلعت على اللغز أول مانزل ولو كنت حاضر يادكتور كان سبقتني رغم التنسيق



لك كل ودي واحترامي


الله يرفع قدرك يالغالي
والعين ماتعلى على الحاجب
دمت بخير

[ابو ماجد 2]

سكينة




كينة ،، سكين


ماشاء الله تبارك الله
بارك الله فيك وزادك من فضله
كفوووووووووو كفوووووووووو
نعم
سكينه
قال تعالى
(إِذْ جَعَلَ الَّذِينَ كَفَرُوا فِى قُلُوبِهِمْ الْحَمِيَّةَ حَمِيَّةَ الْجَاهِلِيَّةِ فَأَنْزَلَ اللَّهُ سَكِينَتَهُ عَلَى رَسُولِهِ وَعَلَى الْمُؤْمِنِينَ )سورة الفتح – الآية 26.
وقال تعالى
(لَقَدْ رَضِى اللَّهُ عَنْ الْمُؤْمِنِينَ إِذْ يُبَايِعُونَكَ تَحْتَ الشَّجَرَةِ فَعَلِمَ مَا فِي قُلُوبِهِمْ فَأَنْزَلَ السَّكِينَةَ عَلَيْهِمْ وَأَثَابَهُمْ فَتْحًا قَرِيبًا) سورة الفتح – الآية 1
وقال تعالى
هُوَ الَّذِي أَنْزَلَ السَّكِينَةَ فِى قُلُوبِ الْمُؤْمِنِينَ لِيَزْدَادُوا إِيمَانًا مَعَ إِيمَانِهِمْ وَلِلَّهِ جُنُودُ السَّمَاوَاتِ وَالأرْضِ وَكَانَ اللَّهُ عَلِيمًا حَكِيمًا( سورة الفتح – الآية 4.
وقال تعالى
إِذْ يَقُولُ لِصَاحِبِهِ لا تَحْزَنْ إِنَّ اللَّهَ مَعَنَا فَأَنزَلَ اللَّهُ سَكِينَتَهُ عَلَيْهِ وَأَيَّدَهُ بِجُنُودٍ لَمْ تَرَوْهَا ( سورة التوبة – الآية 40.
وقال تعالى
(ثُمَّ أَنزَلَ اللَّهُ سَكِينَتَهُ عَلَى رَسُولِهِ وَعَلَى الْمُؤْمِنِينَ) سورةالتوبة – الآية 2
والسكينه لوراح راسها اصبحت كينه والكينه تطرد البعوض وغالب الحشرات
ولو راح ذيلها تصبح سكين والسكين ياما قتلت حي وحيه
لله درك يابو فايز

[ابو ماجد 2]

السلام عليكم العقرب

هلا بك يالغالي والحل عند ابو ماريا

[حمد؟؟]

صح لسانك ابو ماجد
ابداع ماشاء الله عليك
ومع الاخوان
ومعلومه حلوه (الكينه تطرد الباعوض)

[ابو ماجد 2]

وعليكم السلام ورحمة الله وبركاته



سلمت يالغالي
وصح لسانك
ماشاءالله على هاللغز اللي جمع بعض الأحباب


ونرمع ونقول
السكينة
شجرة الكينة....تبعد الباعوض


والسكين.............تذبح


سلمت وصح بدنك دكتورنا
وهنا طال عمرك وانت ابخص
ارمع وتفرغ


ارمع رمعتك وتفرغ للتنسيق
فالبوارديه ماشاء الله كثيرين

[ابو ماجد 2]

صح لسانك ابو ماجد

ابداع ماشاء الله عليك
ومع الاخوان

ومعلومه حلوه (الكينه تطرد الباعوض)


صح بدنك يابو طيف
ولك غيبه يالغالي
صح لسانك على التاييد
والحقيقه انا حبيت اتأكد من المعلومه فوجدت ان الكينه انواع والكينه الشهيره والتي يكون جذعها ابيض هي التي تطرد البعوض وكثير من الحشرات
وحتى يقولون لو قرصتك البعوضه وخاصة من عنده تحسس فما عليه الا اخذ ورق الكينه وفركها على موضع القرصه

[ابوماريا]

الأخ الغالي أبو ماجد2
سرني وشرفني تكسير غبوتك أيها المبدع الرائع
ماشاء الله عليك ،، عطاء منقطع النضير

الله لايضرك وفي كل الأوقات يسرك

تقبل فائق احترامي

[ابوذيبان]

يامرحبا باللي يسوق الجمايل=ياللي على القمة علومك جلية
حي الزعيم اللي يسوق الاصايل=قوافيٍ تاتي عذيبة عذية
ذكرتني ياشيخ والشكر هايل=وذكرت برق الطيب والشاذلية
ودكتورنا راع العلوم الجزايل=وبدر بدرنا من رجال الحمية
وحي الله المبدع وراع الفعايل=مني لابوفايز تحية تحية

[ابوماريا]

يامرحبا باللي يسوق الجمايل=ياللي على القمة علومك جلية
حي الزعيم اللي يسوق الاصايل=قوافيٍ تاتي عذيبة عذية
ذكرتني ياشيخ والشكر هايل=وذكرت برق الطيب والشاذلية
ودكتورنا راع العلوم الجزايل=وبدر بدرنا من رجال الحمية
وحي الله المبدع وراع الفعايل=مني لابوفايز تحية تحية

الله يسلم لسانك ويعلي شانك يابو ذيبان
وماعليك زود يالغالي

[ابو ماجد 2]

الأخ الغالي أبو ماجد2

سرني وشرفني تكسير غبوتك أيها المبدع الرائع
ماشاء الله عليك ،، عطاء منقطع النضير


الله لايضرك وفي كل الأوقات يسرك



تقبل فائق احترامي


هلا بك يابو فايز
وانا يسرني لانحلت الغطوه من مثلك وشرواك فهذا يجعلني اجزم على ورودها
بارك الله فيك يالغالي

[ابو ماجد 2]

يامرحبا باللي يسوق الجمايل=ياللي على القمة علومك جلية
حي الزعيم اللي يسوق الاصايل=قوافيٍ تاتي عذيبة عذية
ذكرتني ياشيخ والشكر هايل=وذكرت برق الطيب والشاذلية
ودكتورنا راع العلوم الجزايل=وبدر بدرنا من رجال الحمية
وحي الله المبدع وراع الفعايل=مني لابوفايز تحية تحية

هلا ومليون هلا
انت مبدع بكل حالاتك
صح لسانك ملايين على الابيات