معلومه عند كل صقار واريد الحصول عليها

[صبي مسرد]

السلام عليكم ورحمه الله وبركاته
عندي سؤال يالصقاقير
وقت الربطه هل الطير ينطل ريشه الذنبه ولا الجناح وبس ؟
وبيض الله وجيهكم مقدما

[ولد الجنوب]

الطير يحذف كل ريشه

[أبو لافي00]

الطير يحذف كل ريشه


مسيت بالخير اخوي,,
بيض الله وجه ولد الجنوب
عطاك العلم ,,

[صبي مسرد]

ياجعلكم تسلمون هذا العشم فيكم يالنشاما
لاهنتو جميعا وبيض الله وجيهكم
بس بكثر عليكم بالسؤال تحملوني نفداكم عندي سؤال
انا جديد في الصقاره وعندي شيهانه جبليه طيييييييييييبه بالحيل مهداه علي من رجال شروا ذي اللحا
ابي اربطها عندي في البيت وش الاشياء الي تنصحوني اسويها ؟ من ناحيه الاكل والجو والفيتامينات و.......إلخ
وهل هي بتنطل ريشها كله ولا لا ؟

[أبو لافي00]

ياجعلكم تسلمون هذا العشم فيكم يالنشاما
لاهنتو جميعا


يامرحبا صبي مسرد,,
ولا ندمت يابعدي
وهذا الواجب الكل يستفيد,,
تحياتي لك وللجميع,,

[سيف العلا]

انا اعلمك العام قرنسة شيهانه اجبليه والحمد لله غيرة ريشها كله

كان عندي شبك 4 امتار 4امتار وحطيت فيه مكيف صحراوي وطلقتها فيه طلق بدون سبق والحمدلله قرنسة قرناس طيب والمكيف اشغل اذا كلن الجو حر

[Warad]

ياجعلكم تسلمون هذا العشم فيكم يالنشاما
لاهنتو جميعا وبيض الله وجيهكم
بس بكثر عليكم بالسؤال تحملوني نفداكم عندي سؤال
انا جديد في الصقاره وعندي شيهانه جبليه طيييييييييييبه بالحيل مهداه علي من رجال شروا ذي اللحا
ابي اربطها عندي في البيت وش الاشياء الي تنصحوني اسويها ؟ من ناحيه الاكل والجو والفيتامينات و.......إلخ
وهل هي بتنطل ريشها كله ولا لا ؟

تبي النصيحه ودها مربط احسن لن شغلها راح يكلف عليك اكثر من الربطه

[صبي مسرد]

يا جعلني ما اعدمكم يا رجال
وعطونا علومكم في القرنسه البيتيه (في البيت) وتجاربكم
نبي نستفيد من تجاربكم مثل سيف العلا جعله يسلم

[محمد المساعد]

تبي النصيحه ودها مربط احسن لن شغلها راح يكلف عليك اكثر من الربطه
:good2::good2::good2::good2::good2::good2::good2:

[الرقعي]

والله القرنسة بالبيت زينه لكن راح تربطك ارتباط كلي يعني تلقاك كل ساعة رايح الطير تشوف فيه شي ولاالطيور متماسكت والمكيف طافي لوكاد انك فكرك مشغول

[اسلي نفسي]

زي ماقالوا الاخوان القرنسه ربطه وشغله
ودها مربط يقرنسونها لك ويعالجون وكورسات وكل شي ب1500 يابلاش تستلمها جاهزه مجهزه

[الصحافة 15]

نصيحة الأخوان في محلها المربط أفضل وأشتر راحتك

[صبي مسرد]

ودي اربطها في مربط ولا ودي
ابيها حولي والرجال الي اهداها علي يقول دايم يقرنس في البيت ومن اروع ما يكون وتطمن عليها من قريب
ويقول الشغله سهله مره واذا ضبطت من اول مره خلاص تصير الدعوه عاديه جدا
بس الله لا يهينكم وش معنى كورسات ؟؟؟

[صبي مسرد]

عز الله يالربع ان البيتين الي في توقيعي انها انطبقت عليكم
لا خلا ولا عدم ومعرفت الي مثلكم وشرواكم تاج(ن) على راسي

[ALNDOIE]

الشغله بسيطه وفر الماء والمكيف والرمل (البطحاء ) وشبك او غرفه فاضيه


واربط الطير و إذا فيه غرفه خله طلق احسن وعطه علفه قبل المغرب ويكون في مكان هادي


وبإذن الله مايجي نصف شهر تسعه ميلادي الا وهو مصفي

[قرناس شماالي]

انا مانصحك بربط الشيهانه صعبه