المساعد الشخصي الرقمي

مشاهدة النسخة كاملة : مواقع صيد قريبة من الدمام


بوفايز
16/04/2006, 09:25 AM
السلام عليكم يا اخوان. ابي منكم المساعدة تدلوني على اماكن فيها صيد حلو قريبة من الدمام. انا عندي طراد وانزل من فرضة المزروعية. جديد على البحر بس رحت بوية ستة ورحت النيوة ورحت عند المحترقة والحفرة وللاسف ما صدت شي يرضي الخاطر. ابيكم تدلوني على مكان فيه صيد وفير واذا كان فيه هوامير بعد احسن واحسن. النيوة رحتها مرة بس ما طولت. اصبت باحباط وغيرت المكان. في مكان ممتاز في النيوة؟ اسمع ناس واجد تتكلم عنها. شكراااااااا

بوفايز
بوفايز
22/04/2006, 02:40 PM
ما شاء الله 108 قروا الموضوع ولا واحد رد !!!!!!!!!!!! لهدرجة مافيه تفاعل؟ ولا الدمام مافيها اماكن صيد؟ ولا السؤال مو في محله؟ و لا يمكن شالوا الدمام من على البحر؟؟؟؟؟؟ واحد يعلمني
gulfhunter
22/04/2006, 04:08 PM
السلام عليكم ورحمة الله وبركاته

حياك الله أخوي ابوفايز

شوف اخوي الصيد رزق من رب العالمين ومافي احد يقولك تروح المكان اللفلاني وتجيب 5 ثلاجات او 4 ثلاجات

يعني الأموار هذي كلها توفيق...... لكن اخوي لازم تشوف المايه إذا كانت سقي او ثبر او المكان هذا زين مع رش المايه او مع بداية الثبر هنا يمكن تفرق معاك كثير وبالنسبه إلى الأماكن اللي رحت لها كله ممتازه وان شاء الله توفق مره ثانيه لكن البحر لازم له صبر!!!!!!!!!!!!!!!!!!!!!

أنا لو عندي احداثيات كان حطيتهم لك

الله يوفقك ويبارك فيك
ليلان
24/04/2006, 09:05 AM
السلام عليكم اخوي ابوفايز
جزاك الله خير اخوي ابوعبدالله الارزق من رب العباد وكل منطقه لها وقت اذا كان قصداخوي ابوفايز بويه 6 اشماليه معروفه بهير الواسعه ويكثر فيه السمك باذن الله في الصيف ومحدقه شرق وشمالي وغربي احيانا حسب الهواء والمايه اما انيوه ومناطق لرقوق تعتبر مناطق صيد شتويه او بارده وخوي ابوفايز البحر والصيد يبيله صبر ومعرفة الوقت وطريقة الصيد في كل منطقه ولارزاق من الله سبحانه(احيانا يكون 3 حدقه في نفس الطراد واحد يصيد و2 مايصيدون شي )والسموحه وانشاء الله يرزقك صيد طيب..
ابومحالة
25/04/2006, 01:23 PM
اخوي بو فايز

عليك براس ابو علي او على حدود قطر (القرية - العقير) وما بعدهم بعد الاحساء
بوفايز
29/04/2006, 12:22 PM
أشكركم جميعاً على التفاعل وآسف على تأخر الرد ولكن الألتزامات بعض الأحيان تحكم الواحد. ماقصرتوا وعندي سؤال للاخ مشرفنا الغالي gulfhunter ناس واجد تتكلم عن السقي والثبر والمد والجزر ممكن تفهمني شنو علاقة هذا في الصيد؟ وثاني البحر على طول اما مد او جزر وين الأحسن وقت المد ولا وقت الجزر ولا قت اقصى مد ولا اقصى جزر. شكرا ويعطيك العافية
ليلان
30/04/2006, 12:43 PM
السلام عليكم اخوي ابوفايز
علاقة المد والجزر اقرب مثل اصيد في مناطق ظحله يكون مع بداية المد(السقي) لان الاسمك تطلع مع المد الى المناطق لرعي (لتتغذى) على القشريات او الاعشاب المتوجده في مثل هذا المواقع ولارزاق من رب العباد اخوي وكل منطقه لها وقت ونوع الطعم (اليم)المستخدام ومع الوقت انت بتكسب خبره بتجربه عن المواقع الي تصيد فيه والسموحه ياالغالي.
بوفايز
01/05/2006, 09:25 AM
مشكور اخوي ليلان واتمنى من مشرفنا معلومات اكثر.
gulfhunter
01/05/2006, 10:45 AM
السلام عليكم ورحمة الله وبركاته


حياك الله أخوي ابوفايز

انت تامر .... ويسلم اخوي ليلان على المعلومات المفيدة وانا شخصياً اعتبر اخوي ليلان من نواخذة المنتدى وكلنا طال عمرك نستفيد منه

بالنسبه إلى الثبر والسقي..... اعتقد اني كتب موضوع من قبل أو رديت في موضوع سابق لكن ماعليه مايذكرني الموضوع

اخوي لازم تعرف المكان اللي انت تصيد فيه وايضاً طبيعة الأسماك وايضاً لازم تعرف ان الأسماك تكون اكثر نشاطاً مع المد اي السقي او العكس ايضاً تكون نشطه اثناء الجزر اي الثبر...... فمن هنا نستنتج ان الصيد اثناء السقي او الثبر يكون افضل .....

ملاحظه كثير من المبتدئين بالصيد يعتقد ان المد والجزر لا يؤثر بالصيد خصوصاً إذا كان في وسط البحر وعلى أعماق كبيرة.....

افضل شي للصياد ليطور مهاراته وخبرته.. تدوين ملاحظته عن الصيد في كل رحله للأستفادة بالمستقبل ومعرفة افضل اوقات الصيد

مثلاً ... تصيد في منطقة (1) في بداية السقي وايضاً في بداية الثبر وتشوف الفرق وين افضل ولازم تاخذ التاريخ الهجري بالأعتبار ....... وبعد عدة طلعات تقارن النتائج....

أتمنى اني قدرت اساعد ولو بشي بسيط

تحياتي لك وللجميع وأتنى الفائدة للجميع
khayyal
01/05/2006, 10:58 AM
السلام عليكم ويعطيكم العافيه جميعا

صراحه انا احب الصيد واتمنى القى صياد هاوي عنده طراد في الدمام ويحب اصاحبه في احد رحلات الصيد بس يكون ايام الاسبوع يعني من الاربعاء الى الخميس انا مشغول ..

انا شاب حبوب واحب الوناسه وسريع التعلم ... فاذا في شخص يحب ارافقه في رحله ، يراسلني على
abu_esra@yahoo.com (abu_esra@yahoo.com)

وعندها نقدر نتبادل اي معلومات عن بعض وارقام التلفون

تحياتي
علي
بوفايز
03/05/2006, 09:17 AM
أشكركم يا شباب على التفاعل وما قصرت يا مشرفنا
اخوي خيال حياك الله بس انا توني اتعلم ويبي لي وقت الين اقد افيد غيري.

بوفايز