مشكلة تبي حل من الاجاويد

[وليد46]

السلام عليكم ورحمة الله وبركاته
اخواني عندي مشكلة في سياره جيب تويوتا مديل 2009
المشكلة \ رجه او نفضه خفيفه تطلع اول مامشي وخاصه بين سرعة خمسين الى
ستين وتروح
الاشياء الي سويته
1/ غيرت الكفرات بجديده
2/ رصيت الكفرات وسويته ميزان
3/ غيرت مروحه المكينه لان الفني الي بالوكاله قال فيها فضاوه وهي تسبب هالنففضه ولا فاد
ارجو منكم التفاعل بحل هالمشكلة وجزاكم الله كل خير

[الا سير]

وش نوعيت الكفرات
وهل شيكت على صلبان عمود الكردن

[وليد46]

الكفرات دانلوب
والعمود سليم ومافيه شي يالغالي
والف شكر على تفاعلك الطيب

[بدر بن براهيم]

شيك على عمود الكردان و والدبل وتاكد من هوباتك لا يكون جايها رصيف

[العابر2222]

أخوي المشكله مع التعشيقه ولا بدون

[وليد46]

لا ياخوي ماهوب مه التعشيقه
بس اول مامشي تجي هالنفاضه وتروح ويصير الموتر طبيعي احس انه مشكلة كهرب

[ابو فهد...]

هاذي من الدفرنس

[وليد46]

وش دخل الدفرنس بالنفضه الخفيفه
اخوي هذي نفضه ماتاخذ ولا عشر ثواني وتروح

[بدوي جنوبي]

قير عادي أو اوتو ؟

[ابوحميد122]

الكويلات صارت معي قبل وغيرت كويل واحد شيك ع الكويلا اللي تجي فوق البوجي

[صياد الجبل]

شيك على الهوبات

[وليد46]

هلا فيكم يالغالين

القير تماتيك والفحمات جديده والكويلات سليمه مية بالمية ابي واحد صارت معه نفس المشكله الله يجيب حله ان شاءالله

والف شكر لكل من تفاعل معي

[العابر2222]

اخوي شيك على البواجي والكويلات

صارت في جيب الوالد كانت خفيفه وكل شوي تزود الين صارت واضحه ووديناه الوكاله قالو بدلو الكفرات وبدلناها ولا راحت ورجعناه لهم قالو من القير وغيرنا زيت القير والفتر ولا راحت

ووديناه للعضيب الي بصناعيه القديمه اول ما ساقه الفني قال جيبو بواجي ونجيبها ويغيرها ويضبط من احسن ما يكون