فزعتكم ياهل البل

[اخو دعجه]

السلام عليكم

ياجماعة الخير
انا عندي خلفتين يصيبهن انتفاخ _ ترهل _ وريم في الديد
يعني بشكل اسبوعي
وش المشكلة الله يبيض وجيهكم
مع العلم اني اعطيهن الماء بعد الظهر الى العصر ثم اقطعه الى بكره الظهر
وعلفهن رودس مخلوط او زرع بس

< هل هو من كثره الخبز
<هل هو من الشبك لانه قديم.
<هل هو من الشماله لانها من القطن
<هل هو من الكلاب وانتم بكرامه
<هل هو روائح الولايش المنبعثه
<هل هو عين حاسد
<هل هو من موقعها لانها وسط مجرى شعيب
< هل هو قله المشي لانها مشبوكه ((مع العلم بان جاري عنده خلفه شبكها 3متر في 3متر وديدها الله لايضرها سليم )) وانا شبكي سمح ووسيع

افيدوني جزاكم الله خير

[طالب المعرفه]

هل هو قله المشي لانها مشبوكه ((مع العلم بان جاري عنده خلفه شبكها 3متر في 3متر وديدها الله لايضرها سليم )) وانا شبكي سمح ووسيع



نعم ومن خبرتي البسيطه انه من المشي

وابلك ما تعودة على الشبك

وابل جارك متعوده على الشبك


شف الله يطول عمرك مشها اليوم وبكره لو ساعتين


وشفها اليوم الثالث وثمني وامدحني


الله يبارك لك في حلالك وعيالك ومالك

[مشرف الخيل]

البل ماتشبك خلها الصبح للعصر او المغرب تسرح وتبرك وتمشي والمكان الي انت به لازم يكون نضيف وشلك بالمكان الي به ولايش وخلها تضرب 3 كيلو مشي مايهمه الناقه المشي باعكس عافيه لها تقبل مروري

[راعي - الصفرا]

بختصار مشكلتها بالمشي بس

[ABO KHALIL]

مشكلتها من الشبك حاول تنظف الشبك

او اذا تقدر تخليها تمشي كل يوم احسن لها

[MOHD.]

هذا الهيام بارك الله فيك
هات أبرت جرب وهيام الاصليه وطقهن
ولا تشاور احد
ولا تنسانا من الدعاء

[قناص تربه]

مويه بارده ورش ديودها ونضفها بالماء زين قبل الحلب وبعد الحلب وفكها تمشي تتطلق لان السبب الشبك وادعلي

[الفوازي الحربي]

البل ماتمشي وشبك يمكن وصخ مراح غنم قبل تركم ويكرومن القارين وي مساعده انا بلخدمه

[مولع بالطير]

والله ياخوي مازيد ع الاخوان لاكن عسي الله يباركلك بحلالك ومالك وعيالك وصحتك انا عندي ناقه لها الحين شهرين فيها وريم بديسها وتمشي وغسلها كل يوم وطقيتها ابر لاكن اخف من اول بشي بصيط لاكن مشها ولاتعطيها الا التبن وتكرمون وغسل وحلبها لين تفضي ديسهااا وسلامتك