المساعد الشخصي الرقمي

مشاهدة النسخة كاملة : مـســـابقــة أخر شهر ربيع أول.. شدو حيلكم..


المري
16/04/2006, 12:39 PM
السلام عليكم

اخواني الاعزاء حبيت احط هذه المسابقة علشان نحرك الدورة الدمويه عند كل واحد منا, نبحث

ونسأل علشان نجد الحل ونجاوب الأجابة الصحيحة ..

السؤال الأول:


ماهو نوع هذا الطير ؟ من حيث نوعه و قرناسه ووحش او بيتى او فرخ ..الخ...


http://www.mekshat.com/pix/upload/images16/mk1168_tair11.jpg

http://www.mekshat.com/pix/upload/images16/mk1168_tair 22.jpg


السؤال الثاني:

ماهي صناعة هذا الجهاز ؟ وماهو موقعه على النت يعنى عنوان الويب سايت ؟

صورة الجهاز:

http://www.mekshat.com/pix/upload/images16/mk1168_jahaz1.jpg



السؤال الثالث:

هات بيت او بيتين على شوفك لهذا المنظر, البيتين بدع او من احد الشعراء..

http://www.mekshat.com/pix/upload/images16/mk1168_matrooh.jpg


http://www.mekshat.com/pix/upload/images16/mk1168_matrooh1.jpg

http://www.mekshat.com/pix/upload/images16/mk1168_matrohh.jpg


وسلامتكم

اخر موعد هو يوم الجمعة يعنى بعد خمسه ايام..

والجائرة عبارة عن دربيل مقاس عشرة في 42 .. ومواصفاته عاليه وزينه..

اخوكم / المري
أخو المري
16/04/2006, 01:27 PM
لاهنت يالمري


وإنشاء الله بناخذ دربيلك
أخو المري
16/04/2006, 01:38 PM
اخوي المري


هل فيه مانع في الابيات اذا جاءت 4 ابيات او8
المري
16/04/2006, 02:20 PM
مرحبا ياسعيد وحياك الله

من غير قصور فيك الظاهر ان الدربيل عسر اشوي.. ياخي..

بالتوفيق والابيات على راحتك بيتين واكثر
نايف الخالدي
16/04/2006, 03:19 PM
السلام عليكم

اخوي المري كيف حالك بالنسبه للطير امره محيرني شوي
اولا:الطير جير (ماجبت شي جديد:D ) المشكله ان ريشته فيه من جير الشاهين
ثانيا: الطير قرناس خلوي(وحش)بتقولون كيف عرفت :confused: عندي له صوره ثانيه بنزلها اذا خلصت المسابقه

اما بالنسبه للجهاز ماعندي خلفيه عنه

والبيتين اخليها لاخواني الشعراء
أخو المري
16/04/2006, 10:45 PM
مرحبا يالمري

بالنسبة لطير
هذا جير شاهين بيتي قرناس ثنو
وإذا تبي شركته ما عندي مانع....

اما الجهاز
وهو والد لايف واظاهر اني مخطي في اسمه وهو امريكي
واما عنوان الويب سايت نفتح المجال لغيرنا

واما الأبيات ابشر بها
وأقول

بـا الله يالطاروح لاتطرح الطير@خل الوحش لاتوجعه بالمهادي
خله بمضياحه بروس الشناظير@بالخد ولافي ارجوم الحمادي
يشيـخ في رايه ورزقه بتيسير@ويسلم من البرقع وتل القيادي
وانت اكسب الراحة وخل المخاسير@واليوم شبك الطير عود اجهادي

هذي مشاركتي وبإنتظار الأعضاء الأخرين


اخو المري
فارس العجمي
17/04/2006, 01:50 AM
هلا ابو معيض اعلومك كلها غانمه
اخووو المري الحين عرفنا اسمك الله واكبر عليك صح السانك علي القصيده ادورها غدلي كم شهر هذي حقة ابن عون صح او انا غلطان واذا تعرف باقيه كملها ولا عليك امر
أخو المري
17/04/2006, 10:16 AM
أخوي فارس

فعلا هذي لشاعر عبدالله بن عون
ولا أخفظ الا هذي الأبيات

وشكرا
المري
17/04/2006, 11:28 AM
مرحبا اخوي فارس والحمد لله على السلامة !!

**

اخو المري ( سعيد )

شكرا على الأجابة .. وانشهد ان الدربيل ماأنت بصوبه ولاهوب صوبك..

وفي انتظار باقي الأعضاء..

اخوكم / المري
مارشال
17/04/2006, 02:09 PM
السلام عليكم

يالمري عندي سؤال
الحين اخو المري هو اخوك !!!!! والا يحتك

بعدين اذا صار اخوك ترى مايسمح لح انه يدخل المسابقة ....... حسب انظمة وزارة التجارة
المري
17/04/2006, 04:03 PM
مارشال

حياك الله يالغالي..

بالنسبة لأخو المري

صحيح اخوي يامارشال ...

والأتصال عندي في البيت ضعيف جدا جدا لان التلفونات إسقاط.. هوائيه سرعة الخط 10 بس

اخوكم / المري
فارس العجمي
17/04/2006, 04:27 PM
ابوو معيض انا برمعلي رمعه الطير جير رمادي خلوي
والجهاز والله معرف بس بدور في المواقع عشان اخذ دربيلك ( هههههههههه)
والابيات مخلانا سعيد نقووولها
وخص انا نشاف ريق المعاشير @@@ فرخن حدب ملون طويلن اسباله
طرح الشبك منسروه الصقاقير @@@ علي الكسيره والحبش والجلاله
جابوه من فوق الجبال المشاهير @@@ من يوم كواخه صبر لين ناله
المري
17/04/2006, 05:22 PM
اقول بيض الله وجهك يافارس على الأجابة ..

وعسى الله يعينك على الحل الصحيح

اخوك / المري
الدكتور00
17/04/2006, 10:03 PM
مساك الله بالخير يا بو معيض .. مساكم الله بالخير جميعا ،،





عساك عالقوة يا الغالي .. وبيض الله وجهك على هالمسابقة الفريدة من نوعها .. الغير مسبوقة في مجالها في عالم النت ..وباختصار أقول شغل متعوب عليه وجهد يستحق الإشادة ..


..........................



الفقرة الأولى.. بخصوص الطير

هذا سلمك الله ومن يقرا جير بيور قرناس هوا (وحش مهوب تفريخ .. بيور لا تهجين طبيعي ولا غيره .. وهذا اللون اللي يسمونه الخواجات سيلفر أو دارك قري يعني فضي أو رمادي كلها تصب في محل واحد )..





الفقرة الثالثة ..

تدري يا بو معيض يوم إني شفت الطير اللي بالصورة الاولى تذكرت مهرجان التماثيل الثلجية اللي يسوونه كل سنة بمونتريال ..لكن سبحان من صوره .. وعسى الله يرزقك أخوه وأزين منه من طرح يدك لا قنصت سيبيريا ولا جبال الكوليمسكي هناك بديرة الحمر :cool: ,, المهم نرجع للمسابقة وش اللي طلعنا منها ؟؟!!!



في قصيدة لسمو الأمير خالد الفيصل بن عبدالعزيز أختار منها هالأبيات اللي تناسب سياق الصور اللي عرضتها ..

يقول ..

الحذر يا صقر لا يشبكونك أسير

ويل صقر يتله مربطه لا نوى




برقعته الليالي فوق وكر قصير

عقب صفقة جناحه بالهوا لا اهتوى




كل حر لا ضاق انتهض للمطير

حومته بالسما ساعه لقلبه دوا




واعذاب الجناح اللي يجره كسير

كلما فز مكسور النواهض هوى






أما بالنسبة للفقرة الثانية .. فهذي يا طويل العمر والسلامة لازم لها جلسة مع الياهوووو ..وربعه ..لكن عطني فرصة لآخر الأسبوع ..وما يكون إلا خير ..لكن عز الله إن الدورة الدموية عقب ما أسمر قدام الشاشة ومع تقليب مواقع هالشركات إنها ما بتكون طيبة ..هههههههه ..





وسلامتك ،،،
راعي الجير
17/04/2006, 10:57 PM
اخوي المري السلام عليكم

ومشكور على المسابقه وانشاء الله اخذ الدربيل:cool:

بالنسبه للطير والله اعلم انه بيور وحش

اما الجهاز ماعرفته لكن يمكن انه الاسباني

والابيات انا كاتبها

عود الخواجات ما قصر*** جاب القرانيس ممهوده

دينه مسيحي ومتنصر *** ياقوي عزمه وياجوده

كواخ له يوم متصبر *** صاد الوحش جود قيوده

لو تشري ماتخسر ***يعجك في الطلع وركوده
راعي الجير
17/04/2006, 11:32 PM
بيور وحش قرناس
راعي الجير
17/04/2006, 11:40 PM
والابيات فيها كلمه ناقصه في البيت الاخير
عود الخواجات ماقصر جاب القرانيس ممهوده
دينه مسيحي ومتنصر ياقوي عزمه وياجوده
كواخ له يوم متصبر صاد الوحش جود قيوده
لو تشري الطير ما تخسر يعجبك في الطلع وركوده

وارجو المعذره من الاخوه على الاخطاء لان اخوكم غشيم في النت
المري
18/04/2006, 06:33 AM
مرحبا بالدكتور وحياك الله يالغالي..

وماقصرت وفي انتظار اجابة السؤال الثالث..
الله يستر على الدربيل..

***

مرحبا براعي الجير وتسلم على الأجابة

والظاهر انك مثل الدكتور ماأنت بسيط..

اخوكم / المري
GXR_2005
18/04/2006, 12:41 PM
ماهي صناعة هذا الجهاز ؟ وماهو موقعه على النت يعنى عنوان الويب سايت ؟

صورة الجهاز:

http://www.mekshat.com/pix/upload/images16/mk1168_jahaz1.jpg (http://www.mekshat.com/pix/upload/images16/mk1168_jahaz1.jpg)


هذا الجهاز اسمه:

Falcon Telemetrics


الموقع على النت:

http://www.falcontelemetrics.co.uk/original.htm#original

:good:
الدكتور00
18/04/2006, 01:00 PM
مساكم الله بالخير يا الربع ..









يا بو معيض هذي إجابة السؤال .. أعطاك إياها الجكس آر عسى الله يبيض وجهه ولايهينه و الجهاز من الرابط المرفق نعرف إنه بريطاني ،،،

وفالكون تيليميتريكز اسم عام لهالنوع من الأجهزة .. ومهوب مخصص للمعروض في الصورة ،،






بيض الله وجهك يا بو معيض وعز الله إنك ما قصرت بحرصك على وصول الفايدة للجميع ..








وسلامتكم ،،،،،










أخـــــــــوكـــــــــــــم (( الـــــدكـــــــــتـــــــــــــــــور )) ،،،،،،،،،،،
المري
18/04/2006, 01:11 PM
من وين طلع لي الجي اكس ار ذا

الله لايعطيه الا كل عافيه وخير...

تسلم اخوي الجي اكس ار وياليت تجاوب على باقي الأسئلة علشان اشحن لك الدربيل يالغالي..

اخوك / المري
GXR_2005
18/04/2006, 02:47 PM
جزاكم الله خير يا حشايا الروح.



ان كانت اجابة الدكتور اللي تحت صحيحة



فأنا أهديه مني اجابة السؤال الثاني



والدربيل حلال عليه ومانبي منه الا دعوة في ظهر الغيب



:)









مساك الله بالخير يا بو معيض .. مساكم الله بالخير جميعا ،،







عساك عالقوة يا الغالي .. وبيض الله وجهك على هالمسابقة الفريدة من نوعها .. الغير مسبوقة في مجالها في عالم النت ..وباختصار أقول شغل متعوب عليه وجهد يستحق الإشادة ..


..........................



الفقرة الأولى.. بخصوص الطير
هذا سلمك الله ومن يقرا جير بيور قرناس هوا (وحش مهوب تفريخ .. بيور لا تهجين طبيعي ولا غيره .. وهذا اللون اللي يسمونه الخواجات سيلفر أو دارك قري يعني فضي أو رمادي كلها تصب في محل واحد )..





الفقرة الثالثة ..
تدري يا بو معيض يوم إني شفت الطير اللي بالصورة الاولى تذكرت مهرجان التماثيل الثلجية اللي يسوونه كل سنة بمونتريال ..لكن سبحان من صوره .. وعسى الله يرزقك أخوه وأزين منه من طرح يدك لا قنصت سيبيريا ولا جبال الكوليمسكي هناك بديرة الحمر :cool: ,, المهم نرجع للمسابقة وش اللي طلعنا منها ؟؟!!!



في قصيدة لسمو الأمير خالد الفيصل بن عبدالعزيز أختار منها هالأبيات اللي تناسب سياق الصور اللي عرضتها ..
يقول ..
الحذر يا صقر لا يشبكونك أسير
ويل صقر يتله مربطه لا نوى




برقعته الليالي فوق وكر قصير
عقب صفقة جناحه بالهوا لا اهتوى




كل حر لا ضاق انتهض للمطير
حومته بالسما ساعه لقلبه دوا




واعذاب الجناح اللي يجره كسير
كلما فز مكسور النواهض هوى






أما بالنسبة للفقرة الثانية .. فهذي يا طويل العمر والسلامة لازم لها جلسة مع الياهوووو ..وربعه ..لكن عطني فرصة لآخر الأسبوع ..وما يكون إلا خير ..لكن عز الله إن الدورة الدموية عقب ما أسمر قدام الشاشة ومع تقليب مواقع هالشركات إنها ما بتكون طيبة ..هههههههه ..







وسلامتك ،،،
المري
18/04/2006, 03:45 PM
بيض الله وجهك ياجي اكس ار

وعز الله انك كفيت ووفيت النشمي ..

وأجابة الدكتور صحيحة ..

بس الرأي رأيك والجائزة جاهزه ونص الحل عندك ونص الحل عند الدكتور

والله انا محتار ؟؟؟؟

ويش رأي الأعضاء؟؟

في انتظار الرأي

اخوك / المري
GXR_2005
18/04/2006, 03:50 PM
لا أبد لا تحتار وانا اخووك

"لايؤمن أحدكم حتى يحب لأخيه ما يحب لنفسه"

أنا قلت في ردي السابق اني حللت الدكتور وان اجابتي تعتبر هديه له...وعساه يقبل هديتي ولا يردني

ويالمري ما قصرت على هالمسابقة الزينة

:)
فارس العجمي
18/04/2006, 04:02 PM
السلام عليكم
والله مهوب سهل الجيكس كفووووووووو
رجال عطاء الحل للدكتور من كريم لمستحق
وطبعن كلها ابركاتك يا بو معيض بس عندي سؤال شنو الجهاز وفي شنو يستخدم
ابومحالة
18/04/2006, 04:06 PM
عط عين حق الدكتور والعين الثانية حق جكس ار
أخو المري
18/04/2006, 04:56 PM
أخوي المري


الرأي عندي وانا ابو هندي


الجاائزة للدكتور
(( من غير قصوور في الباقي ))



اما بنسنه ل Gxr

الله يعينك بجائزه أخرى




او



على ما قال ابو محاله






اخوالمري
الدكتور00
19/04/2006, 11:54 AM
مساكم الله بالخير يا الربع ،،



وحياكم الله كل(ن) باسمه ...






***أخوي أبو معيض .. بعد التحية .. ومرة أخرى أكرر شكري الخاص لشخصك الكريم على جهودك في هذي الخيمة ،، وبشان النقاش اللي فوق فأنت صاحب المسابقة ولجنة التحكيم ومقدم الجايزة يعني إنت أبوها وراعيها والكلمة الأولى والأخيرة لك .. لكن دامك طلبت الراي وفتحت باب الديموقراطية على مصراعيه .. فاسمع مني وأنا أخوك .. اللي منا يرجع للإجابات السابقة مثلا إجابتي أنا وراعي الجير يقدر يقول إن الجايزة متوقفة على السؤال الثاني ..خاصة وإنت وضحت إني على وشك أطيح الدربيل !! ويوم إن أخونا الجكس آر بيض الله وجهه كتب الإجابة اللي علقتنا من اليوم .. أنا أشوف إن المسابقة انتهت وقطعت شوط النهاية بضربة قاضية .. ولعد يحتاج يجاوب مرة ثانية لأن السؤال الأول تبين للجميع صحة إجابتنا عليه والأبيات ما تعجز أحد أنا بعطيه القصيدة كاملة مهيب ذي الأبيات بس .. هذا مجرد رايي اللي أشوفه .. وإنت صاحب القرار أوله وتاليه ،،،







*** الغالي ( 2005 GXR ) .. لا هنت يا السنافي .. وكثر الله خيرك مليووون ،،،

المسابقة وأنا أخوك أشوفها انتهت من يوم حطيت ردك الطيب وإجابتك الوافية اللي ما وراها كلام .. وإن شاء الله إنك مريت على ردي اللي فوق بكم سطر .. واقتنعت به .. ولا محد يردك يا الأجودي .. أبارك لك مقدما حصولك على الجايزة وأبارك لنفسي قبل هذا وذاك وجود مثلك وشرواك بيننا في منتدانا الغالي .. ولا تحرمنا من مشاركاتك الطيبة .. دمت بخير ،،،











وسلامتكم جميعا ،،،







أخــــــــــوكـــــــــــم (( الــــدكــــــتـــــــــــــــــور )) ،،،،،،،،،،،،،،
المري
19/04/2006, 12:11 PM
!!!!!!!!!!!!!!!

!!!!!!!!!!!!!!!!

!!!!!!!!!

ما غريب ألا الشيطان..

ماهيب غريبة عليك يالدكتور هذا الكلام الطيب والوافي من شخص وافي مثلك

مبروك عليك الجائزة ياجي اكس ار

وراجع الرسايل الخاصه بارك الله فيك

اخوك / المري
مارشال
19/04/2006, 12:39 PM
وش نوع الدربيل

يمكن نكسبه
GXR_2005
19/04/2006, 12:44 PM
لا حول ولا قوة الا بالله العلي العظيم :(

صراحة انا محرج جدا على لقافتي باجابة السؤال الثاني

خصوصا اني لا افهم في الطيور ولا القصيد والشعر

وتسوي خير يالدكتور اذا قبلت الجائزة وريحت بالي

والله يجعلنا عند حسن ظنكم

والأمر كما قال حبيبنا الدكتور بين يدي المري نوّر الله قلبه ودربه

:)
الدكتور00
19/04/2006, 12:47 PM
الله يعطيك العافية يا بو معيض ،،



من كريم لمستحق و عز الله إنه اجتهد وما قصر ومن حصل شي يستاهله ....ألف مبروووك يا الجكس آر ،،





ومشاركتنا بمسابقة أبو معيض تعتبر أكبر جايزة يمكن نحصلها ،،،،










وسلامتكم ،،،،







أخـــــــــــــوكــــــــــــــم (( الــــدكــــــــتــــــــــــــــــور ))
الدكتور00
19/04/2006, 01:00 PM
أقول يا راعي الجكس آر ...الله يعلم إنت بتاخذ الدربيل ولا ترانا بنحوله لمارشال؟ .. ههههه





المري فصل الموضوع ولا عاد بها كلام ،،،






وسلامتك ،،،،،
GXR_2005
19/04/2006, 01:11 PM
الدكتور

جزاك الله عني خير وعوضك الله رؤية وجهه الكريم في الجنة

المري

أنا بانصب خيمة انتظار في قسم الرسائل الخاصة وبجهّز القهوه لين تجي
:)
بارود قطر
19/04/2006, 03:00 PM
اخوي المري.....انا اظن ان الطير جير شاهين..طبعا قرناس..بس ثنو ثالث رابع صعب الحكم عليه من الصوره
اما الجهاز...انا ما أعرف في الأجهزه...وبخصوص الطير اللي في الشبك..ذكرني بقصيده يقول شا عرها......

ياطير ما حدك نصيبك على خير........ وراك مسجون بوسط الغماره
حسبي على اللي عزرو فيك تعزير...... تكفخ و يصلاك الحديد بحراره
حشرت طيور البر حتى العصافير....... من يوم دور من وراها تجاره
يا ناقلين الطير من غير تبصير......... حصيلكم منه التعب و الخساره
خلوه لمحمد عشير المناعير............. اللي اذا شاله يعرف اعتباره
Abunaif
19/04/2006, 11:33 PM
السلام عليكم
بس اعتقد ان الجائزة يجب ان يكون لها مسابقه اخرى مع احترامي للكل حيث ان شروط المسابقه الاجابه على الثلاث اسئلة من قبل اي عضو فالجي اكس ار اجاب عن سؤال واحد والدكتور اجاب عن سؤالين لذلك فلا يجوز اي ياخذ الجائزة اي واحد منهم مع احترامي الشديد لهم والحق حق وانا اعتقد لو اتى عضو بعد موضوعي هذا وجمع الاجابات الثلاث في موضوع واحد هو اللي يستحق الجائزة حتى لو انه جمع الاجوبه وذلك لانه وفى بشرط المسابقه إللي هو الاجابه عن جميع الاسئله :))

لذلك ارى ان يقوم المري بعمل مسابقه اخرى ويتم فيها اتباع القواعد ومن اراد اي يكمل اجابة غير فاليتم عن طريق الخاص
المري
20/04/2006, 07:37 AM
السلام عليكم

شكرا للجميع وخاااصة ابو نايف لأنه عطانا الطريقة الصحيحة وهو ارسال الحلول على البريد الخااااص...

في المرة القادمة سوف يكون ارسل الحل على البريد الخااااص..

وشكرا ابو نايف
ابو عايد
21/04/2006, 01:56 PM
السلام عليكم

بيض الله وجهك يالمري ويعطيك الف عافيه ويجعلك ذخر لأهل المنتدى