حلو المطر..لـــــ مقرنس الليلـــــه(جديد) ......... حله ( تميمي ) .. الحل ( الصينية )

[ال-رايق]

السلام عليكم ورحمة الله وبركاته
شدّني قدوتنا/أبو ماجد الله يسلمه حينما تمثل مبدعا في حق المبدع المتناهي أخينا /ابوذيبان بلغز جميل لايقل جمالا عن راعيه او المسند له..شدّني للكتابة بحق أخينا/مقرنس -أبو محمد- واللي له فترة فاقدينه وان شاء الله السبب خير و مشاغل الحياةلا بد منها وهذا اللي نتمناه له وللجميع حين نفقد اي منهم وعساكم سالمين من كل شر. .

ان كان ابو ماجد تذكّر ابو الذيـب=لـــ ــمقرنس الليلــــه تراني ابجيب
طاريه وله اسوق التراحيــــــــــب=سوق اللي ماهاب الخطر للهيامـــي
هيام سموم القيض تلوفها لــــــوف=مع تختخ ما فيه لغف ولا كهـــوف
الاّ السراب اللي تقطّع به الشــوف=متناثرات فيه شهب العظامــــــــــي
حين اقبلن على العدّ ياويل حالـــي=يوم اذكر ان راع البل في جو خالي
يصير صدره مثل صدر الشمالــي=يطرب لهن لا شادن ربد النعامــــي
ثم اوردوا عد قراح وعذبــــــــــــي=حلو المطر سوايقه سحب ربــــــــي
ثم بشّت الاعراق يانود هبّــــــــــي=هبّة نفانيف في روس العدامــــــــي
حتى اعدلوها صوب مكرم ضيوفه=جاره ابد( لله )ماحدن يحوفـــــــــــه
قرم كما الحر حين يومي كتوفــــــه=تشعق سنا ضوّه في جوف الظلامي
واللغز دوره عند هذا المعـــــــــزّب=بنت عليهــــــــا الناس قوسين تقرب
نصف من الشرق مابها نسل يعرب=والعين كنّه بيغشاها المنامـــــــــــي
خمسه حروفه تنقسم يافطينيـــــــــن=الأوسطي يعمل على يسار ويميـــن
كونوا فطينين اذا صـــــــــار نصّين=والنصف الآخر قبل شهر الصيامي
---

وكرمال عويناتكم توضيح:
1- المطلوب=مؤنّث
2- الحروف 5
3- الحرف الثالث(الاوسط) يستخدم لنصفي الاسم وهما حسب الابيات:
أ- نصف من الشرق مابها نسل يعرب..الخ الوصف.
ب- النصف الآخر قبل شهر الصيامي
--ومتابعة الابيات فيها عيون كثيرة-------واللي يجيب النصف الأول ينتهي به المطاف للرمح الذهبي.
---------أخوكم/أبو مهنّــــــــــد
مكشـات الحبيب-خيمة الألغــــــــاز

[مقرنس الشيهان]

صح لسانك يابو مهند الله لايهينك ماتفقد غالي
يالغالي واعتذر لك وللاخوان عن غيابي المفجئ هذه الايام
وابشركم انا بخير والعوده قريبه باذن الله شكرا لكل من سأل عني
وشكرا على الابيات التى اكثرمن رائعه
الله يرفع قدرك
ايه توي انتبه مبروك ال رايق يارايق
رمعه طال عمرك
وش قولكبايران

[ال-رايق]

صح لسانك يابو مهند الله لايهينك ماتفقد غالي
يالغالي واعتذر لك وللاخوان عن غيابي المفجئ هذه الايام
وابشركم انا بخير والعوده قريبه باذن الله شكرا لكل من سأل عني
ايه توي انتبه مبروك ال رايق يارايق
رمعه طال عمرك
وش قولكبايران


أهم شي سلامتك
والحمدلله -دامك بخير حنا بخير:D:good2:-
وصح بدنك ---والله يبارك فيك -تخلصنا من بعض القيود :D:good2:حقت الاسامي
والرمعه للأسف بعيده -
حياك ربي مرة أخرى.

[ال-رايق]

أخواني/اعذروني هنيهات معدودة

[النبهاني]

وعليكم السلام ورحمة الله وبركاته
صح لسانك يابو مهند
ويستاهل ابو محمد من ينشد عنه والوفاء ماهو غريب عليك
تسجيل حضور واعجاب بهالابيات اللي تطرب
ماشاء الله والله لايضرك
والرمعه الله يعقله

[تميمي.1]

صح لسانك يا الذيب على هل الابداع
والرمعه وعليها المفطح فالك انت وهلوجيه الغانمه
صينيه
صين
نيه

[ناصر العلي]

سلمت ياأبومهند
وصح لسانك
وافي ياإبن الأجواد
وفعلاً أبومحمد العابر
لنا مدة فاقدينه
الله يرده لنا بالسلامة
وبالنسبة للغز أشوف أخونا تميمي ماقصر
دمتم بخير

[ال-رايق]

وعليكم السلام ورحمة الله وبركاته
صح لسانك يابو مهند
ويستاهل ابو محمد من ينشد عنه والوفاء ماهو غريب عليك
تسجيل حضور واعجاب بهالابيات اللي تطرب
ماشاء الله والله لايضرك
والرمعه الله يعقله


هلا وغلا بالنبهاني/والله حيّه
وصح بدنك وكلّك
الاعجاب اكتمل بمرورك العطر الله يوفقك.

[ابو ماجد 2]

صح لسانك يا الذيب على هل الابداع
والرمعه وعليها المفطح فالك انت وهلوجيه الغانمه
صينيه
صين
نيه

صح لسانك يابو مهند واخوي مقرنس عاد ونامل ان تكون عوده بلا انقطاعه فمثله مكسب
وانا مؤيد لتميمي ماشاء الله عليه وننتظر ردك

[ابوذيبان]

وهل يستغرب الوفاء من اهل الوفاء والطيب ’’’ لا والله




صح الله السانك مبدعنا الوفي ’ ابومهند


احسنت في الحبكة واحسنت في التوقيت واحسنت في كل شى


وابومحمد ’ مقرنس الشيهان عزيز علينا ومثله ينفقد من غير شر


ورمعة تميمي الابداع والطيب مابعدها رمعة وخصوصا تأييد هوامير الخيمة الكرام


دمتم بسعادة ونعيم لاينتهي


المحب

[ال-رايق]

صح لسانك يا الذيب على هل الابداع
والرمعه وعليها المفطح فالك انت وهلوجيه الغانمه
صينيه
صين
نيه

كفففففففففففففففففوووووووووووو اخونا/التميمي
صح بدنك -والذيب شرواك اللي صاد=نعم هي الصينية :

بنت عليها الناس قوسين تقرب=القوس عبارة عن نصف دائرة اذا التموا حولها.
نصف من الشرق=الصين
وضحت وقلت العين يغشاها المنامي=الله يكرههم كن الواحد توّه قايم من النوم ولا اقصد خلق الله سبحانه قدر ما اكرههم لمواقفهم الشوعية القذرة حيال اخواننا في الشام ومن قبلهم اهلنا في ليبيا.
كونوا فطينين اذا صار نصين=اخرها صين.
والنصف الاخر قبل شهر الصيامي=وجوب عقد نيّة الصوم قبل.
صين---نيه

عن اذنك يابو علي =وابحاسب المطبخ عنك :D--خذنا منك الصورة

http://www.mekshat.com/pix/upload05/images243/mk211399_seneyyaah.jpg[/IMG]

[ال-رايق]

سلمت ياأبومهند
وصح لسانك
وافي ياإبن الأجواد
وفعلاً أبومحمد العابر
لنا مدة فاقدينه
الله يرده لنا بالسلامة
وبالنسبة للغز أشوف أخونا تميمي ماقصر
دمتم بخير


صح كلّك يادكتور,,وانتم الوافين حق وحقيقة -والوفاء انتم هله
وتأييدك في محله ومرورك الشرف بعينه.

[ال-رايق]

صح لسانك يابو مهند واخوي مقرنس عاد ونامل ان تكون عوده بلا انقطاعه فمثله مكسب
وانا مؤيد لتميمي ماشاء الله عليه وننتظر ردك


صح بدنك من الهامه الى اقدامه
واللغز المبروك اللي شمل اسم الفارس الله يسلمه
وتأييدك عين الصواب ومثلك مايخفاه الجواب -لاهنت وشرفني حضورك.

[ال-رايق]

وهل يستغرب الوفاء من اهل الوفاء والطيب ’’’ لا والله




صح الله السانك مبدعنا الوفي ’ ابومهند


احسنت في الحبكة واحسنت في التوقيت واحسنت في كل شى


وابومحمد ’ مقرنس الشيهان عزيز علينا ومثله ينفقد من غير شر


ورمعة تميمي الابداع والطيب مابعدها رمعة وخصوصا تأييد هوامير الخيمة الكرام


دمتم بسعادة ونعيم لاينتهي


المحب


مايستغرب اذا مثلك وشرواك على عد الوفاء وبيده دلو الفرازي
وصح بدنك وما عليك زود وعلى دربكم والذيب خوته تنشرى -ولبّى قلب لغز انت ضمن اسبابه
ولا يهونون اخواني
عطور العربية والماجد فوّاحه بمرورك يابوذيبان.
وتأييدك10/10

[تميمي.1]

كفوك الطيب يابو مهند وماعليك زود
لغز محبوك والابيات اللي قبله تطططططططططططرب
بيض الله وجهك على هالابداع

[تميمي.1]

وهل يستغرب الوفاء من اهل الوفاء والطيب ’’’ لا والله




صح الله السانك مبدعنا الوفي ’ ابومهند


احسنت في الحبكة واحسنت في التوقيت واحسنت في كل شى


وابومحمد ’ مقرنس الشيهان عزيز علينا ومثله ينفقد من غير شر


ورمعة تميمي الابداع والطيب مابعدها رمعة وخصوصا تأييد هوامير الخيمة الكرام


دمتم بسعادة ونعيم لاينتهي


المحب

ماعليك زود ياعميد الابداع
بعضا مما لديكم
دمت بود

[تميمي.1]

سلمت ياأبومهند
وصح لسانك
وافي ياإبن الأجواد
وفعلاً أبومحمد العابر
لنا مدة فاقدينه
الله يرده لنا بالسلامة
وبالنسبة للغز أشوف أخونا تميمي ماقصر
دمتم بخير
تاييد اعتز فيه من اعمدة الخيمه
تحياتي

[تميمي.1]

صح لسانك يابو مهند واخوي مقرنس عاد ونامل ان تكون عوده بلا انقطاعه فمثله مكسب
وانا مؤيد لتميمي ماشاء الله عليه وننتظر ردك

تاييد اعتز فيه من شرواك
تقبل تحياتي

[ال-رايق]

كفوك الطيب يابو مهند وماعليك زود
لغز محبوك والابيات اللي قبله تطططططططططططرب
بيض الله وجهك على هالابداع


اللي مايطربكم ماشوف له سنع
وانتم هل الذوق وخير من يقّدر
تحياتي وتقديري لشخصك الكريم