أرجو الافادة

[أبومحمد عنيزة]

السلام عليكم ورحمة الله وبركاته:

حياكم الله يا أخواننا أعضاء منتدى مكشات المبارك ,

أنا توني جديد في عالم الصقارة ومبتدئ وخبركم الأن جاء وقت الربطه وأنا حاب أربط الطير عندي بالبيت فيه مساحه جيده ومهيأه بس حاب أستفيد منكم بالنسبة للشبك حق المربط أو المكان كم لازم يكون طوله وعرضه علما أنه عندي طير واحد فقط..
وعندي بعض المعلومات البسيطه عن المربط والي هي:(تنويع الاكل للطير,وضع مكيف صحراوي,وضع شبك للنامس(لمبه),تنظيف الارضيه شبه يومي,وضع مراوح شفط,وضع فتحه لدخول أشعة الشمس) فأرجو منكم الافادة وايش تنصحوني فيه وجزاكم الله خير

[GHAAM]

وعليكم السلام ورحمة الله وبركاته

بالنسبه للربط في البيت صراحه أنا أقدره لأني أربط بالبيت لا كن تراها غثا وهم يبيلك تنتبه
وبالنسبه للنصايح كالتالي:
1/يكون المكان الي فيه مريح للطير ماهو شرط تحطه في شبك لو تربطه في الوكر عندك في الغرفه عادي .
2/الأهتمام بالجو العام ،البراد مهوب شرط مكيف صحراوي،النظافه بأستمرار.
3/الأكل وهو مهم جدا جدا يعني الأصل سمان مثلج ،حمام حي،جرابيع وفيران)حقت بر( ،البيض كل سبوع بيضه،وحاول تكرمه لأنه أذا أرتفع وزن الطير زانت قرنسته .
4/لا بأس تفتح الدريشه أول الصبح تدخل الشمس عليه ويتنشط.
5/حاول ترشه بالبخاخ لأن المويه تنظفه وتبرد عليه.
6/أنتبه لتصرفات الطير وشكله فهي تدل على صحة الطير.
7/حط عنده غضاره والا سحله المهم أنها حديد وحط فيها مويه وغيرها كل يوم وأنتبه لاتصير كبيره عشان ما يطب فيها الطير لأن الغرض منها الشرب.
8/لا تكثر عليه لبس البرقع .

أرجوا أني أفدتك وما يقصرون الشباب الي عنده تعقيب والا تصحيح ودنا نستفيد كلنا