أستشارة في أنوار الزنون

[هاواي التاهو]

أخوة الأعزاء
السلام عليكم و رحمة الله و بركاته ،،،،،،،،،،،،، وبعد
قمت قبل أسبوعين بتركيب أنوار زنون على سيارتي ( تاهو 2008 LT ) حسب المواصفات التالية:
النور القصير : أنوار زنون الماني حسب كلام العامل مع منظم أو كتاوت صيني على ضمان المحل ( الضمان سنه ) ( لا اعلم كم وات الأنوار )
النور العالي : أنوار الفي أكس ار ( ابو كشحه )مع منظم أو كتاوت الفي أكس أر اللي يجي مصفح و عريض
الزنون أبيض ثلجي

الإستشارة المطلوبة

أحد الزملاء خوفني من تركيب الزنون وطلب مني أن أخذ السيارة للوكالة ليتم الكشف على الظفيرة و الدينمو وهل تتحمل الضغط أو الكهرباء المسحوبه منها للزنون في جميع الأوضاع ( في الليل و النهار ومع تشغيل المكيف أو بدون المكيف )
و انتم تعرفون الوكالات عندنا


الملاحظة الأولى : الأنوار شغالة لها الأن شهر و الجو بارد بدون ملاحظة أي تغير في السيارةأو ضعف في الكهرباء.
الملاحظة الثانية : أنتم تعرفون أن عند تشغيل النور العالي ينطفي النور الواطي و الكشافات وهذا معروف في سيارات الشفروليه ( يعني يا النور العالي شغال يا الواطي )


ابي رايكم هل أشيل الزنون أو فيه محل في الرياض يكشف لي على الظفيرة و الدينمو بدون روحة الوكالة

وتقبلوا فائق التحية

[يكفيني نظرة]

انا مركبه لي 3 شهور على اكسبديشن ولا شفت شي ..

[كاشت وحداني]

نصيحة محب
اذا الزنون ماهو وكالة لاتركب
كل سياره لها كمبيوتر مجهز من المصنع على الاجهزه الموجوده فيها من صناعتها
واي اجهزه اضافيه الا ما تسبب خلل
لكن متى ؟ تختلف من موتر لموتر
بعضها تطلع مشاكلها من اول شهر والبعض من شهرين وقد تصل الى سنه ثم تبدا مشاكل الكهرباء.
ولك تحياتي

[هاواي التاهو]

الأخوة الاعزاء( يكفيني نظرة - كاشت وحداني )
شكر لردكم على موضوعي
الحقيقة أنا ماشفت شي إلى الآن لكن بصبر حدود السنة وبعدها لكل حادث حديث
دمتم في حفظ الله

[ابوحماد]

من الخطا تحط الواطي و العالي زنون

افضل شي تخير يا واطي او عالي