للي جربو الكمبيوتر الرياضي ؟؟

[PATROL-99]

,,السلام عليكم ورجمة الله وبركاته ,,

اخواني:
ابي استشيركم في الكمبيوتر على الباترول؟؟؟

وش يفرق بالنسبة للعزم؟؟
هل هو فرق واضح جداا ...
او فرق بسييط ..
وهل له تاثير على المكينة ؟؟

اتمنى من الي جربو الكمبيوتر على الباترول او غيرة يفيدونني!!!

تحياتي..
PATROL-99

[على رمشي تمشي]

ما اتوقع يعطيك عزم هو يخليه مايفصل معك ويمد عزمه ويمدحون كمبيوتر 2004
تأثير له ماضنتي ان له تأثير - ترا كلامي من ناس سمعتهم يتكلمون عنه والا انا مالي هذيك الخبره
بالتوووفيق

[limted almansori]

اولا كم موديل سيارتك ؟


١.يزيد من ٥ الى ٣٠ حصان على حسب البرمجه ونوع الكمبيوتر اللي انت مركبه
٢. يقلل من صرفيه الوقود
٣. يفتحلك السرعه

على حسب استعمالي مالاحظت عليه اي شي وانا صارلي سنه وانا مركبه على فتك

ارجو اني افدتك

[PATROL-99]

اولا كم موديل سيارتك ؟


1.يزيد من 5 الى 30 حصان على حسب البرمجه ونوع الكمبيوتر اللي انت مركبه
2. يقلل من صرفيه الوقود
3. يفتحلك السرعه

على حسب استعمالي مالاحظت عليه اي شي وانا صارلي سنه وانا مركبه على فتك

ارجو اني افدتك



سيارتي باترول موديل 99 ..:D



طيب ووش افضل كمبيوتر؟؟
هل صحيح ان الهالتك هو افضل شي؟؟
وافضل مقاس بالنسبة للباترول 4500؟؟

[PATROL-99]

ما اتوقع يعطيك عزم هو يخليه مايفصل معك ويمد عزمه ويمدحون كمبيوتر 2004
تأثير له ماضنتي ان له تأثير - ترا كلامي من ناس سمعتهم يتكلمون عنه والا انا مالي هذيك الخبره
بالتوووفيق


مشكوور اخوي على الافادة

الله يوفقنا اجمعين..

[خبايا انسان]

اذا تبي اداء ممتاز ,, ركب هدرز + فلتر < وبالاخير تختم التزويد بكمبيوتر ,,

عموما سعر الهالتك مع البرمجه عند الخضير بالقصيم قرابة 6000

وعندك اليوني شب ووكيلة بالاحساء يركبه لك مع البرمجه قرابه 3300

* بس اذا ركبت الكمبيوتر معناها انك ختمت التزويد وماتقدر تضيف او حتى ماتقدر تفك التزويد ,, مثلا انت مركب هدرز وفلتر وبرمجت عليه كمبيوتر << تستمر على الاشياء هذي الى ماشاء الله , واذا فكيت شي منها او اضفت شي مايعطي اداء الكمبيوتر لانه تبرمج على شي معين والله اعلم

[الوسيطاء]

بخدمك خدمه الا4500مايفرق معه الكمبيوتر الامع عامود تيمن وبلوف وبيكلفك ولاكن تبي اداء

اقلبه كلبليتر وركب رياضي مقاس 400وعامود رقم 2 وبيفرق معك كثير طبعاً مع الهيدرز والفلتر

[العنابي 616]

سيارتك وكاله يعني ما راح تستفيد من الكمبيوتر شي
و الكمبيوتر رياضي تركبه على سيارتك إذا كان فيها تعديلات على شان تقدر تغير من نسبة البنزين و الهواء و الشرارة
و بالنسبة لسيارتك لا تتعب نفسك ما راح تحصل أي فرق يسوى خساير على الفاضي

[PATROL-99]

اذا تبي اداء ممتاز ,, ركب هدرز + فلتر < وبالاخير تختم التزويد بكمبيوتر ,,

عموما سعر الهالتك مع البرمجه عند الخضير بالقصيم قرابة 6000

وعندك اليوني شب ووكيلة بالاحساء يركبه لك مع البرمجه قرابه 3300

* بس اذا ركبت الكمبيوتر معناها انك ختمت التزويد وماتقدر تضيف او حتى ماتقدر تفك التزويد ,, مثلا انت مركب هدرز وفلتر وبرمجت عليه كمبيوتر << تستمر على الاشياء هذي الى ماشاء الله , واذا فكيت شي منها او اضفت شي مايعطي اداء الكمبيوتر لانه تبرمج على شي معين والله اعلم


يعني اول شي الهدرز والفلتر بعديين الكمبيووتر ..!!

تسذاا..

مشكوووور اخوي الصرااحة افدتني افادة ..
اشكرك بعمق :D

[PATROL-99]

بخدمك خدمه الا4500مايفرق معه الكمبيوتر الامع عامود تيمن وبلوف وبيكلفك ولاكن تبي اداء

اقلبه كلبليتر وركب رياضي مقاس 400وعامود رقم 2 وبيفرق معك كثير طبعاً مع الهيدرز والفلتر



لا يا شيخ الا الكلبليتر..

لا يقبل :D

شاكر مرورك..:good2:

[PATROL-99]

سيارتك وكاله يعني ما راح تستفيد من الكمبيوتر شي
و الكمبيوتر رياضي تركبه على سيارتك إذا كان فيها تعديلات على شان تقدر تغير من نسبة البنزين و الهواء و الشرارة
و بالنسبة لسيارتك لا تتعب نفسك ما راح تحصل أي فرق يسوى خساير على الفاضي



يا رجاال شكلنا هوونا ..:D

خلنا على الوكالة يوصلك للي انت تبي :good2:

شاكر مرورك...