سالفة:مسح السبوره..قوافي

[قوافي ( أم نهار )]

السلام عليكم ورحمة الله وبركاته
حياكم ربي أخواني واخواتي المكشاتيه
وزوار خيمتنا الغاليه
ذكرى جميله ضحكت منها كثير واستغربت اكثر:):r
كانت الاجواء غيم وبرد ومطر استمر 4 ايام ما يتوقف إلا شوي وبعدين يرجع يهطل سبحان الله ومع الهواء والبراد وريحة الحطب والفحم صارت الدنيا غير :):) وناسه :):) شي يشرح الصدر:l
رحنا المدرسه الصبح وبوقتها كنت برابع ابتدائي والمدرسه طين وفصلنا كان جزء جديد مبني لحاله بالساحه والحمد لله انه مبني بالبلك.:D.
بدت الحصه الاولى وكانت رسم ما أمدى المعلمه تدخل الفصل إلا وتهاوش <فييييييين التاريخ يابولده ليه ما كتبتهوه>
قومو وقفو كلكم عشان ما عاد تهملون :mad: وقفنا والركب تنافظ من البرد ومادرينا إلا:eek::eek::eek: قربع قربع قرقرقرقع
يمه وش ذا رعد غريب
ولا عاد شفنا إلا الاداريات والبنات والمعلمات غزلان بالساحه اللي هم بمبنى الطين..
صار الواحد ما يدري وش يقول غير الحمد لله اللي طاحة المدرسه مهوب فصلنا ..اشوى ان اللي طاح مستودع الكتب البائس وما فوقه شي وجا الدفاع المدني وقالو ان باقي المدرسه سليم كملو باقي النهارلا خطوره سبحان الله؟؟؟
كملنا الحصه اللي بعدها جتنا معلمة التعبير<<ليش التاريخ موب مكتوب بخصم منكن علامه لكل وحده حتن تفطنن وما تنيسن تكتبون التاريخ وحكمة اليوم:mad::mad::mad:
مدري وش حكمته اللي تدورها الحين قلوبنا من الخوف متوفيه وذي لا حول ولا قوة إلا بالله ..قومتني اكتب الحكمه والتاريخ وكتبتهم قالت :وش ذا قلت التاريخ والحكمه قالت اقري:
قريت الحكمه فالتاريخ لا يحتاج من يقرائه وهي:
<<إذا رزقتي بسليطه فادعي ربكِ ليسلط عباده عليها >>
طردتني بالبرد والهواء الله يسامحها ويعفو عنها ويحللها ويبيحها انا داريه اني غلطانه بس؟؟؟؟
الحصه الخامسه جت معلمة التاريخ واشتغلت, قالت: بما أنك معاقبه برا بخليك تدخلين الفصل وتوقفين جنب <السبوره> تشكر على عطفها وما أدري هو كان اليوم العالمي للتاريخ ولا وش السالفه
قالت :
امسحي التاريخ من اليمين وحطيه يسار وكملي مسح السبوره
سويت مثل ما قالت ومسحت كل السبوره بعد التعبير وخليت بعض الحروف مفككه ما مسحتهن <م.ع.ل.م.ا.ت.ف.ا.ش.ل.ا.ت > ووقفت على جنب
ناضرة ؟؟قالت أمسحي !!
قلت لا هذي حروف تحتاج ترتيب بجمله
:D:D:D بصراحه تفششت على انهم الصبح من بكرى عاقبوني بالحرمان من دخول الفصل على جيت موجهه واركض عليها قلت والله لأشكي للملك هذا ما صار وما صار وحنا خايفين وبرد وكثرت من الحتسي لين انصفتني ضحك ورجعت فصلي ما كن شي صار ومنعتهم من تمسيحي للسبوره.. وبالأخير اكتشفنا انه اليوم الوطني بس ليه ماعلمونا او احتفلنا مثل الأن مدري..
تحياتي
اختكم
..قوافي..

[ذراع الذيب]

السلام عليكم ورحمة الله وبركاته,,
مسيت بالخير قوافي,,


لاهنتٍ على هالسالفه ويجزاك خير ورجعتينا سنين ماعشناها والله يطول بعمرك بالصحه والعافيه ,,
ومواضيعك عباره عن سيرة حياتك وموضوع شيق امتعتينا وتحياتي لك,,
وحروفي ماتحتاج ترتيب:)

[قوافي ( أم نهار )]

السلام عليكم ورحمة الله وبركاته,,

مسيت بالخير قوافي,,


لاهنتٍ على هالسالفه ويجزاك خير ورجعتينا سنين ماعشناها والله يطول بعمرك بالصحه والعافيه ,,
ومواضيعك عباره عن سيرة حياتك وموضوع شيق امتعتينا وتحياتي لك,,

وحروفي ماتحتاج ترتيب:)



عليكم السلام ورحمة الله وبركاته
مساك الله بالخير والنور والسرور اخوي
حيا الله مشرفنا الكريم
الله يرفع قدرك واكيد كل اللي اكتبه سيرة حياتي او سوالف صارت لأقارب وجيران ومعارف والحمد لله الناس واجد وسوالفهم اوجد..
اللهم آمين يطول بعمر الجميع ويجزاك خير اخوي..انا خطيره
:D:D:Dانا موب خطيره:D:D:D بس هم غثوني بالتاريخ طيب يقولون وش فيه نستانس ونكتب التاريخ من غير امر وتعقيد
بس يالله الله يسمحهم;););)
اسعدني حضورك الجميل وردك المميز ..
دمت بحفظ الله
اختك
..قوافي..

[ام الايتام]

يا هلا ومرحبا باختي قوافي نورتينا


ههههههه ما شاء الله عليك حكمه في الصميم

ذكيه وجريئه بس معاك حق

الله يهديهم بعض المدرسات تجي وشرها معها عقدونا

وبعضهم حنيتهم كنهم امهاتنا

سواليفك روعه لا تطولين علينا بسواليفك تراني استناها كل يوم

الله يعطيك العافيه

[عابر الموج]

ماشاءالله قصة جميلة وذكرتيني بقصة حصلت بالماضي كنا ندرس بالموتسط ونسمع من الطلاب عن وجود مدرس عراقي بالثانوية يقصون عنه قصص مخيفة يقولون شديد ولايتفاهم مع الطالب الا بالكف طبعا الثانوية منفصلة عن المتوسط نجحنا للثانوي ولابعقولنا غير المدرس المخيف وش اقول اندريه العملاق كان مدرس كيمياء المهم بحصته مايتنفس احد لو يقع دبوس يسمع كان طالب ناقل من الجنوب للمدرسة التي ندرس فيها قلنا له شف فيه مدرس اذا طمع فيك عليك السلام قال وش اصلح قلنا اذا سئلك نطط عيونك وخلك شجاع سمع النصيحه المسكين دخل المدرس العراقي شاف الطالب قال منين جاي قوطي الصلص الفاضي خوينا ماسك الوصاة منطط عيونه كان يجلس ثالث طالب كرر الاسئله ماغير عيون خوينا تقل صقر هههههه سحبه بيده ورفعه ماغير رجيلات خوينا مشلع بالهواء وطق راسه بالسابورة وحنا ضحك لكن ضحك داخلي مانقدر المصيبه قدامنا وهذا الموقف لانساة اكرر شكري لك

[قوافي ( أم نهار )]

يا هلا ومرحبا باختي قوافي نورتينا


ههههههه ما شاء الله عليك حكمه في الصميم

ذكيه وجريئه بس معاك حق

الله يهديهم بعض المدرسات تجي وشرها معها عقدونا

وبعضهم حنيتهم كنهم امهاتنا

سواليفك روعه لا تطولين علينا بسواليفك تراني استناها كل يوم

الله يعطيك العافيه

يحييك ربي يالغاليه
النور نورك يابعدي
الحكمه مخلخله بس انجبرت اطلعها كودهم يسكتون ما سكتو زادو والسر غير معروف ليه ما يتنازلون يقولون انه اليوم الوطني وتاريخ توحيد البلاد مهيب لهم لحالهم يومنهم يسكتون..
صحيح بعض المعلمات الله يهديهم شوي كربين
الروعه بحضورك الجميل ويامرحبا يالغاليه..
تحياتي.اختك
..قوافي..

[قوافي ( أم نهار )]

ماشاءالله قصة جميلة وذكرتيني بقصة حصلت بالماضي كنا ندرس بالموتسط ونسمع من الطلاب عن وجود مدرس عراقي بالثانوية يقصون عنه قصص مخيفة يقولون شديد ولايتفاهم مع الطالب الا بالكف طبعا الثانوية منفصلة عن المتوسط نجحنا للثانوي ولابعقولنا غير المدرس المخيف وش اقول اندريه العملاق كان مدرس كيمياء المهم بحصته مايتنفس احد لو يقع دبوس يسمع كان طالب ناقل من الجنوب للمدرسة التي ندرس فيها قلنا له شف فيه مدرس اذا طمع فيك عليك السلام قال وش اصلح قلنا اذا سئلك نطط عيونك وخلك شجاع سمع النصيحه المسكين دخل المدرس العراقي شاف الطالب قال منين جاي قوطي الصلص الفاضي خوينا ماسك الوصاة منطط عيونه كان يجلس ثالث طالب كرر الاسئله ماغير عيون خوينا تقل صقر هههههه سحبه بيده ورفعه ماغير رجيلات خوينا مشلع بالهواء وطق راسه بالسابورة وحنا ضحك لكن ضحك داخلي مانقدر المصيبه قدامنا وهذا الموقف لانساة اكرر شكري لك






حياك الله اخوي عابر الموج
الجمال بحضورك وردك الجميل ومرورك الكريم
<<:D:D:D أندريه العملاق المصارع الفرنسي :D:D:D>>
ياليته يبقس كل غثيثه ما نيب قايلتن من عشان ما أحد يزعل من ألـــ؟؟؟؟؟:D:D
أجل روحتو الطالب الضعيف وطي مصدق هو بعد
تبي الصدق كل من درس بالوقت السابق تسطر او تبقس او فلكه او ..ألخ إلا القليل أو ما ندر.. صعب ذكر الباقي تكفيخ مع ورقه تعلق على الظهر :D:D:D الله يسامحهم على التعليم المركز..
حياك ربي ودمت بحفظ الله
اختك
..قوافي..

[وردة النفل]

:(
يالله ذكرتيني بمعلمة الرياضيات كانت تضربني الله يسامحها
مشكوره قوافي على مغامراتك المدرسيه :p

[النبهاني]

وعليكم السلام ورحمة الله وبركاته
الله يحيك يا أخيه
الله يعطيك العافيه وبسالفتك هذي ذكرتينا أشياء وأشياء
كان هكالوقت المدرس مقدس ويضرب ويتفنن بالضرب الله يرحم حالنا والله ياحنا تحملنا شي واجد
<م.ع.ل.م.ا.ت.ف.ا.ش.ل.ا.ت >
والله انك ما انتي بسيطه اللي سويت هالسوات
الف شكر ياقوافي

[الكايف 1]

وعليكم السلام ورحمة الله وبركاته


الأخ الكريمة / قوافي

الله يالدنيا ذكرينا بزمان أول
صلابة المدرسين وقوة شخصياتهم
ماشاء الله عليتس جرائة بهاك الوقت


بارك الله فيك ورحم الله والديك
ننتظر منكم المزيد
تقبلي مروري




والسلام عليكم ورحمة الله

[محمدالزبيدي]

أهلا أخت قوافي

طبعا أختي

هذا زمان أول أما الآن فصار المعلم هو اللي يعاني من تسلط الطلاب

قصة طريفة

[عاصفة عروى]

وعليكم السلام ورجمة الله وبركاتة
ذكرتيني بل ماضي كان في مدرس شديد مررررره على أي شي يضرب ويا ليت ضرب وله ضربتين كان أقل شي 10 وأكثر شي 60 هذا إذا صرت ما تحفظ وله ما جبت كتاب الماده بس والله جابنا النفيسة والعقده والخوف
ما نقول اله الله يسامحة
ولكي مني الشكر أخوك عاصفة عروى

[قوافي ( أم نهار )]

:(



يالله ذكرتيني بمعلمة الرياضيات كانت تضربني الله يسامحها


مشكوره قوافي على مغامراتك المدرسيه :p



ياهلا ومرحبا بالغلا كله
حياالله النفل والورد والبتول وكل زهره
الشكوى لله يالغلا ما ودي اني ذكرتك
الله يسامحهم ويحللهم ويبيحهم
العفو ياغاليه انا من يشكر حضورك المنور المعطر بكل العطور
تحياتي لشخصك الكريم
اختك
..قوافي..

[قوافي ( أم نهار )]

وعليكم السلام ورحمة الله وبركاته

الله يحيك يا أخيه
الله يعطيك العافيه وبسالفتك هذي ذكرتينا أشياء وأشياء
كان هكالوقت المدرس مقدس ويضرب ويتفنن بالضرب الله يرحم حالنا والله ياحنا تحملنا شي واجد
<م.ع.ل.م.ا.ت.ف.ا.ش.ل.ا.ت >
والله انك ما انتي بسيطه اللي سويت هالسوات

الف شكر ياقوافي



حياك ربي اخوي
يعافيك ربي والذكريات بها المجال مالها نضير من التعليم المركز بهاك الوقت العصيب ..كانت مرمطه بأسم التعليم موب مدرسه..
المدرس كان اشد من والد وبعض الاحيان لين فكرت ماتدري
يمكن كان على حق ..
الحروف ذي جبروني على اني افكر واطلع تفافيش فيهم :Dما ندري وش فيه ووش سالفة التاريخ هاك اليوم لأن كل يوم نكتب تاريخ وش فيه اليوم مدري
<المملكه وطن الجميع وموب من حقهم ما يعلموننا لو من باب العلم عشان نحب التاريخ على الاقل>
اشكر حضورك اخوي وردك وياهلابك
تحياتي.اختك
..قوافي..

[ابو راكانm]

ذكرتيني بأيــام الدراسه كأن سوالفك مسيت بالخير

[قوافي ( أم نهار )]

وعليكم السلام ورحمة الله وبركاته




الأخ الكريمة / قوافي


الله يالدنيا ذكرينا بزمان أول
صلابة المدرسين وقوة شخصياتهم
ماشاء الله عليتس جرائة بهاك الوقت



بارك الله فيك ورحم الله والديك
ننتظر منكم المزيد
تقبلي مروري



والسلام عليكم ورحمة الله


حياك الله اخوي
صلابة المدرسين بهاك الوقت كرهتنا الدراسه وتكملتنا كرم من رب العباد ..
لا جرائه ولا شي بس من قهر كل شوي هواش وتوقيف وخوف
يقدرون ان اللي صار وطيحت المستودع ضيعت التفكير
بعدين اول الاعلام بالنسبه لليوم الوطني شوي موب حريص
هذا إذا فيه تلفزيون بكل بيت <وجب عليهم يعلمونا >
وذيك الساعه بنكتب التاريخ وين ما يبون..
بارك الله بالجميع .دمت بحفظ الله
تحياتي.اختك
..قوافي..

[قوافي ( أم نهار )]

أهلا أخت قوافي

طبعا أختي

هذا زمان أول أما الآن فصار المعلم هو اللي يعاني من تسلط الطلاب

قصة طريفة


حياك الله اخوي
والنعم بك اخوي واتشرف
لكل وقت ناسه
كلام صحيح المعلم يعاني من بعض الطلاب الان ولكن ايضاً بعض المعلمين على النمط السابق..
القصه بكل عام وعندما يأتي العيد الوطني احكيها لكل من اعرف لين صموها ..
اسعدني حضورك ومرورك الكريم وياهلابك
تحياتي.اختك
..قوافي..

[قوافي ( أم نهار )]

وعليكم السلام ورجمة الله وبركاتة

ذكرتيني بل ماضي كان في مدرس شديد مررررره على أي شي يضرب ويا ليت ضرب وله ضربتين كان أقل شي 10 وأكثر شي 60 هذا إذا صرت ما تحفظ وله ما جبت كتاب الماده بس والله جابنا النفيسة والعقده والخوف
ما نقول اله الله يسامحة

ولكي مني الشكر أخوك عاصفة عروى



حياك الله اخوي
الله يسامحهم ويحللهم ويبيحهم
كان دخول الفصل مثل الكابوس خصوصاً لين صارت الحصه الاولى مدرسهتها صعبه وكلهم صعبين كرهونا حتى بالرسم وهورسم:(:(
الحمد لله اللي اعاننا واكملنا ولم تقف هذه الامور عائق إلا لمن لم تكتب له والحمد لله على كل حال.
اشكرك لمرورك وحضورك الكريم
تحياتي.اختك
..قوافي..

[قوافي ( أم نهار )]

ذكرتيني بأيــام الدراسه كأن سوالفك مسيت بالخير

حياك ربي اخوي
ايام الدراسه ذكرى موجوده وإن نسينا بعضً منها
كل التقدير لرئيك اخي الفاضل
مشكور لمرورك وحضورك الكريم
تحياتي.اختك
..قوافي..

[عابر سبيل 1]

[SIZE="6"]
[COLOR="Sienna"]:good2:

[عابر سبيل 1]

سالفه رائعه أختي قوافي وعدتي بنا الى أيام الدراسة بالمدارس الطينيه.
تحياتي.

[Al3rands]

هههههههههههه مابقى الا الذكرى سواليفك تحف

[نجم000الشمال]

وعليكم السلام ورجمة الله وبركاتة
يا مرحبا ومسهلا باختي قوافي....المشاغبة :)
الله يصبحك و يمسيك بالخير، منورة بمواضيعك وحضورك
بالله في احد بذيك الايام يجرء يحط عينه بعين المعلمين !
لكن الحمد لله انها عدة تياسير وفكك الله بوجود الموجهة.
الله يعطيك العافية اختي وما ننحرم من عطاءك.
دمتي بخير.

[قوافي ( أم نهار )]

سالفه رائعه أختي قوافي وعدتي بنا الى أيام الدراسة بالمدارس الطينيه.



تحياتي.



حياك ربي اخوي
الرائع حضورك العاطر
المدارس الطينيه كفاح جميل
اشكرك لمرورك الكريم
تحياتي.اختك
..قوافي..

[قوافي ( أم نهار )]

هههههههههههه مابقى الا الذكرى سواليفك تحف

حياك الله اخوي
تحف جميله رغم انها كانت بوقتها مرار
اشكرك لمرورك وحضورك
تحياتي.اختك
..قوافي..

[قوافي ( أم نهار )]

وعليكم السلام ورجمة الله وبركاتة



يا مرحبا ومسهلا باختي قوافي....المشاغبة :)
الله يصبحك و يمسيك بالخير، منورة بمواضيعك وحضورك
بالله في احد بذيك الايام يجرء يحط عينه بعين المعلمين !
لكن الحمد لله انها عدة تياسير وفكك الله بوجود الموجهة.
الله يعطيك العافية اختي وما ننحرم من عطاءك.


دمتي بخير.



حياك الله اخوي ابو اسامه:D
النور نورك يابعدي
انا مشاغبه:D:D:D لا أنا معترضه على حقوقي كطالبه ..
الاعتراض جا من المدرسه الاهليه درست فيها <تمهيدي وأول وثالث>وكان لنا مكان وحضور بكل شيئ واحترام لآدميتنا..
زود على كذا المعلمات اساساً جيران وقالطين كل عصر ببيتنا وبيوت الجيران دوريه .متعودين عليهم.
الموجهه نفسها كانت موجهه الصبح وبياعة مكياج العصر !!!
وين رهبتهم؟؟
الحل الوحيد بالمدرسه اني نقلت منها واكملت بسلام لأن معرفتنا بهم خالت مالهم عندي رهبه
يعافيك ربي اخوي
اشكرك لمرورك وحضورك وحياك ربي
تحياتي .اختك
..قوافي..

[سليمان الربيعان]

هههههههههههههههه والله من الغثاثه بعض المدرسين والمدرسات
ينكدون عليك كل شي بس حركتك ممتازة يالله ينفعبهم
تقبلي تحياتي....

[قوافي ( أم نهار )]

هههههههههههههههه والله من الغثاثه بعض المدرسين والمدرسات

ينكدون عليك كل شي بس حركتك ممتازة يالله ينفعبهم

تقبلي تحياتي....



حياك ربي اخوي سليمان
شوي غثاثه الله يسامحهم
كانو جيران والميانه عليهم ماخلت بلع لتصرفاتهم لانهم كل عاصريه قالطين دوريه وصعب تخرب الاجواء عليهم والحل الوحيد عشان اعرف ادرس نقلني الوالد لمدرسه غير ومشت الامور والحمد لله بس أسوء وضع على ان السنين مرة ومشا الركب
حياك الكريم اشكرك لمرورك وحضورك
تحياتي.اختك
..قوافي..

[حمد69]

وعليكم السلام ورحمة الله وبركاته
حياك الله اختنا قواافي العنيدة
كنا نظن إنه العناد والشغب والفوضى حصرياً عندنا حنا ألأولاد..
بعض من الطلبة عادة إلي ورا، لما الأستاذ يكتب على الصبورة يرمونه بطباشير وبعدها يبدأ العقاب الجماعي.. ويمكن حنا السبب في تغيير الصبورة إلى اللون الأبيض وإستخدام أقلام الماركر.
وخليت بعض الحروف مفككه ما مسحتهن <م.ع.ل.م.ا.ت.ف.ا.ش.ل.ا.ت > ووقفت على جنب
ناضرة ؟؟قالت أمسحي !!
قلت لا هذي حروف تحتاج ترتيب بجمله
معلمات فاشلات مرة وحدة... هذه المعلمة أعصابها لا باس بها وإلا كانت فرمتك ..

[قوافي ( أم نهار )]

وعليكم السلام ورحمة الله وبركاته


حياك الله اختنا قواافي العنيدة
كنا نظن إنه العناد والشغب والفوضى حصرياً عندنا حنا ألأولاد..
بعض من الطلبة عادة إلي ورا، لما الأستاذ يكتب على الصبورة يرمونه بطباشير وبعدها يبدأ العقاب الجماعي.. ويمكن حنا السبب في تغيير الصبورة إلى اللون الأبيض وإستخدام أقلام الماركر.
وخليت بعض الحروف مفككه ما مسحتهن <م.ع.ل.م.ا.ت.ف.ا.ش.ل.ا.ت > ووقفت على جنب
ناضرة ؟؟قالت أمسحي !!
قلت لا هذي حروف تحتاج ترتيب بجمله
معلمات فاشلات مرة وحدة... هذه المعلمة أعصابها لا باس بها وإلا كانت فرمتك ..




حياك ربي اخوي حمد وصبحك الله بكل خير وسرور

... هذه المعلمة أعصابها لا باس بها وإلا كانت فرمتك ..
ههههههههه
ماتقدر تفرمني
اساساً الميانه جت لأنهم بالاساس جيران وكل عصريه ببيت وصعب يخربون على انفسهم
حتى الموجهه العصر تبيع مكياج بالجمعه حقت العصر
<الحل ان ابوي نقلني لأني فقدت هيبتهم واكملت بمدرسه اردى حال زود الجرائه جايه من
..مدرسه اهليه درست فيها تمهيدي واول وثالث وكانت لنا مكانه والمدرسه غير بس ضروف التنقل من مكان لمكان ما خلتنا نستقر بحي معين>
الطالبات اللي بالاخير احيانن ودي اعطيهم ميه الميه لين تذكرت تحميقهم للمدرسات..:D:D:D
اشكرك اخوي لمرورك وحضورك الكريم
اختك
..قوافي..