فيوز المكيف كل يوم تحترق

[محمد النيساني]

السلام عليكم ورحمة الله
اخواني الافاضل معاي باترول بخاخ وهبل فيني فيوز المكيف الي بالعلبه تحت الدركسون كل يوم اغيره بعض الاحيان ما يكمل ساعه ويحترق لدرجة اني شاري عشر حبات فيوز مدري
وش السبب وهذا اسم الفيوز
Air Con
قوته 20

مع العلم موقعي شرق الرياض لا تبخلون علينا بالردود

تحياتي لكم

[الرحال 2003]

عندك التماس افحص كهرب المكيف
لايسبب احتراق السياره الله يستر

[رفيع المقام]

تأكد من قوة الفيوز الأساسيه، يمكن الفيوز اللي ركبته انت امبيره ضعيف.
ارجع تأكد من كاتلوج السياره.

[سليمان الصقر]

أولا أكيد مية بالمية يوجد إلتماس واحذر كل الحذر أن تستبدلة بأمير أعلى أو تلف عليه سلك لأن ذلك قد يسبب احتراق علبة الفيوزات ثاني شي تتبع أسلاك المكيف من الكمبرسر إلى الطبلون وركز كل التركيز على منطقة المنفولت ( القزوز ) لأنه غالباً ما تتدلى الأسلاك عليها مما يسسب انسلاخ الأسلاك بسبب شدة الحرارة

[محمد النيساني]

الله يعطيكم الف عافيه جاري البحث عن كهربائي ممتاز لان اكثر الورش ما عرفو يحددون موقع الالتماس الي عنده رقم كهربائي كويس لا يقصر معانا تحياتي لكم

[ساحب صنعه]

اذا انت في الرياض قولي لأدلك على كهربائيين شاطرين

[محمد النيساني]

والله اذا عندك عطني رقمه انا موقعي الرياض

[هاوي الباترول]

هذا رقم الرجال كهربائي ممتاز وذمه
0506476209 خالد

[mohannad2012]

اخوي احذر احذر احذر تركب فيوز امبيره اكبر .. لانه راح يحرق عليك السيارة لاسمح الله

انا صارت معي مثل مشكلتك بجمس سييرا 2009 .. بدأ المكيف مايطلع هوا وبدلت الفيوز وانقص
جيت بركب اكبر لكن قلت خل اروح لكهربائي متخصص .. صارت المشكلة التماس بالظفيرهـ اللي تحت الطبلون
ذايب جزء من الاسلاك .. وكلف علي شغلها 2000 ريال

هذا اللي عندي وحبيت افيدك فيه

[محمد النيساني]

والله ان كلامك على متمه ركبت فيوز اكبر وضرب علي الفيوز الكبير الخاص بتشغيل السياره والحمدالله عدت سلامه

[المعايد]

أسمع يالذيب صارت معي مره
زي مشكلتك بالضبط أذا ركبت فيوز وجيت أركب الريوس يفصل معي المكيف
قعدت فتره وأنا مايروس ورا هههههه واذا نسيت وريوست لذع الفيوز
رحت لكل كهربائي وكلهم يقولون صديق ضفيره ويصلح 500 ريال
لحد الله مادلني الله على هنيدي لقاء بالحساس حق الريوس تحت ببطن السياره
وجبتله الحساس جديد وكان قيمته 40 ريال وشغل يده 30 ريال ونحلت مشكلتي بعد توفيق الله
هذا مالدي وأنشاء الله تلقي علت سيارتك

[Topstars]

مشكلة سهله وواضح ان عندك مروحة المكيف تسحب كهرب عالي وتحرق الفيوز..
الحل اشتري مروحة جديدة او من التشليح وأمورك بتصير ١٠٠٪.

مرت علي اكثر من مرة.

[ابو البر]

انا ما قريت ردود الاخوان الكرام اعلاه


لاكن بقول رأيي

عيبنا بهالبلد انا ما نحفض كتلوج السيارات للرجوع لها وخصوصا انها صارت بالعربي .
الشي الثاني يجب عليك ان تحط اقوى فيوز عندك ولا تشبك بالفيوز اسلاك وتلفيق ...حنا نتكلم عن الفيوزات (اقوى فيوز حطه) اذا انقطع معناها عندك التماس .......اذا ما انقطع معناها انت مولف بالسياره واللي مولف بالسياره غشيم حط حمل ثقيل على سلك المكيف بالتوليف لشغله ثانيه .


انا فني الكترونيات وفاهم وش قاعد اقول .

[جمس_454_97]

اخوي الواضح ان عندك التماس حاول تصلحه لا يحترق موترك
وانتبه تحط فيوز اكبر ترى بيحرق عليك الضفيره

[بريق الماس]

السلام عليكم

حاول تضيق مدخل الافيوز الي بعلبة الافيوزات لأنه اذا كان متوسع يخلي الافيوز يسخن وينحرق
صارت معي بكتاوت مروحة الرديتر كنت دايم اغيرها لين طصت بكهربائي فلسطيني ومن بعد ما سواها ما عاد انحرقت الكتاوت و كان تركيبها زي تركيب الافيوز

[ابو بسام جده]

السلام عليكم ورحمة الله
اخواني الافاضل معاي باترول بخاخ وهبل فيني فيوز المكيف الي بالعلبه تحت الدركسون كل يوم اغيره بعض الاحيان ما يكمل ساعه ويحترق لدرجة اني شاري عشر حبات فيوز مدري
وش السبب وهذا اسم الفيوز
Air Con
قوته 20

مع العلم موقعي شرق الرياض لا تبخلون علينا بالردود

تحياتي لكم

ركب اصلي هذا الحل