(( سؤال عن السفاري ))

[jaraah]

السلام للجميع وسؤالي ياأخوان عن السفاري ... ماهو الحل للأ قتصاد بالبانزين .
مع تحياتي للجميع ..............;)

[عبد الـعزيز]

عليكم السلام
انصحك انك تبيعه وتفتك وتشتري (شاص) اقوى واحسن

[الأشهـــــب]

اخوي عبد العزيز الله يصلح قلبك!الرجال يقول وش الحل في صرفية البنزين ،وتقول له اشتر شاص!!!!
اخوي عبد العزيز انا ماأختلف معاك في أن الشاص موتر قوي هذي مافيها كلام .لكن ياعزيزي الزين دايم مايكمل مع الأسف.لأن الشاص إذا ماكان مثل الباترول في الصرفية فهو اردى منه.أضف إلى ذلك بعد ضيق الشاص ،وقصّه للظهر(غير مريح).
الأخ:jaraah
الحقيقةأن مسألة البنزين مشكلة تؤرق الكثير من الناس. والله العالم أن هذي المشكلة مالها حل .

وتقبل خالص تحياتي،،،،،،،،،،،،،،،،،،،،،،،،،

[صقر]

الاخ العزيز jaraah

السلام عليكم ورحمة الله وبركاته

اختيارك للباترول كسيارة للبر والمقناص اختيار ممتاز ولكن كنا مثلك نعاني من كثرة صرفيته للبنزين.

الاخوان لقوها لك وحل ماتتصور انه كان غايب عنك. استبدل ماكينته الى ديزل وراح تشوف انك احسنت الاختيار، لأن مكينة الديزل بالنسبة لراعي البر اللي طلعاته كثيرة توفر عليه آلاف الريالات
للإفادة وردنا مكائن يابانية مستعملة احضروها الإخوان من الامارات وركبوها بسياراتهم
ونجحت العملية 100% لأني ماشفت احد ركبها وتحسف او غيرها وتكلفك العملية حوالى 6000 ريال
صحيح ان قوة السيارة سوف تقل بنسبة 30% لكن الفرق ماهو كبير وانا شخصيا مجربها رائعة واكثر من
رائعة
والسلام عليكم.....

[kty]

الحقيقة انا اعرف ميكانيكي عندنا معرفة شخصية خاصة يعني زميل مشاء الله علية (سعودي) متخصص بالكلبليتر فنان بعد تغير البنزين يقول السبب في البنزين ليس في السيارات كما يعتقد بعض الناس

(الحل)

ركب مكينة ديزل وتشوف الراحة والتوفير

تحياتي للجميع:p :p :p