مشاهدة النسخة كاملة : ناوي اشتري تاهو , لكن هل يستحق الفرق بين الـLT و LTZ قيمة 40 الف ريال ؟!
السلام عليكم
ماخاب من استشار
شباب ناوي على تاهو وكنت محتار في ان اشتري من المعرض او الوكالة اي من الفئتين LT و LTZ
بس ملاحظ فرق كبير في السعر لقاء المواصفات والكماليات فإيش تنصحوني علما بأن الوسط الـLT ب155 الف بدبل و ألـLTZ بقيمة 194 الف ريال للفل الكامل
انا والله ودي بالفل لكن الفرق كبير في السعر ولكن في نفس الوقت الفئة الوسط قيمتها عالية في التوكيلات ب155 الف ريال دبل ومافيها تلك المواصفات
ولاحظت في مواقع البيع ان هناك سيارات 2012 جديدة على الزيرو بقيمة 139 او 140 !!
فخبرتكم شباب الله يجزاكم خير ..
- النشمي -
02/03/2012, 10:55 PM
تبي شوري رح للمعارض وان شاء الله تلقى طلبك ويكون ارخص من الوكاله
ولاتاخذ الا الفل كامل لون لؤلؤي بصراحه هاللون على التاهو LTZ مجنون
واشوفه افضل لون نزل عليه مع الازياق النيكل والجنوط
لاتنسى ترا قيمة جنط الـ LTZ في الوكاله فوق 24 الف ريال بدون كفرات
الله يجزاك خير يالغالي
طيب اذا تنصحني بالمعارض كم تتوقع اقل سعر للتاهو الفل لؤلؤي اقدر القاه جديد اصفار
ايضا فكرت امر الوكالة واسأل لو هناك رجيع يعني سيارات رجعت للوكالة لعدم اكمال ملاكها للاقساط
مرة اخرى اشكرك
باترول 1987
02/03/2012, 11:48 PM
التاهو فل كامل
بـ 196
انا قبل امس في الوكاله (العيسى)
سعد القاسم
02/03/2012, 11:50 PM
شوري عليك ال تي وتقدر تعدل عليه الي تبي ...
والله يوفقنا اياك
في من ضمن مشاركاتي تعدلت مسويها على ال تي ممكن تفيدك ان شاء الله
والله يوفقنا واياك
التاهو lt ب 148 و ltz ب 198 في التوكيلات ابها الفرق بينهم شاسع وانصحك اذا ناوي خذ ltz فل بدل لان بدون دبل سعره 194 ماتفرق الدبل لانها سيارة عائله و ltz اريح لك وللعايله وفخامة للمناسبات خصوصا اللون الؤلؤي وشكرا
GM_400
03/03/2012, 02:06 AM
ماتسوى الفرق وناخوك
انت شف احتياجك وشو وحدد اللي تبي
الرفاهيه الزايده تملها
انت تبي موتر يخدم
الصمت البليغ
03/03/2012, 11:02 AM
خذ الوسط دبل نصيحة,,وبالنهاية انت المستخدم وتحدد متطلباتك ,,انا نفسك احترت وجلست شهور افكر واقلبها في راسي ,, انا اخذته قبل شهر تريبا ال تي دبل ,,ب 146 شامل ولبسته مراتب جلد وركبت شاشة وصلى الله وبارك ,,
نقطه أخيرة لاتاخذه الا دبل اذا كنت راعي طلعات
تمنيتك لي
03/03/2012, 12:39 PM
أنا مجرب التاهو LT أفضل بكثير من الفل كامل
من ناحية الخف فهو خفيف وأذ بغيت فل رهمه
أخد له جنوط مستعمله ب 3 الاف ريال
وكأنه فل كامل هذآ رأيي
تحيآتي
.
.
بن نويشر
03/03/2012, 01:20 PM
نصيحتي لك أن تتحول إلى الفورد أوفر لمالك ولك الرأي ..
شكرا على التعقيب
توكلت على الله وقدمت على تاهو فل 2012 و اتصلت على فرع الجميح بحكم ان لديه السعر الاقل بين الوكلاء
فاتصل علي موظف من الجميح وقال لي لا يوجد سوى سيارة وحدة قلنا توكلنا لأن الدفعة الجاية بعد شهر من كلامه
فطلب مني معلومات مني وعن ارقام بطاقتي الهوية والرخصة والايميل لحجز السيارة لحين وصولي عندهم واتمام عملية الشراء واعطيته معلوماتي
مدري متخوف بشأن معلوماتي فإيش رايكم ؟!
Powered by vBulletin® Version 4.2.3 Copyright © 2024 vBulletin Solutions, Inc. All rights reserved, TranZ by Almuhajir