والله مشكلة عجيبة فعلا _عجزنا عنها كلنا

[شفر 10]

السلام عليكم

السيارة لاندكروزر جي اكس 94 بنزين
الخراب : السيارة تدق سلف عادي بس ما تشتغل
المشكلة حدثت فجأة وبدون أي مقدمات وكل ما جاء أحد من الربع يحاول يكشف علتها يوقف عاجز عندها

الفحوصات اللي سويناها:

البطارية: سليمة جدا وهي أصلا جديدة
الفيوزات : كلها سليمة
الطرمبة: ميكانيكية وهي سليمة وتضخ بقوة وايضا فلتر البنزين سليم
أسلاك التوصيل كلها سليمة
السلف والدقمة : تم اختبارهم وما فيهم أي مشاكل
فلتر الهواء نظيف
الديلكو قوي جدا ما شاء الله


الأمور اللي أشك فيها:

الكربوريتر: لأنه في نفس اليوم جاء غبار قوي جداً وأيضا طحنا في مراغة تراب في أحد المشاوير.
حاولنا نسوي تنظيف خارجي باستخدام بخاخ اي سي ديلكو ونفخ بالهواء بس ما جاب نتيجة

ايضا تراودني شكوك انه احيان يجي سلك ثالث بالسوتش اذا انفصل تقعد السيارة تدق سلف بس ما تشتغل بس ما ادري هل له طرف يربط السلف

هذا مشكلتنا باختصار ونتطلع آراء أهل الخبرة والتجربة منكم الله لا يهينكم

[طارق الحريري]

نفس المشكله صارت معي السلك الحار حق البطاريه يجي معه سلكين سخاف واحد منهن يروح للسلف اظن والثاني مدري وين يروح حركت حدا السلكين واشتغل الموتر انصحك شيك على جميع الاسلاك حقت البطاريه وحاول تحركهن ويكون معك واحد يشغل بالسياره وانت تحرك الاسلاك واذا ماشتغل يمكن يكون المصفي حق البنزين يبي تنظيف او تبديل واخر نقطه شيك على الكبليتر والله يسهل امرك ونسيت اذكر افحص الفيوزات

[محمد بن ناصر الثبيتي]

عليكم السلام

حياك الله ياشفر
ماعندي خبره في اعطال السيارات
لكن اذا سيارتك فيها امان يمكن مفتاح السياره الالكتروني خربان ,,,

تحياتي

[ابن همدان]

صحيح كلام ابو ناصر قد يكون الخلل من المفتاح الممغنط

[sgl2002]

الله يستر مايكون الكام ( عمود الكرنك ) اللي داخل المكينة مممكن يكون جيم ولا يحركه السلف

لكن اذا تبي تتاكد عشق الموتر الرابع وهو طافي أو الثالث

وخل اثنين اقوياء يدفون من قدام وشف المروحه تتحرك والا لا

اذا لا فمعناه العمود الداخلي مجيم مايدور

[مضارب سيارات]

الله اعلم مشكلتك في الكلبيتر سو تنظيف واصلاح لان فيه ميزانيه يمكن قافله

[1من نجد]

فيش حساس الكرنك لو فيه فضاوة او مفصول طبيعي تدق وما تشتغل تأكد منه

أو سلك السيوتش المتصل لحد كتاوت الطرمبة

[شمس المغيب]

والله يخوك ان كل شي سليم من المذكور

جرب وان شاء الله اكون غلطان
عندك من المشاكل النادره جدااا الله يبعدها عنك انقطاع الجنزير وهي نادره جداا

والإخوان ذكرو الأسباب ألممكنه
بالتوفيق×

[كاشت وحداني]

شيك على الجنزير

[saleh4800]

وش صار معك اخوي ردلنا خبر
يمكن يكون من سلك في الكويل عادة يضرب يبي له فك وتركيب مره ثانيه فقط
فكه من الفيش وركبه مره ثانيه

[saleh11941]

الحساس الي في الكلبيتر شيك عليه

[saleh11941]

فيه واحد عنده مشكله في الكلبيتر سيارته باترول يقول انه يطلع دخان اسود مادري وش صار عليه ارجو ان يراسلني مشكورين

[الخلاوي 15]

غير طقم فيوزات جديد ..

لاتستغرب .. انا عانيت مثلك .. غيرت سلف وصلحت الديلكو وحست ودجت والنهايه غيرت طقم فيوزات وظبط الحمدلله

انت غير طقم وشف لأنه رخيص اهم شي خذ الأصلي ولاتقرب التجاري من تجربه

[aass1122]

السلام عليكم اخوي شيك التماتيك حق الكويل هو المشكله صارت المشكله عندي اذا كان خربان او جايه مويه الله يعينك تراه غويلي شوي تكون دقت الموتر عاديه بس مايشتغل

[ابوراكان تبوك]

اذا شاك في الكربريتر صب بنزين فيه على طول اذا اشتغل فمشكلتك منه او من الطرمبة

سلك الديلكوا اذا مرتخي لو تسوي المسحيل ماتشتغل السيارة