الحذر من الشوزن التركية

[كاكا6]

السلام عليكم وحمة الله وبركاته
اخواني مالكم بالطويلة
رحت يوم الخميس انا واحد من اخوياي نتقنص ومعه شوزن تركية اعتقد اسمها باردوس
المهم نرمي حمام وبقى في الشوزن فشقة واحدة ضغط 32 وخربة المكينة معاد تدخل الرصاص زين قمت احاول ادخلها بسياسة وهدوء دخل شي بسيط من الفشقة ونشبة
ورجعتها وثورة في وجيهنا والحمدلله فكنا ربي جاني قطع بصيط في الاصبع السبابة
وخويي طار الاصبح حق المكينة على صدرة وجرحته وكلنا سالمين ونحمد الله
ورجاء انتبه من الشوزن ام خمس خاصة لا علقة الميكنة وخص نص التركية الله لا يوفقهم
وتقبل مروري وتحياتي واسف على الاطالة

[ثويني]

الله يجزاك خير ومشكور على التحذير

[يابحرلاتعاند]

الله يجزاك خير ومشكور على التحذير

[ابوماجد-1]

الحمد لله على سلامتكم ياغالي

وانا بصراحه نصحوني شباب وقالو انحش عن التركيه

[Abo gssar]

الحمدلله على سلامتك انت وخويك
وترى ممكن افضل السواجن تسوي نفس الشي يعني لو علقت الفشقة في بيت النار توقع انها تثور وانت تحاول تخرجها في اي لحظة لان اي حركة ممكن تفك النادوس ...

[قاع عبلاء]

الله يجزاك خير لعبن فينا هالتركيات يازين البلجيك بس ..

[سيف العلا]

الحمد لله على السلامه ونفس المشكله سارت مع واحد شوزر تركيه فيبر م خمس تعشيق

انفجرة بوجه واحد بس الحمدلله عدة سلامات والرجال كسرها

[قرضاب]

حمدلله على سلامتكم
ياالربع علامنا قامت تفقع القدور
والشوازن الله يستر ماتصيد لك دخله وتنفجر عليك بعد

[بواردي تربة]

معي ام بطة صورة خلصت نصف صندوق والله انهاء تطرب راعيها بس ترى كل السلاح وبالذات الطيب يصير فية مشاكل مو التركيات بس ... اهم شي الاستخدام والتنظيف

[راعي الطافحة]

يشباب انحاشوا عن التركيات الرخيص مخيس
الايطالي وبس

[أَبوابراهيم]

اي شيء تركي من الاسلحة النارية او الصيد انحاشو منه

عليكم بالصيني اقل القليل

[ابوسعد 2011]

الايطاليات زينة بس اسعارها مبالغ فيها على غير سنع قبل سنة اسعارها بحدود 10000 والان 20000 :) تلاعب باالاسعار وفي الكويت سعرها 8000 هذا الي يخلي الناس تاخذ التركية ويتركون تلاعب الشريطية :D .

[شاهين12]

الحمدلله على السلامه..

يارجال الشوزن التركيه اكثره تقليد ولاعمر التقليد كان نفس المقلد عليه.....


الحذر الحذر من السلاح عامه ....اذا كان فيه مشكله ولاتعرفله صح ..

لاتحاول تفتكر من نفسك باصلاحه ..وده مختص يظبطه ....وريح نفسك....

نقطه مهمه ....ربعنا بعضهم يمدحون الشوازن التركيه وهم ماستخدموها واجد.....

وتلاحظ ان اكثرها جديده ...لم تخدم بعد ....

السلاح التركي بشكل عام من الدرجه الضعيفه ..في الامان ...


دمت بصحه وسلامه......

[أبوعابد 22]

الحمد لله على السلامه تدري وانا واخوك اني احذر من التركيات
لين قبل بس الناس مالها الى رايها يحسبون الشوازن مثل بعض
ونصيحه يشباب لأحد يشتري سلاح تركي ولا صيني

[مضارب بني حرب]

الله يحمينا هالسالفة صار مثلها عندنا بجدة يحكون خوياي عنة الرجال طارت له اصابع فيها

معه ام بطه انفجرت بيدة ,,,,, البعد عن التركيات اسلم

[كاكا6]

الله يسلمكم ويعافيكم ويستر عليكم
والله ياخواني اني ماقدر كيف اوصف لكم شعوري يوم انفجرت علي
خذيت مايقرب ربع ساعة وما اسمع شي ويوم كامل اذني توجعني
والحمد لله فكنا الله من الصتم
لاهنتم وبيض الله وجيهكم واشكركم على مروركم جميعا

[دلماوي 2008]

التركي صناعه فاشله بجميع المقايسس


الي وصل قيمه التركي يزوده الفين وياخذ بيكال روسيه افضل والكثير يشهد لها بمتانه المكينه


الحمد الله على السلامه

[الذئب الاسود]

الحمد لله على السلامه

التركيات وش سالفتهن

كل يوم عطال وكل يوم مشكله

[شمالي و الهوا غربي]

مثل اي سلعه تورد لنا الاغلب مضروب
ونحن نستقبل بكل رحابة صدر’ بكم بس؟
واكثر مايسوي الواحد ليش غالي ياخي حرام عليك