سؤال عن حرارة الموتر ( يوجد صورة )

[GX.3]

اخواني

من اسبوع والحرارة معي كذا


http://www.m5zn.com/uploads2/2012/3/3/photo/03031201032001f2xnfrf72vgtx0ii60nd.jpg




واذا مشيت مشوار ساعتين او زوود

تزيد الحرارة لين قبل النص


ماكانت معي كذا

هل هي طبيعيه ؟؟

مع العلم اني لما غيرت الزيت قال البنشري موية الرديتر ناقصه

ورحت شريت جالون اصلي موية حمرا باربعين ريال وعبيته

ومازالت


افيدوني الله يرحم شيبانكم

[عبقري91]

نوع السياره وكم لها معك

[ساري 111]

اعتقد طبيعيه بالشكل هذا

واذا جلدت الموتر سرعه او نفود ترتفع للثلث وتوقف ي
عني مهما جلدت الموتر لايمكن تتتعدا النصف

اذا وصلت النصف او تعدته اعرف ان هناك خلل
مادون ذالك لاتقلق

[GX.3]

نوع السياره وكم لها معك



هدد 2006

له معي من 2006 الى الان

حوالي 6 سنوات




مادون ذالك لاتقلق


الله يطمنك

وانا منزله مع عقيب وفي عز القايله طارت الحرارة للثلث او قريب من النص

[شبل داورد 1]

الوضع طبيعي جداً
الى تحت النصف بشرطه عادي
وأذا تبيها ماتعدى الخط الى تحت ركب بلف حق ديزل
أنا مركبه في موتر الحراره مع المكيف في عز الحر فوق الخط شرطه
ماشاء الله تبارك الله

[خالد الزومان]

الحراره طبيعيه ولا تفكر كثير

[فتى الوادي]

إلى قرابة النصف عادية جدا ...

[sgl2002]

نفس الشاص

مادمت مهدي وماتجلد تكون ربع

واذا اسرعت وجلدت توصل حول النص

[راعي تاحوف]

( الرجال يقول ماكانت معي كذا )

عندك 3 اشياء شيك عليهم

1-غطاء الرديتر
2- بلف الحراره
3- تماتيك المروحه

والله يكفيك شر الموتر

[GX.3]

بيض الله وجيهكم

ماقصرتو والله

::



امس رحت مشوار ساعتين ورجعت ساعتين

يعني شبه سفر


ولما وصلت صورت على طول

لاحظو انه ارتفع عن اول صورة ( الصورة القديمه اللي بالجوال )


http://www.m5zn.com/uploads2/2012/3/3/photo/03031201032001f2xnfrf72vgtx0ii60nd.jpg




وهذي الصورة امس بعد مشوار الـ 4 ساعات


كأنه ارتفع حول النصف


http://www.m5zn.com/uploads2/2012/3/4/photo/0304121203195esekwt3kiust.jpg




ماء الرديتر فل ( داخل العلبة وداخل الرديتر نفسه )


لاحظت اني لما وقفت اعبي بنزين وطفيت الموتر

وشغلته مره ثانيه ارتفع اكثر



والله ياني محتاس وحستكم معي


المروحه وكلشتها بشيك عليه

بس بالنسبة لبلف الحرارة كيف اشيك عليه


تحملوني ياخوان

[sgl2002]

ياخوك ملاحظتك ماجات في مكانها

لان الموتر اذا مشيت عليه وطفيته ثم شغلته بتطلع الحرارة ممكن فوق النص

لان طرمبة الماء والمروحه طافية واول ماتدق سلف تلقى الحرارة مرتفعة

ثم اذا شغلت تقعد شوي وتنزل لان الماء يبدا يدور والمروحه تشتغل

بعدين انا كان معي شاص والشاص نفس مكينة سيارتك

وكانت الحرارة اذا المشي داخل البلد والجو زين تلقاها ربع

ومع الحر والمكيف وجلد الموتر تروح لي قبل النص زي الصورة

[عبقري91]

انت من يحكم عليه لانك من زمان تشوف الحراره مكانت كذا انا اشوف انها طبيعي لاني ما اعرف كم كان زمان
ومدام الرديتر من ٢٠٠٦ ماكد انفك مشا الله اكيد وصخ ويبي تصييخ
ومويه اصلي
لكن هل القربه تفور هل الخرطوش يحجر. هل الحراره مع الوقفه او مع الخط
بس سالفت انك تطفي السياره وتشغل بعدها بشوي او تفتح السويتش بس. اكيد بيرتفع انبير الحراره
وانشا الله الامور زينه والتايوتا مبروك. بس احرص عليه وحاول تحل مشكلت الحراره اذا انك تشوفه تغيرت عليك

[مركز حراره]

موترك مافيه شي
وأذا تبيها ماتعدى الخط الى تحت ركب بلف حق ديزل
أنا مركبه في موتر الحراره مع المكيف في عز الحر فوق الخط شرطه
ماشاء الله تبارك الله كلام ممتاز 100%

[راعي-gx97]

أخي
حرارة موترك طبيعية جدا ولا توسوسبك واجد .

[مجنون عسل]

عزيزي متى اخر مره سويت تغيير لبلف كوع احراره اذا كان له قرابة السنه سوء تغسيل للمكينه وركب الكوع حق بلده مع تركيب مويه رديتر احمر وكاله مع الماء المقطر
والله يعطيك خير موترك ويكفيك من شره
لاتنسنا من صالح دعاك

[المعايد]

فك البلف وطشه وركب واحد جديد وكاله
صارت معي مره
مرات يرتفع ومرات يزبط
رحت للمكانيكي قال ممكن البلف معلق
ومثل ماقال أخونا الي فوق بالردود
شيك على الثلاث وريح راسك
انا اقول لو ماهو البلف يمكن الرديتر وده تصييخ

[GX.3]

بيض الله وجيهكم

جميعا

رحت لمحل رديتراات

قال كلتش المروحه نص عمر

يعني ماهو بذاك

وقال غير البلف

بس رحت لمكانيكي - قال بفكه واغيره ما ارتحت له

خفت يفكه ثم مايعرف يركب الجديد ويحوس ام الشغله


قواكم الله

[abo mani3]

بيض الله وجيهكم

جميعا

رحت لمحل رديتراات

قال كلتش المروحه نص عمر

يعني ماهو بذاك

وقال غير البلف

بس رحت لمكانيكي - قال بفكه واغيره ما ارتحت له

خفت يفكه ثم مايعرف يركب الجديد ويحوس ام الشغله


قواكم الله

غير الكلتش < استهلاكي

والبلف ترى شغلته سهله

ابد تفك الكوع يجي بوجهك :)

وتغيره < شغلتها بالكثير 20 ريال الى 30 ريال

[شيخ العزوبية]

واحتياطاً سيخ الاديتر على دربك .

[شيخ العزوبية]

واحرص على موية اديتر تويوتا واخلطة مع موية مقطره .
وماقدامة الا العافية .

[GX.3]

الاديتر يقول مافيه شي

والماء اللي فيه ماء تويوتا الاحمر الاصلي ( اللي بالمناسبة ماينخلط معه ماء مقطر لانه جاهز )


بس البلف هل اي مكانيكي يقدر يفكه ويشتغله زين ؟؟

ولا يبي له واحد فنان .. ؟

[ضلع الذيب]

الله يعطيك يخير والحراره هذي طبيعيه جدا ولاتشيل هم