بشتري بيكال بس مدري ايش اخذ(خشب - فيبر - مموه وهل المموه فيبركمان؟

[قناص الجنوب11]

اخواني انا راح اشتري شوزن بيكال جديده 30 انش

بس مدري !

ايش اخذ ؟
فيبر -خشب-مموه

وهل المموه برفضو فيبر؟

ويقولون ان الفيبر مع الشمس يخرب :eek:


ارجوكوم افيدوني :(

[مضارب بني حرب]

بالتوفيق مقدما واذا حولك مثلها لاتنساني اخوك من الغربية

على الخاص طبعا ً:good2::good2::good2:

[قناص الجنوب11]

ابشر من عيوني

[الذيب الاغبر]

هاذا يعتمد على الي انت تميل له

بنسبه لي اميل للخشب

واما الفيبر يخرب من الشمس - اشوف رشاش الجي3 فيبره باقي بقوته ولونه بس خذ مموه احسن

[محب العقاب]

السلام عليكم ورحمة الله وبركاته
أخي الكريم قناص الجنوب

أنا معي بيكال خشب لها 4 سنين
البندق طرب بعد تشك 690 الله يجزاه خير أبو صالح
الشاهد أنصحك أنك تأخذ الفيبر وإذا أنت تحافظ خذ لك فيبر مموه
الخشب لا تقربه لأن لونه يقلب مع الوقت خصوصا بالبيكال (التجربة حصلت معي شخصيا )

والله يوفقك ويرزقك الطيب والرخيص
تحياتي لك يالغالي

[ابوسعد 2011]

كم سعر البيكال ام خمس فيبر مموهة .

[طحنون]

والله يالحبيب كأنك داخل معرض للبنادق
وجالس تتنقى
خشب
فيبر
مموه

حنا اذا لقنا خشب مالقينا فيبر
لاكن الله يوفقك
ارشح الخشب اجمل ومسكه حلوه
بس يبيلها عنايه

[أَبوابراهيم]

مشكلة الفيبر لو انكسر عليك اوجاه شيء صعب تلقاله فيبر ثاني وهو اكثر عرضه من الخشب للتضرر واقل تحمل

ولو جيت تبيع ارغب الخشب
الخشب صحيح اذا ما حافظت عليه يبهت لونه لكن حله سهل بـ150 ريال تجدد بويته طبعا اذا انت راعي كرف اقل شيء 4 سنين ثم يبدا يبهت اما اذا محافظ يجلس فوق 10 سنين مايتغير

[شاهين12]

أخي الكريم :

الخشب :1-نظره احلى .2-اقل عمل من الفيبر.ولاتنسى ان البيكال غازيه ويؤثر على الحاضن....القطعه الاماميه..

قل ماتجد في الشوازن خشب الحاضن بدون شعر ...ماعدا البنلي .العائد لنظامها......



الفيبر :نظره ليست افضل من الخشب.2-عملي اكثر من الخشب .مرن لاينشعر الحاضن لايتاثر بزيوت وكربونات قطع البارود ..الناتجه عن

نظام الغاز...

المموه:نظره حلوه تمويه كامل والمشكله المكينه يطير التمويه ...ولاتقدر ترجعها كما كانت.

عكس المكينه العاديه بحيث تطليها سوداء..ومتوفر لها ...

انصحك بالفيبر عمليه عمليه اكثر وافضل لجميع الظروف...

والله يكتبلك الصالح.....

[رعد سدير]

فيبر ..الموهه صبغه وتقشر مع الوقت ..الخشب مايصلح ..
الفيبر ماعليه كلام ...

[PATROL]

الفيبر افضل من الخشب لان الخشب يتمخش ويصير فيه محل طقات ويخرب اذا جاه ماء!
بس الفيبر عملي ولايثر فيه لاماء ولا شمس

[قناص خلاوي]

الفيبر الاسود أصبر واقوى تحمل واخف وزن
الخشب أنضر شكل واقل تحمل
موفق خير

[هم الشمالي]

اخواني انا راح اشتري شوزن بيكال جديده 30 انش

بس مدري !

ايش اخذ ؟
فيبر -خشب-مموه

وهل المموه برفضو فيبر؟

ويقولون ان الفيبر مع الشمس يخرب :eek:


ارجوكوم افيدوني :(

لاتحتار الشي الي انت مقتنع فيه خذه ولا تشاور كل الأنواع طيبه سواء فيبر او خشب ×

[سيد النشاما..]

ماقصروا الاخوان
وازود نقطة. الوزن. الخفيف لصالح الفيبر

[dr.mekshat]

نصيحه مجرب لا تتعدا الفيبر وبس

[ابو سفيان]

ياخوي انا اعلمك تفصيل ممل عن الي تاخذه
الخشب جميل لكن فيه الثقل شوي ويتخدش ويمكن ينشطب وتصلح وحده جديده حدود ٧٠٠ ريال ويبيلي انتبه لها من الدقات والناس يبتعدون عنها

المموهه من الشركه صابغينها اقسم بالله لتندم ماتقدر تزينها اذا انخدشت ومع الوقت الرسومات الي فيها تقلب ابيض مكانها مثل المفبض والاخمس وشفتها عند واحد من الشباب وربي تنعاف هههههه ومسمينها الجرباء

الفيبر اسود جميل خفيف ان تخدشت وديتها وصبغتها وزينتها بيدك تتحمل حيل وبعدين تقول ان الفيبر اتحدى ان الفيبر يتاثر بالشمس لو الفيبر يتئثر بالشمس كان فيابر حوض الونيتات تاثرت كلام ماله اي دليل من الصحه وبعدين الي يسمعكم يقول هذول يحطون بنادقهم في الشمس كل يوم وان حصل فيابر البيكال مصنوعه من مواد تتحمل الحراره

وفي اخر الكلام الكثير فيبر اسود نصيحه والله ما تخسر اسمع العلم الي يجمد على الشارب

[as00]

اخوي الفيبر مافيه كلام

[وثيق القول]

أخوي قناص الجنوب11
ما شاء الله عليك واثق أنك بتحصل مطلوبك
إذا حلولك شي 30 لاتنساني تراني دخت وأنا أدور
وحقك محفوظ

طبعاً أنصحك بالفايبر
وبالنسبة لي لا يهمك أي شي ... فايبر ... مموه... خشب .. حجر .. درتون
إنت بس دبرنا

[ابوعاشة]

يا اخوان كم سعرها جديده على كثر ما اسال ما لقيت جواب

[محب الرمنغتون]

أنا مع الفيبر ......

[س.س.التميمي]

الخشب ولا تأخذ غيره شي

[ابو محمد 40]

فيبر وحاول تحافظ عليه