مشاهدة النسخة كاملة : صورة وتعليق ....مكشاتي صغير يقتحم مكشات ..........وينكم يالنشاما
ريف النشاما
17/04/2006, 11:00 PM
السلام عليكم ورحمة الله وبركاته
مساكم الله بالخير يالنشاما .....وكيف حالكم
هذا المكشاتي الصغير :) يبي منكم كم بيت .... وش تقولون ........ المؤشر محمر والمكاشيت خلصت مع هالحر ...........همتكم يالنشاما ...............
http://www.mekshat.com/pix/upload/images16/mk8178_fffffnhh.gifhttp://www.mekshat.com/pix/upload/images16/mk8178_fffffnhh.gif
http://www.mekshat.com/pix/upload/images16/mk8178_ffffnh.jpg
وعليكم السلام ورحمه الله وبركاته ,,
هذي نصيحه للي بالصوره الله يخليه لك ويصلحه .
اتمنى انها تكون معبره و تعجبك ياريف النشاما وتعجب القراء .
الله يجيرك من الدنيا وبلواها
********** دنيا (ن) عجزنا نسايرها ونرضيها
ابوك ريف النشاما دوم ملفاها
********** ياسعد عينه ليّا شافك تقهويها
خوّة هل المرجله يازين طرياها
********** ناس(ن)على العز والنوماس طاريها
انحش عن اهل الردى واغنم بفرقاها
********** واهل المعاصي نصيحه لاتماشيها
واحذر صلاة الوليّ ليّاك تنساها
********** في مسجد الحيّ مع ربعك تصليها
من قدم الطيّبه بالحب يلقاها
********** في عرف قوم(ن)تقدرها وتغليها
اخوي ريف النشاما هذه على عجاله والجايات احسن ان شاء الله .
.
.
.
ريف النشاما
18/04/2006, 05:39 PM
>>>>>> تسلم يابين على هذه الأبيات والله يبيض وجهك
وهذا الكتكوت مشاء الله عليه الله يصلحه ابن لأحد الأعضاء الكرام
وتقبل تحيتي
وعليكم السلام
الله يحفظه ويصلحه وينفع به .
وتقبل مني هالبويتات علي تواضعها ولك التحيه
مني تحيه ياوريث النشاما=اعداد ماتاطا علي الطعس بخطاك
تمشي علي البيدا بامان وسلاما =عسي الولي يحفظك لعين ترجاك
قرت عيون الوالدين الحشاما=اللي تراعي لك بنومك وممشاك
يوم ن كلن في غلا المال هاما=مرتاح بالك لا بهذا ولا ذاك
هاوي خلا
24/04/2006, 03:10 PM
الأخ ريف النشاما الله يخلي الصغير لك ويخليك له وهذا ما طلع معي والمعذرة عن القصور أخوك / هاوي خلا .
ريف النشاما حط صورة وليده = يبي من الشعار له ياصفونه
بانت لنا ضحكه كبيرة سعيدة = من زود ضحكه غايراتن عيونه
يارب نسأل من يراقب عبيدة = انك ولد ريف النشاما تصونه
و تجعله يارب يصبح وليّده = ويبر بهله مسرعن بالمعونه
لعب النفود وشوفته يوم عيده = حب الخلا يوم طلعت سنونه
حارت خطاه وقام يشّر بأيده = حافي وبانت ميّزات الخشونه
كشات بن كشات علوم أكيده = دايم عيال الذيب ورى يتبعونه
ماحب الاسهم مامشن في وريده = اللون الاحمر والخضر ما يبونه
ينهل علوم بالمراجل عديده = كل الصغار لرفقته يحسدونه
يمشي مماشي للدروب الشريدة =ياليت يالنشمي ما تخيب ضنونه
ريف النشاما
24/04/2006, 05:09 PM
بارك الله فيك ياهاوي خلا .......... هذا الكتكوت الصغير ولد أحد الأغضاء ...... وهو صورة للتوقيع
ولكن اضعت مكانه ......ههههه
ياليت تعيد صياغة القصيدة على ذلك
ريف النشاما
04/06/2006, 12:12 AM
:rolleyes:
هذه المشاركات حيرتني أرجوا المشاركة في الترشيح
ريف النشاما
15/08/2006, 01:58 AM
تم ترشيح قصيدة بين .............. من بين ثلاث مشاركات (بالقرعة)
بين
جرير
هاوي خلا
-----------------------
نشكر الشعراء المشاركين ونتمنى لهم التوفيق والسداد وللجميع
شكرا للجميع
Powered by vBulletin® Version 4.2.3 Copyright © 2024 vBulletin Solutions, Inc. All rights reserved, TranZ by Almuhajir