بخصوص الدبل

[إكستيرا أوف رود]

السلام عليكم عندي مشكلة وهي الدبل خرب علي أشغل الدبل تولع عندي لمبة الدبل ويأشر ولا يشتغل

* للمعلومية الدبل فرار (مهب قير) الموتر إكستيرا، طبعا مفصل فاصل للـ abs وجيت أرجع ال absولا رجع

[إكستيرا أوف رود]

يا أخواني عطوني خبر؟؟

[الليث الذهبي]

تاكد انك مفظي القير واشبكه وخله شوي واذا ما نفعى
افصل البطاريه 5 دقايق واشبكها و جرب

[إكستيرا أوف رود]

تاكد انك مفظي القير واشبكه وخله شوي واذا ما نفعى
افصل البطاريه 5 دقايق واشبكها و جرب

جربت فصلت البطارية ولا نفع؟؟

[sgl2002]

الله واعلم انه من دينمو الدبل

وهذي مشكلة في المواتر اللي دبلها زر

وعندك هذي المشكلة متكررة في الجيوب اللاند من٢٠٠٨ وفوق

لكن انت شغل الدبل وانتظر عليه ثم حاول تتحرك قدام وريوس

[T33]

نتعه خفيفه بالريوس وجرب تفصل او تشبك

جربتها في لاندكروزر قير عادي ودبله فرار

بعد ماشيب بي علق الدبل ومافك

فصلت بطاريه طفيت وشغلت انتظرت وووو ولانفع

[بدوي جنوبي]

مشكلة سيارات الدفع الرباعى لازم تشغل الدبل على الاقل في الشهر مره
ومو لازم تطلع البر ممكن تشغله وانت على الازفلت وتسوق السياره طبيعي
لمسافات قصيره ،، طبعا الدبل الخفيف والثقيل ،، لكن حاول لا تلف الطاره للأخير ويكون الدوران سلس

ممكن المشكله من دينمو الدبل مثل ما ذكر اخى SGL
http://www.mekshat.com/vb/showthread.php?t=338527

[إكستيرا أوف رود]

جزاكم الله خير والله ما تقصرون
أعطاني أحد الشباب وصف محل الثنيان متخصص في النيسان والحمد لله المشكلة صارت في أحد الأسلاك
(والله مشكلة المواتر الجدد كلها كهرب وكمبيوتر)

[u.hl]

تحيات اخوووي
بانسبه لمشكلتك اذا كنت فاصل الabs طبيعي مو شابك الدبل معاك يبدأ لمبه الدبل تشر ولا يشبك الدبل عااااادي لا تخاف.
ألطريقه الصحيحة لستخدام ال abs هي ونت مشغل الموتر تقدر تفصل الabs ولكن ما تقدر تشبكه الا اذا طفيت الموتر تشبكه ثم تشغل مره ثانيه.
الدبل ماراح يشبك مادام الabs مفصول لكن اذا بغيت الدبل اشبكه ثم افصل الabs. لان كمبيوتر السيارة ماراح يتعرف علي الفاصل ويحسب فيه خلل في وظائف الabs وهذا يخليه مايشبك دبله.
اما اذا بغيت تفصل الدبل وانت فاصل الabs يقبل ولا عندك مشكله. المشكله اذا بغيت تشبك الدبل لازم يكون كل شي سليم وبوضعه الطبيعي.

وأرجو أني أفدتك في مشكلتك.

تقبل مروووري،،،