falcon 1
04/03/2012, 09:29 PM
بسم الله الرحمن الرحيم
السلام عليكم ورحمة الله وبركاته
اخواني الاعزاء
امسيكم بالخير جميعا ..كيف حال الجميع ان شاء الله طيبين
موضوعي اليوم هو التالي :
نحن دائما نسمع فلان طرح باز ولا عقاب ولا حميميج ولا اي نوع من الجوارح غافلا ..يظنه صقر.
طيب فلان طرح هالطير ( باز حميميج مساح الريضان الخ.)...ليه ما يدربه ويطيح الي براسه ...يوسع خبرته فالصقاره ..يمكن يتعلم شي فالباز لا يتعمله فالصقر ..ويزيده خبره فالصقاره ..شوفو الاجانب ..صقر باز عقاب نسر حميميج ..كلها يقنصون بها ...صحيح الصيد هنا لهالطيور ما عندنه ..لكن ايش الي يمنعنه انه ندرب هالطير ونكسب خبرة منه ..واذا ما احتجنه فكينه لوجه الله ..شدراك اخ العزيز يمكن تنقل باز ويعجبك ..ليش لا ؟ كلامي سليم ؟
انا مره طالع للبر اطرح شراييص للعيال ..المهم طرحت واحد لله الحمد ولا قدرت اعطيه للعيال لانه ادري بعطي هذا والثاني بيبكي ويصارخ " ليه ما جبتلي !! انت ما تحبني ههههه " عارفين القصة ..الله يحفظ عيال المسلمين جميعا
المهم طرحت هالحميميج ..وقلت لنفسي ابطيح الي براسه وبدعيه وبشوف ..بشوف ليه الناس ما تبيه ..المهم ادهله واطيح الي براسه وادعيه ملواح ..واعلمه عالحمام ..والله يا اخوان بعد ما شفت هدده وفعله ..انه يقعد فالمجلس مع الطيور الباقيه حاله حال اي طير ..له معزته وتقديره . بعده بعدة اشهر فكيته لوجه الله .
ومره دخلت غرفة طيور لواحد من اصدقائي الله يذكره بالخير ..ولا في حرار جيره شياهين ..ولا الحبيب الصغير مع الطيور ..حميميج على وكره يتفله ...قلت يا فلان علوم المزيون هههه ..قال شفت هذا ..هذا الي يعشي الطيور ..قلت كيف.. قال تعال معي ...ونطلع لبر جنبنه بها جرابيع ..ونهده عالجرابيع هههه :D ..والله قسما بالله اني استانست معه لله الحمد ..جربوع جربوعين ثلاث اربع..المهم هدينه لين جمعنه جرابيع واخر جربوع للغالي :)
لكن اخواني الحذر الحذر !! ..اذا كنت ناوي تدرب جارح من الجوارح لابد ان تعطيه حقه وتقديره كما تعطي الصقر...مو تقول والله هذا باز خن طقطق فيه ونشوفه ..اذا نويت ان تنقله فاعطه حقه وتقديره واحترامه ...امن اذا ما استطعت فنعم.. فكه لوجه الله .
انتم شرايكم اخواني ؟؟
نسمع اراكم
تقبلو تحياتي اخوكم فالكن 1
والسلام عليكم ورحمة الله وبركاته
السلام عليكم ورحمة الله وبركاته
اخواني الاعزاء
امسيكم بالخير جميعا ..كيف حال الجميع ان شاء الله طيبين
موضوعي اليوم هو التالي :
نحن دائما نسمع فلان طرح باز ولا عقاب ولا حميميج ولا اي نوع من الجوارح غافلا ..يظنه صقر.
طيب فلان طرح هالطير ( باز حميميج مساح الريضان الخ.)...ليه ما يدربه ويطيح الي براسه ...يوسع خبرته فالصقاره ..يمكن يتعلم شي فالباز لا يتعمله فالصقر ..ويزيده خبره فالصقاره ..شوفو الاجانب ..صقر باز عقاب نسر حميميج ..كلها يقنصون بها ...صحيح الصيد هنا لهالطيور ما عندنه ..لكن ايش الي يمنعنه انه ندرب هالطير ونكسب خبرة منه ..واذا ما احتجنه فكينه لوجه الله ..شدراك اخ العزيز يمكن تنقل باز ويعجبك ..ليش لا ؟ كلامي سليم ؟
انا مره طالع للبر اطرح شراييص للعيال ..المهم طرحت واحد لله الحمد ولا قدرت اعطيه للعيال لانه ادري بعطي هذا والثاني بيبكي ويصارخ " ليه ما جبتلي !! انت ما تحبني ههههه " عارفين القصة ..الله يحفظ عيال المسلمين جميعا
المهم طرحت هالحميميج ..وقلت لنفسي ابطيح الي براسه وبدعيه وبشوف ..بشوف ليه الناس ما تبيه ..المهم ادهله واطيح الي براسه وادعيه ملواح ..واعلمه عالحمام ..والله يا اخوان بعد ما شفت هدده وفعله ..انه يقعد فالمجلس مع الطيور الباقيه حاله حال اي طير ..له معزته وتقديره . بعده بعدة اشهر فكيته لوجه الله .
ومره دخلت غرفة طيور لواحد من اصدقائي الله يذكره بالخير ..ولا في حرار جيره شياهين ..ولا الحبيب الصغير مع الطيور ..حميميج على وكره يتفله ...قلت يا فلان علوم المزيون هههه ..قال شفت هذا ..هذا الي يعشي الطيور ..قلت كيف.. قال تعال معي ...ونطلع لبر جنبنه بها جرابيع ..ونهده عالجرابيع هههه :D ..والله قسما بالله اني استانست معه لله الحمد ..جربوع جربوعين ثلاث اربع..المهم هدينه لين جمعنه جرابيع واخر جربوع للغالي :)
لكن اخواني الحذر الحذر !! ..اذا كنت ناوي تدرب جارح من الجوارح لابد ان تعطيه حقه وتقديره كما تعطي الصقر...مو تقول والله هذا باز خن طقطق فيه ونشوفه ..اذا نويت ان تنقله فاعطه حقه وتقديره واحترامه ...امن اذا ما استطعت فنعم.. فكه لوجه الله .
انتم شرايكم اخواني ؟؟
نسمع اراكم
تقبلو تحياتي اخوكم فالكن 1
والسلام عليكم ورحمة الله وبركاته