المساعد الشخصي الرقمي

مشاهدة النسخة كاملة : الى كل من ذهب الى ماليزيا حياااااك


saad_path
05/03/2012, 04:38 AM
السلام عليكم ورحمة الله وبركاته

اسعد الله صباحكم جميعا

اللي عنده خبره عن

ماليزيا

ياليت يفيدني جزاه الله خيرا

اسعار التذاكر لشخصين ذهاب وعوده
امكان المنتزهات والمنتجعات والمجمعات
اسعار الفنادق امممم تقريبا الاربع نجوم
مدة الرحله 10 ايام
التكلفه تقريبا من الا


احترامي وتقديري
السهم الأول
05/03/2012, 09:23 AM
السلام عليكم أخوي

قبل ابدء احب اعطيك معلومة ان الرنقت تقريبا في كل 23 ريال 20 رنقت تقريبا يقل او يزود يعني الرنقت اعلى

اسعار التذاكر تختلف من خطوط لخطوط من 1500 ريال في بعض الخطوط الى السعودية توصل 3500 للشخص

و الفنادق رخيصة وفخمة وكثيرة ممكن تدخل موقع booking و تحجز و اسعارهم ايضا تتراوح من 200 - 1000 ريال على حسب الفندق

و اغلب الناس يروحون الى ثلاث مناطق معروفه هناك كوالمبور - لنكاوي - بيننق و بعضهم يروح مرتفعات الكامرون

الديرة حلوة و فنادقهم رخيصه بالنسبه لخدماتهم فيها شوي غلاء في المعيشة من اكل و شرب و بالنسبة للمواصلات التكاسي بالهبل عندهم و فيه باصات و مونوريل و قطارات و احسن شيء انك تتثقف قبل ماتروح

بتكلفك من 13-20 الف بس عشر ايام مايمديك الا في مدينتين وارشح بيننق و كوالالمبور

الاماكن السياحية واجد و يدلونك التكاسي كل واحد معه برشورات و يعرفون كل شيء و ميول السائح الخليجي .

بالنسبة لتنقل بين مدنهم في طيران airasia.com تحجز من النت يبغالك فيزا لان حجوزات النت كلها بالفيزا الله يسهل دربك وان بغيت شيء عندنك البريد الخاص بالتوفيق تروح وتجي بالسلامة حبذا تكثر القراءة عن الديرة .
saad_path
06/03/2012, 04:51 AM
بيض الله وجهك وماقصرت
tooq
20/03/2012, 02:02 PM
اخوي ماليزيا صراحة كنت رافض السفر لها بسبب كثرة الي يتكلمون عنها
وكاني تشبعت منها لمجرد الاستماع

ولكن زيارتها اجبرتني احترم البلد والشعب
واحب البلد والشعب

صراحة بلد رائع بما تعنيه الكلمه

لنكاوي تعتبر رحلة من العمر جزيرة استرخاء بدون تدخل منك بتلاقي نفسك تنام الساعه 9 بالكثير
وتصحى الفجر تنتظر اشهى فطور من الفندق سواء شيرتون او فورسيزون وبعدها تطلع تتمشى وتشوف اجمل الشلالات والمناظر ولايفوتك تلفريك لنكاوي

في كوالالمبور عشت اجمل ايام حياتي متعه التسوق حتى بدون ان اشتري شي
مجرد تواجدي في الاسواق كان له متعه
ثقافات متعدده تراها امامك وانصحك تزور منطقتين جنب لنكاوي
الاولى هي جينتينغ ومن خلالها بتشوف كيف يتكون المطر وتمطر السحاب وانت في وسطها سبحان الخالق شي رهيب وبنفس الوقت فنادقها حلوه والجو شي يصعب وصفه براد لطيف جداا جدا يخليك مسترخي على طول
ومنطقه ثانيه اسمها صن واي لوغون فيها منتجع مائي رائع ولو تسكن فيها اول ماتوصل لماليزيا بيكون ممتاز


عادة الخطط تكون

الرياض ماليزيا
مباشرة من مطار كوالا الى صن واي لوغون ليلتين بالكثير
بعدها تنطلق الى لنكاوي انصح بثلاث ايام او اذا تحب الصخب خلها يومين
بعدها اذا ودك تروح بيننغ وتحب الالعاب المائية والاشياء هذي توجه لها
والمحطه الاخيره كوالا لمبور تريح فيها وتتمشى وخلال جلستك بكوالا رح الى جنيتنغ


لايفوتك مطعم هندي في كوالالمبور جنب السفاره الاندنوسيه مشهور بتدعيلي
اطلب سمبوسه حقتهم وخبز نان وبرياني ودجاج تندوري ودجاج بالزبده كايدام

مطعم فرايديز اسعار رائعه وطعم يخليك تكره مطاعم الرياض
السوق الصيني مع اني ماحبيته كثير عشان الزحمه والريحه ههه تخيلت ياكلون حشرات فهجيت
لكنه سوق مرح ويوسع الصدر

وبالتوفيق وادعيلي