حصلت فكس ار 2002 ونويت اشتريه بس لي عليه ملاحظات ، شرفوني بخبراتكم

[sgl2002]

ياشباب حصلت لي فكس ار من طرف واحد اعرفه 2002 قير عايدي بدون دفلك والموتر سقته ماشاء الله نظيف لكن عندي ملاحظات عليه

1- اذا عشقت ريوس وفكيت رجلي من الكلتش تطلع طقه تحتي قوية وكذلك اذا عطيته الاول
2- المكيف شوي يبرد وشوي يحتر ويقول فريون ناقص هل الكلام صحيح
3- القير بالنمرة تحس ماهو مليان يعني احس فيه فضاوة واذا شديته بالثاني وعطيه الثالث بسرعه تحس بصوت قرة او حكة مادري هل هي من القير او بسبب اني عشقت قبل لا اكمل دعسة الكلتش

وش رايكم ياهل الخبرة في هذي الشغلات مع العلم انه ماشي 180 الف×

[دبا الحصن]

السلام عليكم
اخوي بلنسبه لصوت الطقه هاذي انا اشوفها موجوده في جميع الفكسارات سواء تماتيك اوعادي
بلنسبه للمكيف يمكن فريون ويمكن ثلاجه فيها تنسيم يعني فك طبلون
هاذا اللي اعرفه اخوي والباقي ما عندي خبره فيه لاني ماعمري اقتنيت كروزر عادي
موفق انشالله

[sgl2002]

جزاك الله خير
وننتظر راي المجربين القير العايدي لانه هو الاهم

[ابوحميد122]

السلام عليكم
محاكيك سيارته في اكس أر ٩٩
استفسارك الاول الطقه في الريوس ليس في كل السيارات أنا ولله الحمد له الجيب اكثر من ست سنوات ولا حصل معه الطقه في الريوس
استفسارك الثاني مثل ما قال خوينا دبا الحصن
استفسارك الثالث الطقه مير الله يسلمك تاكد اثناء التعشيق من النمره ٢ الى النمره ٣ انك داعس الكلتش لآخر شي
اذا حاولت اكثر من مره ممكن خلل بنفس القير نحاس او ووووو
ونحن في خدمتك

[sgl2002]

مشكور ياخوي لكن هل تتوقع انها صليب العمود

بعدين الفضاوة اللي في النمرة هل هي بالسيارات القديمة طبيعية

[ابوحميد122]

ممكن توضح اكثر ما المقصود بالفضاوه بالنمره هل تقصد ارتجاج عصا القير
اذا توجد رجه خفيفه او رزه فيلزم تغيير الصليبات فور شراءه
ودمت

[sgl2002]

انا اقصد انه اذا كان بنمرة وحركت عصا القير بيدك تحس بفضاوة ماهي ثابته

[مجنون عسل]

1- اذا عشقت ريوس وفكيت رجلي من الكلتش تطلع طقه تحتي قوية وكذلك اذا عطيته الاول؟
ج/ عزيزي عشق القير بنعومه وان شاءالله ما تسمع ها الصوت ابد
2- المكيف شوي يبرد وشوي يحتر ويقول فريون ناقص هل الكلام صحيح ؟
ج/ تاكد من عند اصحاب محلات التكييف
3- القير بالنمرة تحس ماهو مليان يعني احس فيه فضاوة واذا شديته بالثاني وعطيه الثالث بسرعه تحس بصوت قرة او حكة مادري هل هي من القير او بسبب اني عشقت قبل لا اكمل دعسة الكلتش؟
ج/ الفضاوة هذي اللي في القير تاكد منها يمكن نقص زيت وافحص السيارة من تحت شو صوف القير والمكينه او الربلة حقت عصى القير والعلم عند الله
لا تشيل هم ترى كل اللي ذكرته شي استهلاكي ان كتب الله الشراء له فسأل الله ان يبارك لك فيه

وش رايكم ياهل الخبرة في هذي الشغلات مع العلم انه ماشي 180 الف×
اهم شي تاكد من البدي والمحركات والشاصي وشيك ان كان له تشيكات في الوكالة

تقبل مني فائق احترامي وتقديري

[أبوصملة]

نصيحتي لك إفحصه عند البريدي أو كارتك ..

وتدفع وتاخذ الموتر وإنت مرتاح ومطمئن .. ولا تاخذه ويدك على قلبك ..

وعلى البركه مقدماً ..

[ساهر اليل2010]

نصيحتي لك إفحصه عند البريدي أو كارتك ..

وتدفع وتاخذ الموتر وإنت مرتاح ومطمئن .. ولا تاخذه ويدك على قلبك ..

وعلى البركه مقدماً ..


مثل ماقال اخوي أبو صمله إفحصه ومنت خسران شي
إخسر 250 ريال ولاتخسر مبلغ وقدره
بالتوفيق

[sgl2002]

^^^
انا ناوي افحصه عند البريدي
لكن فحصهم مايبرد الكبد وخصوصا اللي يطلع يجرب الموتر ما يدري ببعض الشغلات واذا قلت له شيك على شي يزعل يقول تعلم لي بشغلي