وش رايكم في بيكال 28 انش

[السبيعي.503]

السلام عليكم ورحمة الله وبركاتة




يا شباب بغيت استفسر منكم اللي جرب البيكال 28 اش رميها يفرق واجد عن 30 انش

حصلتها عند رجال شاريها ايام الرخص ويبي فيها 5 الاف وخمسمية تستاهل ؟

والبندق محافظ عليها رامي فيها حول الصندوق بس

[ابو فزاع.]

وعليكم السلام ورحمة الله وبركاته


يا غالي

انا استخدم البيكال في اكثر الخرجات

كلمة حق وتنقال انها سلاح لا يعلى عليه سواً في الرمي او في التحمل ممكن البعض يذمها وووو الخ

لاكن نصيحة من اخ لاخية

اذا البندق نضيفة و بسعر الي تقولة خذها و انت مغمض وزيد عليها تشك 690 للصيد القريب ومتوسط الحجم
و تشك 660 هذا طال عمرك للبعيد و العنيد :)


واذا انت قريب من المنطقة الغربية حياك الله تعال وجرب البندق عندي وصدقني ما راح تندم السبب

الان سعرها اغلى من كذا يعني لو نفرض انها ما ناسبتك < نفرض

اقل اقل شي بتبيعها 7000 او 7500

هذا والله العلم

واذا ما تبيها انا اشتريها منك < داخل على طمع خخخخخخخخخخخخخ :) امزح




بالتوفيق

[أبو تركي ..]

إذا ما تبيها انا اخذها :) ٥٥٠٠ خذها منت بخسران البندق سعرها اغلى من كذا بشرط انها تكون ام خمس اما بيكال كسر سعرها اقل من سعرك

[السبيعي.503]

والله عيب اشريها من الرجال همن يشوفني بعتها
الرجال من الجماعة

لكن اللي خوفني منها الماصورة 28 وخوفتي ما تسوق

[قناص خلاوي]

الفعل للتشوكات ماهي للمواصير
هذاك اول قبل التشوكات يوم الناس تدور الماصورة الطويلة
ولو إن الفعل لطول الماصورة شركة بانلي بكبرها ماهي عاجزة تخلي ماصورة
السوبر بلاك ايقل احسن اصداراتها 28 انش
ماهي عاجزة تخليها 30 ، 32 ، 36 إنش أبد
الفعل للتشوك والمشكلة القناعات اللي اكتسبناها وعششت بروسنا
وعلى العموم البيكال سعرها فيها وتكسبك
واذا مالك شف فيها انا زبونها :)
موفق خير

[عاشق المقباص]

السلام عليكم اخوي اذا تسأل عن الفعل او تسأل عن القيمه اسأل مجرب ولاتسال طبيب اخوي القيمه رخيصه مره والفعل كايد انصحك لاتفوتك اولا قلت العطلات ثانيا قوت التحمل الضغوط لاتهمك 28 ركب 660 الامريكي ولاتشيل هم بالسوق البعيد وركب الوكاله للقريب انا معي 30 ولاشلت هم ارمي ضغوط وولد عمي معه 28 ركب 660 ومبسوط سوق وفعل ولاتفوتك نصيحه نصيحه لاتفوتك

[nejjer]

بس عيبها وزنها الثقيل اذا بغيت ترمي طيار تتعبك

[المستشار2000]

شوزن طيبه
وسعرها مناسب
ولا يوجد فرق يذكر بين 28 ــــ 30 انش . وخاصة مع التشكات .
وبالتوفيق .

[أبوصالح9]

لاااااااااااااااااااااااااااااااااا تفوتك رخيصة مرررررررررررررررررررره اهم شي انها نظيفة بس تأكد انه ماحرك وزنية الغاز والله العظيم انها رخيصة بقوووووووووووووووووووة والله يبارك لك فيها مقدما-لاتنسى تركب التشوك 690 وبتدعيلي

[قناص*07]

خذها ولا تشاور ولا تعلم احد ابد وان ما معك تسلف بس لا تضيعها( نصيحة محب)
اقيامها فوووووق وبندق تستاهل

الجديده بـ 11000 الف وحولها زياده 1000 ونقص 1000
و المستعمله 8500 وحولها

[ابومليح]

الله يبارك لك خذ ولاتفوتك

[شعيب الشوكي]

وانا اخوك لاتفوتك ................ ترى سعرها بالسوق الجديده فوق العشرة الاف .......

[السبيعي.503]

شوركم وهداية الله

[حمد النامي]

والله اذا ماتبيها انا اخذها بس نصيحه اتفوتك بندق طيبه واذا تبي تبيعها تجيب لك 10الاف

[sas110]

خذها وتوكل على الله .. ما فيه مجال تفكر
الله يطعمك من خيرها ويكفيك شرها

[قناص خلاوي]

ياخوان الـ 28 انش ماتجيب عشرة لو انها جديدة
حدها 8500 وللمغلوب المنحد 9000 اذا جديدة
اما المستعملة فهي اقل من كذا
بالتوفيق

[ابوسعد 2011]

لااخوي يمكن تجيبلك اذا شريتها وتبي تبيعها 30000 الف ان شاء الله بس اصبر كم شهر :D ؟؟؟؟؟ .

لاتقولون كثير ها المبلغ لان هذي طريقتنا في رفع اسعار السلاح بدون اي اسباب مثل كثرت الصيد والصيد شبة معدوم او كثرت الطلب والشريطية الله يعافيهم عندهم طرق كثيرة لرفع سعر السلاح :D بس في ناس الحمد الله اذكياء ماتنطلي عليهم ها الامور ولحد يزعل من ردي لان هذي وجهة نظر خاصة مني انا فقط :) .

[أبوصالح9]

شكلك مبطي عن السوق ياقناص السلاح طاير بالعلالي
لكن مانقول الا حسبنا الله ونعم الوكيل
واذا انت تتكلم عن شخص معين يبيع بالسعر اللي انت قلت فهذا فرد -- اما السوق فهو من 9500 وطالع