لغــــــز كتبته يالربع ويـــش حـــــله,,,,,,,,,الحل الزكاة .,,,,,,, حله ناصر العلي

[فهد الهلالي]

السلام عليكم ورحمة وبركاته
اليكم هذا اللغز
عربون محبه


لغــــــز ٍ كتبتــــــه يالربـــــع ويــــش حـــــله=لغـــــز ٍ جـــديــد ورمعتــــه فــي ثــــــواني

حتـــــى الكفيــــــف لـــــو تلـــــمس يــــــدله=مــــن عـــد ســــــبع ٍ يلحـــــقه بالثمــــاني

هـــــذا عـــــــــــددهن مابهــــــــــــن زود لله=هـــذا عـــددهن وفـــي كــــــلامي ضماني

بنــــــــــات عجــــــوز ســــــاكنات بضـــــله=يالله دخيــــــلك مـــــن بـــــــلاوي زمـــاني


اخيكم
فهد الهلالي

[فهد الهلالي]

امصع رقبته يابوعلي

[ابوماريا]

صح لسانك وسلم بنانك
مرووور اعجاب ومحبة وتقدير
ولي عودة إ ن شاء الله إذا مامصعة ابو علي

[ناصر العلي]

وعليكم السلام ورحمة الله وبركاته
سلمت يالغالي
وصح لسانك
ويالله حيّه
ويازينه من عربون
والله يجيب هالعجوز وبنياته

[فهد الهلالي]

صح لسانك وسلم بنانك

مرووور اعجاب ومحبة وتقدير

ولي عودة إ ن شاء الله إذا مامصعة ابو علي


صح بدنك يابو ماريا والله يمسيك بالخير
غديك انت تمصع اذنه لما تصير مكان الاذن تقول مضراب خرازه
وياهلا بك يالغلا

[فهد الهلالي]

وعليكم السلام ورحمة الله وبركاته




سلمت يالغالي
وصح لسانك
ويالله حيّه
ويازينه من عربون


والله يجيب هالعجوز وبنياته


ومن قال سالم وياهلا يابو علي
واذا انت تبي عجوز عند راعي العجراء عمته منيفه
تبينا نتدخل بالموضع ونخطبه لك
ابشر تراي حاضر
والنبهاني يملك ويعطيك بعد صك اعسار
مدري صك ملاك

[ناصر العلي]

ومن قال سالم وياهلا يابو علي

واذا انت تبي عجوز عند راعي العجراء عمته منيفه
تبينا نتدخل بالموضع ونخطبه لك
ابشر تراي حاضر
والنبهاني يملك ويعطيك بعد صك اعسار

مدري صك ملاك


لا والله تكفى ياأبومحمد
كلش إلا عمة راعي العجراء
أنا خابر النبهاني يبيه
تبون شاهد ماعندي مانع

[النبهاني]

ومن قال سالم وياهلا يابو علي

واذا انت تبي عجوز عند راعي العجراء عمته منيفه
تبينا نتدخل بالموضع ونخطبه لك
ابشر تراي حاضر
والنبهاني يملك ويعطيك بعد صك اعسار

مدري صك ملاك




صح لسانك يابو محمد
شنطه المملك والمه
وراعي العجرا ء يقول يسدن المصع مهر
يالله يابو علي امصع

[نجم000الشمال]

وعليكم السلام ورحمة الله وبركاته
ياهلا وغلا بحبيبنا الغالي ابو محمد
والله يمسيكم جميعا بالخير والمسرات
صح لسانك يا بو محمد وجاري التفكير في الغز الخطير والله يجيبه قبل لا يطير :D

[أبوعبدالرحمن99]

تسجيل حضور وإعجاب
صح لسانك

[ناصر العلي]

صح لسانك يابو محمد

شنطه المملك والمه
وراعي العجرا ء يقول يسدن المصع مهر

يالله يابو علي امصع


الله يفرج عنك ياأبوسالم دنيا وآخرة مثل مافرجت عني
كنت ناوي أمصع وهاللحين هونت
أنا لوأطمع إن عمة راعي العجراء مثلة بالسواليف وخفة الدم
كان يمكن أفكر
وبعدين وش يفكنا من الهيل

[ابو ماجد 2]

الحمدلله على السلامه يابو محمد
مشتاقين لهاحبكه
مشتاقين لقولة خفيف مايبي شي ولو انه يفحمنا
محاوله
محفظة الدماغ أو علبة الدماغ،
وهي تحتوي على ثمان عظيمات

[مساعد العبيان]

السلام عليكم

عضو جديد واول مشاركه

ان شاء الله جبت الحل

السماوات السبع والعرش

تحت ظل الله يوم لاظل الا ظله

الاعمى يعرف هذا كله

والله اعلم

[ناصر العلي]

محاولة يالغالي طرت على البال
ماتصير
أشراط وعلامات الساعة الكبرى
أو
عجائب الدنيا السبع وأضيف لهن ثامنة

[نجم000الشمال]

رمعة خطافية يا بو محمد
ما هي صواميل جنوط الجمس ؟

[النبهاني]

أعتذر يابو محمد
أحسبني ارسلت مشاركتي الاولى واللي فيه الترحيب واحمد ربي على سلامتك
لكن اكتشفت اني ما ارسلته والسبب منيفه لاني شفقن على اخيي راعي العجراء وآويله
ومره اخرى ارحب بيك في بيتك الثاني خيمه الالغاز والف حمد لله على سلامتك
ورمعتي
ساعات الدوام للقطاع الخاص
أكرر إعتذاري

[ابوذيبان]

صح الله السانك غالينا ’ ابومحمد

والحمدلله ع السلامة ومن طول الغيبات جاب الغنايم

عربون من الطراز الالماسي

جاري التفكير

دمت بخير

[فهد الهلالي]

لا والله تكفى ياأبومحمد

كلش إلا عمة راعي العجراء
أنا خابر النبهاني يبيه

تبون شاهد ماعندي مانع


هلابك يابو علي
الا نبيك عريس والا الشهود واجد
لو تفتش حصاة لقيت تحته خمسة شهود فاضين ماعندهم شغل

[فهد الهلالي]

صح لسانك يابو محمد

شنطه المملك والمه
وراعي العجرا ء يقول يسدن المصع مهر

يالله يابو علي امصع


صح السانك يابو سالم عساك سالم
وابو علي لابغى يمصع الرقبه يمصعه من عند الاباط متوصي
يقول الزود ولا النقص

[فهد الهلالي]

وعليكم السلام ورحمة الله وبركاته
ياهلا وغلا بحبيبنا الغالي ابو محمد
والله يمسيكم جميعا بالخير والمسرات
صح لسانك يا بو محمد وجاري التفكير في الغز الخطير والله يجيبه قبل لا يطير :D

هلا وغلا من الصمان للدهناء
هلا بالعم ابو اسامه يالله حيوه
وصح بدنك يالغلا مليون
وانتظر مصعة رقبة اللغز بسلك سبحه
تحياتي

[فهد الهلالي]

تسجيل حضور وإعجاب
صح لسانك

تسجيل محبه واعجاب بشخصك الكريم
وصح بدنك

[فهد الهلالي]

الله يفرج عنك ياأبوسالم دنيا وآخرة مثل مافرجت عني

كنت ناوي أمصع وهاللحين هونت
أنا لوأطمع إن عمة راعي العجراء مثلة بالسواليف وخفة الدم
كان يمكن أفكر

وبعدين وش يفكنا من الهيل


يابو علي عطناها على بلاطه خل الطمع بعدين
قل ابيها ولاتكثر الاعذار
وخلنا ندخل ابو ماجد بالموضع يمكن مايردونك لاشافوا الزعيم متوسط بالموضوع
واذا كان الهيل ماخذها ابو ماجد يمون على الهيل يخليه يطلقه
ويرجع الهيل على ملاحق البساس بالشرع وفوق جدران الجيران
مثل ماكان يسوي بالسابق

[ابو ماجد 2]

يابو علي عطناها على بلاطه خل الطمع بعدين

قل ابيها ولاتكثر الاعذار
وخلنا ندخل ابو ماجد بالموضع يمكن مايردونك لاشافوا الزعيم متوسط بالموضوع
واذا كان الهيل ماخذها ابو ماجد يمون على الهيل يخليه يطلقه
ويرجع الهيل على ملاحق البساس بالشرع وفوق جدران الجيران

مثل ماكان يسوي بالسابق


هلا بك يابو محمد
ابد الهيل عندي امون عليه كان خاطر الدكتور فيها
وتراه مثل راع العجراء الشبه مابينهم مثل اصل الصوره والنقاتف
عشان ماتوهق وتقول على الاقل لون راع العجرا يكفيني

[فهد الهلالي]

الحمدلله على السلامه يابو محمد

مشتاقين لهاحبكه
مشتاقين لقولة خفيف مايبي شي ولو انه يفحمنا
محاوله
محفظة الدماغ أو علبة الدماغ،

وهي تحتوي على ثمان عظيمات


هلا بالعم ابوماجد
هلا بالزعيم المثالي
ويالله حيوه
وترانا نبيك تالي هالاسبوع على شان الموضوع اللي انت خابر موضوع ابوعلي
وزواجه
وبعدين يابو ماجد انا اول مره ادري ان للدماغ محفظه ولها ثمانية عظيمات
انت يوم قلت محفظه راح فكري لمحفظة الاسهم

هذا اللي انا اعرف
الرمعه مالك لوا لاعدمتك
تحياتي

[فهد الهلالي]

السلام عليكم

عضو جديد واول مشاركه

ان شاء الله جبت الحل

السماوات السبع والعرش

تحت ظل الله يوم لاظل الا ظله

الاعمى يعرف هذا كله

والله اعلم

ياهـــــــــــــــــــــــــــــلا ومليــــــــــــــــــــــــــون غــــــــــــــــــــــــــــــــــلا
بين اخوانك في هذه الخيمه وهذي الساعة المباركه
يااخينا الغالي مساعد
والرمعه ماصادت طال عمرك
تحياتي لك

[فهد الهلالي]

محاولة يالغالي طرت على البال

ماتصير
أشراط وعلامات الساعة الكبرى
أو

عجائب الدنيا السبع وأضيف لهن ثامنة


هلا بك يابو علي
والرمعتين ماصادت الحل
لاعدمتـــــــــــــــــك

[ناصر العلي]

والله النشبة
ياجماعة الخير
أنا أخبر أبوسالم النبهاني يبية
يقول إني تعلقت بمنيفة وحبيته:heart: من يوم دريت إنه ماتحب القرع مثلي
وبالصراحة مايجوز تدخل على خطبة أخيك المسلم:good2:

[فهد الهلالي]

رمعة خطافية يا بو محمد
ما هي صواميل جنوط الجمس ؟

هلابك ياعم ابو اسامه
ولا حتى صواميل جنوط القطار
لاعدمتك

[مساعد العبيان]

بيت الشعر

مسوبع

[فهد الهلالي]

أعتذر يابو محمد



أحسبني ارسلت مشاركتي الاولى واللي فيه الترحيب واحمد ربي على سلامتك
لكن اكتشفت اني ما ارسلته والسبب منيفه لاني شفقن على اخيي راعي العجراء وآويله
ومره اخرى ارحب بيك في بيتك الثاني خيمه الالغاز والف حمد لله على سلامتك
ورمعتي
ساعات الدوام للقطاع الخاص
أكرر إعتذاري


هلابك يابو سالم
لاتعتذر ولا شي اللي بالصدر خابرينه
وان بغيت تذبح قعود مايخالف حنا والربع جاهزين
وانت قول وفعل تقول وتطول
والرمعه مالك لوا
تحياتي

[فهد الهلالي]

صح الله السانك غالينا ’ ابومحمد

والحمدلله ع السلامة ومن طول الغيبات جاب الغنايم

عربون من الطراز الالماسي

جاري التفكير


دمت بخير
هلا وغلا يابو ذيبان
وصح بدنك والله يسلمك من عذاب النار
وابشر بعزك عزيز وغالي
من تلاميذك الله يطول في عمرك على الطاعه
نمشي على اثرك
تحياتي

[ال-رايق]

السلام عليكم ورحمة وبركاته
اليكم هذا اللغز
عربون محبه


لغــــــز ٍ كتبتــــــه يالربـــــع ويــــش حـــــله ,,, لغـــــز ٍ جـــديــد ورمعتــــه فــي ثــــــواني


حتـــــى الكفيــــــف لـــــو تلـــــمس يــــــدله ,,, مــــن عـــد ســــــبع ٍ يلحـــــقه بالثمــــاني


هـــــذا عـــــــــــددهن مابهــــــــــــن زود لله ,,, هـــذا عـــددهن وفـــي كــــــلامي ضماني


بنــــــــــات عجــــــوز ســــــاكنات بضـــــله ,,, يالله دخيــــــلك مـــــن بـــــــلاوي زمـــاني


اخيكم
فهد الهلالي


أهلا هلابك عد مبدا الأهلّـــــــه=من الجدي حتى سهيل اليماني
ومن طوّل الغيبات ثم جا محلّـه=يبشر بتقليط الصفر والصياني
الهم جنّي ... ربك اليوم شلّـــه=والسعد بقدومك مع الافق باني
واللغز يبغى ابريق في ساق دله=ماهيب لحية ميرندا وشانـــي

[فهد الهلالي]

هلا بك يابو محمد

ابد الهيل عندي امون عليه كان خاطر الدكتور فيها
وتراه مثل راع العجراء الشبه مابينهم مثل اصل الصوره والنقاتف
عشان ماتوهق وتقول على الاقل لون راع العجرا يكفيني


الهيل من اول وهو يدور الفكه من منيفه
والحين لو نقوله طلقها بيزمر علينا
يعنني احبه وهو ماعندك احد يبي البساس ومطاردهن

[فهد الهلالي]

والله النشبة

ياجماعة الخير
أنا أخبر أبوسالم النبهاني يبية
يقول إني تعلقت بمنيفة وحبيته:heart: من يوم دريت إنه ماتحب القرع مثلي

وبالصراحة مايجوز تدخل على خطبة أخيك المسلم:good2:


هلابك يابو علي
وانا اقول ليه النبهاني يتردد على سوق السمك وطايح بالاستكوزا
اجل مايبي يطب الا وهو متواسي عيني عليك بارده
يابو سالم
الله يخلف علي
انا سنيناني حاتات من دجاج فقيه وطقته اللي محقونات كيماوي حتى طلع مع مناخرهن

[badr2003]

السلام عليكم
حيا الله اخونا الهلالي
يابـو ثمـان ٍ بالمبيسـم مغاتيـر أغليك وانت اللي تسبب جروحـي

[ابو اسامه 2]

وعليكم السلام ورحمة الله وبركاته

صح لسانك يا شيخنا الفاضل

وبيض الله وجهك

كيفك حالك يا شمس الخيمه :s


رمعه


السبع المثاني

الفاتحه وآياتها


تحياتي لك

[ناصر العلي]

محالة أخرى يالغالي
من عد سبع ٍ يلحقه بالثماني
7+8=15
عدد مراتب سلم الوظائف المدنية

[النبهاني]

الله يمسيك بالخير يابو محمد
وش قولك بالثمان اللي تعوذ منهن الرسول صلى الله عليه وسلم
الهم , الحزن , العجز , الكسل , الجبن , البخل , غلبة الدين , قهر الرجال
والعجوز الدنيا الله يكفينا واياك شره ومن يقرا

[النبهاني]

والله النشبة

ياجماعة الخير
أنا أخبر أبوسالم النبهاني يبية
يقول إني تعلقت بمنيفة وحبيته:heart: من يوم دريت إنه ماتحب القرع مثلي

وبالصراحة مايجوز تدخل على خطبة أخيك المسلم:good2:





هلابك يابو علي

وانا اقول ليه النبهاني يتردد على سوق السمك وطايح بالاستكوزا
اجل مايبي يطب الا وهو متواسي عيني عليك بارده
يابو سالم
الله يخلف علي
انا سنيناني حاتات من دجاج فقيه وطقته اللي محقونات كيماوي حتى طلع مع مناخرهن


انتم وش تبون بمنيفه
أكيد هذي غيره من الهيل
يوم فاز بقلب منيفه
ويوم صار فارس وامتطى الخيل
يالله فسروا عن ذرعانكم ورونا جودكم

[ناصر العلي]

الله يمسيك بالخير يابو محمد

وش قولك بالثمان اللي تعوذ منهن الرسول صلى الله عليه وسلم
الهم , الحزن , العجز , الكسل , الجبن , البخل , غلبة الدين , قهر الرجال
والعجوز الدنيا الله يكفينا واياك شره ومن يقرا


أبوسالم
لله درك
رمعة فى الثمنيات
مبروك مقــــــــــــدماً منيفة

[النبهاني]

أبوسالم

لله درك
رمعة فى الثمنيات

مبروك مقــــــــــــدماً منيفة




يابو علي لاتهجهج عن الرمعه
منيفه ماهي يم احد
منيفه مع الهال
بس ارمع زين
ومازلت عند كلامي ورونا جودكم انت والشيخ

[عاشق الوعل 1]

السلم وامسي على الجميع بالخير واسعد الله اوقاتكم بكل خير ,
الله يحفظك ياشيخنا الهلالي والله اني من يوم قر ات اللغز وكلمت رمعته في ثواني ذكرني بالمثل اللي يقول يشره عليه الرجلي ويظهر عن الخيال , دام الجميع بالخير .

[فهد الهلالي]

السلام عليكم ورجمة الله وبركاته
اشكر الجميع على حضورهم ومشاركاتهم بهذا اللغز
واسف على هذا الرد الجماعي
كما اشكر اخي الرايق
على الرد بابيات على هذا اللغز وصح السانك ملاييين يالرايق وسوف تجد ارد في موضوع اخر
وبالنسبه للرمعات لم تصيب الهدف
يابعدكم عن الضلع الحمر
تحياتي للجميع

[تميمي.1]

صح لسانك يالذيب
عندي رمعه والظاهر اني موجه للضلع
وش رايك في قناة المميز
151515
ايام الكنود

[ال-رايق]

أبو محمد/السلام عليكم ورحمة الله وبركاته
مساك الله بالخير(حسب التوقيت الرسمي):D
وش رايك:

مينة الساعة:
((((((الارقام -12- مع العقارب3-=(15))))))

[ناصر العلي]

محاولة أخرى يالغالي
ويش قولك بمصارف الزكاة الثمانية
http://www.qurancomplex.org/b2.gif (http://islamrw3a.com/vb/showthread.php?t=5673) إِنَّمَا الصَّدَقَاتُ (http://islamrw3a.com/vb/showthread.php?t=5673)لِلْفُقَرَاءِ (http://islamrw3a.com/vb/showthread.php?t=5673)وَالْمَسَاكِينِ (http://islamrw3a.com/vb/showthread.php?t=5673)وَالْعَامِلِينَ (http://islamrw3a.com/vb/showthread.php?t=5673)عَلَيْهَا (http://islamrw3a.com/vb/showthread.php?t=5673)وَالْمُؤَلَّفَةِ قُلُوبُهُمْ وَفِي الرِّقَابِ وَالْغَارِمِينَ وَفِي سَبِيلِ اللَّهِ وَاِبْنِ السَّبِيلِ فَرِيضَةً مِنَ اللَّهِ وَاللَّهُ عَلِيمٌ حَكِيمٌ http://www.qurancomplex.org/b1.gif (http://islamrw3a.com/vb/showthread.php?t=5673)

[الغاااااطي]

طال عمرك هذي فئات الدراهم

[قمر بني تميم]

الله يوفقك صح لسانك
لغز مميز

[عليق بري]

العاصفة التي اهلكت قوم عاد ..

((وَأَمَّا عَادٌ فَأُهْلِكُوا بِرِيحٍ صَرْصَرٍ عَاتِيَةٍ (6) سَخَّرَهَا عَلَيْهِمْ سَبْعَ لَيَالٍ وَثَمَانِيَةَ أَيَّامٍ حُسُومًا ...))

[الفَكّ]

و عليكم السلام و رحمة الله و بركاته

صح لسانك أستاذنا فهد الهلالي

أول ما قريت الأبيات طرى ببالي أصناف الزكاة الثمانية لكن الدكتور أبو علي سبقنا بالرمعة
ما شاء الله بندقه زينة نادر ما تخطي الله يحفظكم جميعاً
لعلك ترد من أجل نرمع إن ما ذكاه...........
نهاية الدوام مشاركتي و السبت بإذن الله أستأنف نلقاكم على خير.

[الفَكّ]

و عليكم السلام و رحمة الله و بركاته
نظراً لعدم استطاعتي المشاركة إلا يوم السبت بإذن الله لعل الحل في قول الله تعالى:

ثَمَانِيَةَ أَزْوَاجٍ مِنَ الضَّأْنِ اثْنَيْنِ وَمِنَ الْمَعْزِ اثْنَيْنِ قُلْ آَلذَّكَرَيْنِ حَرَّمَ أَمِ الْأُنْثَيَيْنِ أَمَّا اشْتَمَلَتْ عَلَيْهِ أَرْحَامُ الْأُنْثَيَيْنِ نَبِّئُونِي بِعِلْمٍ إِنْ كُنْتُمْ صَادِقِينَ

نلقاكم على خير بإذن الله،،،

[فهد الهلالي]

صح لسانك يالذيب
عندي رمعه والظاهر اني موجه للضلع
وش رايك في قناة المميز
151515
ايام الكنود




أبو محمد/السلام عليكم ورحمة الله وبركاته

مساك الله بالخير(حسب التوقيت الرسمي):D
وش رايك:

مينة الساعة:

((((((الارقام -12- مع العقارب3-=(15))))))



طال عمرك هذي فئات الدراهم


الله يوفقك صح لسانك
لغز مميز


العاصفة التي اهلكت قوم عاد ..

((وَأَمَّا عَادٌ فَأُهْلِكُوا بِرِيحٍ صَرْصَرٍ عَاتِيَةٍ (6) سَخَّرَهَا عَلَيْهِمْ سَبْعَ لَيَالٍ وَثَمَانِيَةَ أَيَّامٍ حُسُومًا ...))


و عليكم السلام و رحمة الله و بركاته
نظراً لعدم استطاعتي المشاركة إلا يوم السبت بإذن الله لعل الحل في قول الله تعالى:

ثَمَانِيَةَ أَزْوَاجٍ مِنَ الضَّأْنِ اثْنَيْنِ وَمِنَ الْمَعْزِ اثْنَيْنِ قُلْ آَلذَّكَرَيْنِ حَرَّمَ أَمِ الْأُنْثَيَيْنِ أَمَّا اشْتَمَلَتْ عَلَيْهِ أَرْحَامُ الْأُنْثَيَيْنِ نَبِّئُونِي بِعِلْمٍ إِنْ كُنْتُمْ صَادِقِينَ

نلقاكم على خير بإذن الله،،،

السلام عليكم ورحمة الله وبركاته
اولا اتقدم لكم بأسفي على التاخير بالردود على هذا اللغز
وجميع الرمعات لم تصيب الهدف
شاكر مروركم وتقبلوا تحياتي

[فهد الهلالي]

محاولة أخرى يالغالي

ويش قولك بمصارف الزكاة الثمانية
http://www.qurancomplex.org/b2.gif (http://islamrw3a.com/vb/showthread.php?t=5673)إِنَّمَا الصَّدَقَاتُ (http://islamrw3a.com/vb/showthread.php?t=5673)لِلْفُقَرَاءِ (http://islamrw3a.com/vb/showthread.php?t=5673)وَالْمَسَاكِينِ (http://islamrw3a.com/vb/showthread.php?t=5673)وَالْعَامِلِينَ (http://islamrw3a.com/vb/showthread.php?t=5673)عَلَيْهَا (http://islamrw3a.com/vb/showthread.php?t=5673)وَالْمُؤَلَّفَةِ قُلُوبُهُمْ وَفِي الرِّقَابِ وَالْغَارِمِينَ وَفِي سَبِيلِ اللَّهِ وَاِبْنِ السَّبِيلِ فَرِيضَةً مِنَ اللَّهِ وَاللَّهُ عَلِيمٌ حَكِيمٌ http://www.qurancomplex.org/b1.gif (http://islamrw3a.com/vb/showthread.php?t=5673)



ابو علي الله يسعد اوقاتك بالمسرات
وماشاءالله تبارك الله
ذبحت دكتور متمكن
انا جبت اللغز ابيك تداويه والنتيجه ذبحته بمقلاع ضروس
كفو يابوعلي وصح السانك
نعم هي الزكاة وكيفيه صرفها كما ذكرت بالتفصيل
فصح السانك ملاييين وعوايدك
تحياتي

[فهد الهلالي]

و عليكم السلام و رحمة الله و بركاته



صح لسانك أستاذنا فهد الهلالي


أول ما قريت الأبيات طرى ببالي أصناف الزكاة الثمانية لكن الدكتور أبو علي سبقنا بالرمعة
ما شاء الله بندقه زينة نادر ما تخطي الله يحفظكم جميعاً
لعلك ترد من أجل نرمع إن ما ذكاه...........

نهاية الدوام مشاركتي و السبت بإذن الله أستأنف نلقاكم على خير.


هلابك يااخي الغالي الفك
وصح السانك رمعه بالصميم والحل عند ابو علي
وتاكيدك للرمعه في محلها
وكفو يالغلا والف من مثله
تحياتي

[ناصر العلي]

ابو علي الله يسعد اوقاتك بالمسرات

وماشاءالله تبارك الله
ذبحت دكتور متمكن
انا جبت اللغز ابيك تداويه والنتيجه ذبحته بمقلاع ضروس
كفو يابوعلي وصح السانك
نعم هي الزكاة وكيفيه صرفها كما ذكرت بالتفصيل
فصح السانك ملاييين وعوايدك

تحياتي


هلا بك ياعم
والله يسعدك بالدارين
ويلبسك ومن تحب لباس العافية
وكفوك الطيب ياراع الطيب
وصح كلك...لاعدمتك
دمت برضا من الرحمن