لأهل الخبره في صيد الجرابيع

[alizaiz]

السلام عليكم ورحمة الله وبركاته

عندي سلقه تقريباً عمره 7الى 8 شهور واذا هديته على جربوع تمسكه همن تطلقه وبعدين تمسكه مره ثانيه وعلى هالحال ( ما خذتها تسليه :D )
هل فيه طريقه اني اخليه تمسكه مره وحده وتجيبه , ووش هي طريقة التدريب على ذالك .

[ألششريف]

وعليكم السلام ورحمة الله وبركاته

اخوي هد معاه سلق ثاني متعلم وذا كرر نفس الحركه علي ما اظن جاته فجعه او اكل عضه من الجربوع وحاطها في باله وخايف بس جرب الطريقه الي قلت عليها بأذن الله يمسكه

اما اذا كررها احسسلك انك تصرفه ويعوضك الله بخير منه

بس نقول ان شاءالله يتعدا الخوف وتاكل من صيده

لك مودتي وتحياتي

[فرخ قطا]

اذا مسكته قله جيبيه لاتطلقينه وان شاء الله تطيعك
هههه امزح ننتظر اهل الخبره

[alizaiz]

يعطيك العافيه اخوي الشريف , سلقتي تمسك الجربوع مع ذيله بالعاده وتمشي فيه شوي همن تخليه على هالحال 3 او 4 مرات

[alizaiz]

فرخ القطا , والله الطريقه حلوه بجربه

[سهم الزود]

السلام عليكم ..
مساء الخير ذك الجربوع لها وخلها تذوق دمه بس اذا ذاقت الدم تبي تتجنن عليه

[المعترض511]

اسمع ونا اخوك

ذي فسقانه ماشاء الله عليها وتبي تطرد ماهوب خوف من الجربوع انا متأكد ميه في ميه لو تفكلها جربوع

فسقان في النهار يطلع قلبها صدق والله ماتفكه

لأن عند واحد من الشباب ذيخ ماشاء الله عليه والله انه يذبح الحصني ذبح خلاه تقريبن شهر فالشبك وجالي

جيزان يقنص والله انه اول ارنب يمسكها ويفكها على ذي الحاله ممكن مرتين لين اخذناها منه

وطردنابه الارنب الثانيه قويه قويه بالحيل والله ماخلاها تنسم علاطول ذبحها

ونا اشوف ذا الشي عادي مو عيب ذي تبي الطرد

والمعذره ونا خوك على الايطاله

بالتوفيق

[هاوي بندق]

اخوي اتوقع انك طالع بالسلقه وهي شبعااانه
جوعه قبل لاتطلع وشف

[فلاح11111]

نصيحه من واحد عمره ماربى سلوقي هده مع كلاب زيه وهو يتعلم ...

[ابن الرفاع]

فلاااااح 1111
انتبه على نفسك

[اذكرك]

اسمع ونا اخوك

ذي فسقانه ماشاء الله عليها وتبي تطرد ماهوب خوف من الجربوع انا متأكد ميه في ميه لو تفكلها جربوع

فسقان في النهار يطلع قلبها صدق والله ماتفكه

عطآك العلم آخوي المعترض ولا قصور بالبقيه ..

وفيه بعض السلق من الفسقه تذبحه وترفعه فوق وتلحقه ..

وآنآ بنظرتي مآتسوي الحركه هذي الا السلقه المستصحه والي تبطي مآتطلع ..


والله يقنيك بركتهآ ..

[فلاح11111]

ابن الرفاع
صباح الخير وش انتبة على نفسك . وش تقصد ترا ماقلت كلام يزعل .

[سحابة الخرج]

كلام المعترض صحيح

[ابن زاييد]

فلاح11111
هذا ابن رافع 2 مره يقول انتبه على نفسك واضاهر انه بزر وخله على قد عقله

[القناص بوشادي]

السلام عليكم ممكن يجربها علي الارنب حق جيزان يطلع نفسها img]http://www.mekshat.com/pix/upload05/images243/mk244902_378561_309222975766664_1549868181_n.jpg[/img]

[مخاوي الليل 0]

مساكم الله با الخير عندي سلقه تطرد الجربوع لين تطلع روحه ثم تمسكه وبعدين تاكله ولا تركب السياره الا بعد 10 دقايق وش الحل الله يعطيكم العافيه

[ابو فهد ش]

كلام المعترض صحيح

[فهد هويدي]

اخوي يمكن السلقه متروعه نفس سلقتي كنت اهدلها عقاب رامينه وفتن عليها العقاب وجفلت

[ثمان طعش]

مساكم الله با الخير عندي سلقه تطرد الجربوع لين تطلع روحه ثم تمسكه وبعدين تاكله ولا تركب السياره الا بعد 10 دقايق وش الحل الله يعطيكم العافيه

اخوي راعي الموضوع سلقتك ماشاء الله صنيانه تبي الطرد ولا فيها اي مشكله وبلعكس لياقه افضل ومثل ماقال اخوي المعترض 511


وانت ياخوي مخاوي الليل اذا جيت تجربع اخذ معك (ملح) واذا شفتها اكلت الجربوع حط في فمها ملح وبعدين ترجع( الله يكرمكم ) وتطلع الجربوع وماعاد تاكله ابد وبخصوص الركوب عندي سلوقي نفس الطريقه اذا جيت اهده على الجربوع اعطيه محطتين واهاوشه وافكه واذا مسك الجربوع ورجع اصيح واقوله اركب بصوت مرتفع وعلى طول يركب ومن عقبها يطرح الجربوع ويحطه في الصندوق :D :good2:

[ahmed dirar]

اخي السلام عليك السلقه في عمر التمرين وادا عندك اصحاب عندهم سلق متعلمه اخرج معهم وهي تشوف السلقان وتتعلم عليهم مافي مشكله ابدا بعدها جره ولا تستعجل الامور بتظبط بادن الله