سُرِقت سيارتي !!!

[العباس 1]

بسم الله الرحمن الرحيم
السلام عليكم ورحمة الله وبركاته ،،، وبعد

ففي يوم الأثنين 12/4/1433هـ يعني أمس بعد صلاة الفجر وبالتحديد بين الساعة 5,30 والساعة 8,30 صباحا في مدينة الرياض في حي قرطبة مخرج 8
انسرقت سيارتي من أمام المنزل .
والمواصفات كالتالي:
النوع : تويوتا كامري
الموديل: 2001
اللون : أخضر فاتح (تفاحي)
اللوحة : س م و 370

حسبنا الله ونعم الوكيل

من يعثر على السيارة يتصل على
ج/ 0509581968

[عساس الحره]

حسبنا الله ونعم الوكيل
الله يعقلها
للك

[ابوحمد766]

حسبنا الله ونعم الوكيل
وعليك بالدعاء هذا (( اللهم أجرني في مصيبتي وخلفني خيراً منها ))
وأكثر من الأستغفار
لأني قبلك سرقة سيارتي بالرياض والحمدلله لقيتها سليمة

[العباس 1]

كم جلست فترة ولقيتها ؟

[ابوحمد766]

3 أيام الحمدلله ولقوها البحث الجنائي
لان الي سارقها شايل اللوحات والصدام الخلفي
وشكل السيارة يدل على انها مسروقه

لكن توكل على الله وأكثر من الأستغفار والدعاء

[العباس 1]

الحمد لله على كل حال !

[الولد الطيب]

ناس ما تخاف الله
سبق سرقة سيارتي قبل اربع سنوات
ورجعت لي بعد اسبوع مكسرة

والله يا جماعة الخير ادعي عليه من ساعتها إلى هذي الساعة اخذ عمرة واتقبل الكعبة وادعي عليه

الله لا يوفقه ولا يبيحه ولا يحلل
أن كان سرقها في وقت ضروف ما يعلم بها إلا الله

ابي كل من يمر على هذه المشاركة من الحرامية يعلم ان كان فلت من العقوبه مراح يفلت من دعاء المسلمين عليه.

[العباس 1]

أبشركم لقيتها بالنظيم ، لكن فيها بعض الكسور من آثار التفحيط والعياذ بالله حتى الشاصيه لم يسلم نسأل الله أن يهدي من سرقها ويكفي المسلمين شره ولكن كما قيل :(العوض ولا القطيعة) .

{{ أللهم إن تاب سارق سيارتي من هذا العمل فإني محلله جميع مافعل بسيارتي }}

[ياربي عفوك]

الحمدلله ..

الله يهدي السارقين

[ددسن-2001]

الحمدلله انها رجعت لك
وجزاك الله خير لو غيرك ما دعاء له الا العكس دعاء عليه الله يوفقك ويعوضك 2012 ان شاء الله

[إبن فريج]

مبروك رجوعها لك

الله يعوضك خير

[أبوباسم455]

الحمدلله إنها رجعت لك والعوض ولا القطيعه على ماقلت !!!
http://dc03.arabsh.com/i/00113/5cvbd8pn7ipm.gif (http://arabsh.com)
http://dc03.arabsh.com/i/00099/fz6vdqqe8do9.gif (http://arabsh.com)

[صيد الرس]

الحمد.لله.الله.يبشرك.بالخير

[الولد الطيب]

أبشركم لقيتها بالنظيم ، لكن فيها بعض الكسور من آثار التفحيط والعياذ بالله حتى الشاصيه لم يسلم نسأل الله أن يهدي من سرقها ويكفي المسلمين شره ولكن كما قيل :(العوض ولا القطيعة) .

{{ أللهم إن تاب سارق سيارتي من هذا العمل فإني محلله جميع مافعل بسيارتي }}




الحمدلله انها رجعت لك
وجزاك الله خير لو غيرك ما دعاء له الا العكس دعاء عليه الله يوفقك ويعوضك 2012 ان شاء الله



مو هذي المشكلة
النظام لا يردع السارقين ولا يكلف نفسه بالقبض حتى عليهم!
اجل يا جماعة اتطلب عسكري البصمات طلبة ببصم سيارتي!!
ويقول وين ابصم!!
قلت اعلمك شغلك انا!!

يقول السيارة وسخه ماقدر اخذ البصمات
ولا بصمها
والله ياجماعة بعدها بيوم جنا غبار والسيارة بالورشه
وطلعت البصمات على الشنطه!!

والاخوان يقولون الله يبيحهم ويحللهم
والثاني يقول لو غيرك دعاء عليه..

إلا بدعي عليه
إذا امن مكر النظام
فلا يأمن مكر الله

وكل من تعرض لمسلم بأذية
صدقوني راح يردها الله له بيوم من الايام
ولا تستغربون كثرة المشاكل الي تصير معكم فهي دين يرده الله لك وانت ناسية.
مامن اذية تتعرض بها لشخص صدقوني راح نشوفها وشي طيب انا نحاسب عليها بالدنياء قبل ان نحاسب عليها بالاخره.

بالرغم ولله الحمد ما قد دخلت مركز شرطة مشكي ولا قدر تعرضت لاحد بأدنى اذية ولو هي كلمه.

لكن ما اقول إلا حسبي الله ونعم الوكيل.

[وجعين]

والله ان قلبك ابيض مشأالله عليك الله لا يحلل جميع حرامي الله يقطع بذرهم عساه تقطع يديهم انا نفس الحكايه لقيته من بكرى مفحط عليه ماعرفته من الصدمات حتى الديكور مكسرينه يبون المسجل والكفرت متقطعه والاذرعه والمقصات والمكينه بع شهرين خبطت الله لا يوفقهم

[راعي الطافحة]

الحمد لله الى رجعت

[وجعين]

راع الطافحه ياحبيل قلبك ياخوي احس انك متلعوز من الحراميه الله لايوفقهم مسروقن لك سياره انت