المساعد الشخصي الرقمي

مشاهدة النسخة كاملة : قالوا لي اعقل واترك فجوج الاقفار 0000000 ما لك ومال الغربله والمشاوير


يوسف الخليفة1
06/03/2012, 08:41 PM
بسم الله الرحمن الرحيم

السلام عليكم ورحمة الله وبركاته


قالوا لي اعقل واترك فجوج الاقفار=ما لك ومال الغربله والمشاوير
وش تلقا بالكشته سوا البرد واغبار=والصيد قل ولا لقوه المداوير
والقيظ بالطلحه يجيك الهوا حار=فوحة سمومه كالشراره من الكير
ما فيه ميزه تسوا لو ربع دينار=غير الغثا مثل احتدام الطوابير
قلت اسمعوني واتركوا هرج هذار=اللي خثع فيكم مثل عثرة العير
هقيتوا اللذه بالاكناب والدار=وامقابل التكييف عند الغنادير
اللذه بصدر الفتا ضمن الاسرار=تروق للخاطر على غير تعكير
يلقا بها مثل الرحايق بالازهار=يفوح وجدانه بريح المعاطير
والبر عندي له وناسه وتذكار=احس باحجاره مثل ناعم الطير
لحافي الفروه وعفشي حدر غار=وافراشي بطحا والوساده عثامير
مرتاح فيها ما درج حولي ديار=ما عندي الا بالطلاح العصافير
اسامر نجوم الدجا مشعل النار=والذيب يقنب في طوال العناقير
والدلة الصفرا بها البن وابهار=والشاهي بالمله مواسا بتخدير
هذا هو الموجز عن هروج الاخبار=واللي بغا الاثبات نعطيه تبرير
يسج باسبوته مع البر مشوار=يشاهد بنفسه عن شروح تقرير

يوسف الخليفة ( أبو عبد الله )
ابوصطيف
06/03/2012, 08:51 PM
هقيتوا اللذه بالاكناب والدارhttp://www.mekshat.com/vb/clear.gif http://www.mekshat.com/vb/clear.gifوامقابل التكييف عند الغنادير اللذه بصدر الفتا ضمن الاسرارhttp://www.mekshat.com/vb/clear.gif http://www.mekshat.com/vb/clear.gifتروق للخاطر على غير تعكير
صح لسانك يابوعبد الله
عناز الحره
06/03/2012, 09:00 PM
حى الله ابو عبدالله وين هالغيبه يارجال والله انااا فقدنااااك يالغالى
كالعاده قصيده يابو عبدالله جزله صح لسانك يابن الكرام
مرتاح فيها ما درج حولي ديارhttp://www.mekshat.com/vb/clear.gifhttp://www.mekshat.com/vb/clear.gif
ما عندي الا بالطلاح العصافير
اسامر نجوم الدجا مشعل النار
http://www.mekshat.com/vb/clear.gifhttp://www.mekshat.com/vb/clear.gifوالذيب يقنب في طوال العناقير
محطم عنيد
06/03/2012, 09:20 PM
الله الله يابوعبدالله

ك عادتك إستاذي مالك إلا الجزلة

وجازلي هالبيت كثير كثير

هقيتوا اللذه بالاكناب والدار
وامقابل التكييف عند الغنادير
اللذه بصدر الفتا ضمن الاسرار
تروق للخاطر على غير تعكير


تقبل فائق محبتي وإعجابي وتقديري
مكرم الضيف
06/03/2012, 10:25 PM
ماشاء الله عليك وصح لسانك مليون يابوعبدالله

قصيده جزله وقوية معاني

تقبل تحيتي
إلقناصه
06/03/2012, 10:49 PM
اسامر نجوم الدجا مشعل النارhttp://www.mekshat.com/vb/clear.gifhttp://www.mekshat.com/vb/clear.gifوالذيب يقنب في طوال العناقير


تصوير رااائع
لله درك من شاعر
صح لسانك ونبضك دوم
تقديري
م.م.مذهب
07/03/2012, 12:15 AM
صح لسانك جزله من جزل ابو عبدالله كل ما هدينا الوظع هيظنا من جديد
ذراع الذيب
08/03/2012, 01:09 PM
السلام عليكم ورحمة الله وبركاته,,
مسيت بالخير يابوعبدالله,,

صح لسانك على هالقصيده وعزالله ماقصرت فيهم ههههه,,
وتحياتي لك,,
دغيم1
08/03/2012, 03:36 PM
وعليكم السلام ورحمة الله وبركاته
يعطيك العافية أخي الغالي
ابا عبد الله
صح لسانك وسلمت يمينك
أبيات رائعة كروعة إطلالتك
حروف تصور حال المولع بالصحراء
فقد وجدت فيها محاكاة لنفسي
شاكرا لك ومقدر
حفظ الله أحبابك وأدام لكم والدتكم ورزقكم برها
اللهم آمين
ضابط الايقاع
08/03/2012, 09:22 PM
صح لسانك...وبارك الله فيك
أبرق الحيراء
08/03/2012, 09:30 PM
هقيتوا اللذه بالاكناب والدارhttp://mekshat.com/vb/clear.gifhttp://mekshat.com/vb/clear.gifوامقابل التكييف عند الغنادير صح لللسانك لو ذولا فية ما فية الا نعيق الغرباان ونبااح الكلاب ونقاط التفاتيش

وغباار وعجة وريح تخليك تمنى انك مارحت ولا جيت وتحمد الله علي الصجة والكنبة ومطارح المخدة لو كلها حلووم وكوابيييس
سفير القدس
09/03/2012, 01:25 AM
قصيدة رأئعة رجعت لها مرتين الثالثة حفظت منها

سلاسة في الحرف وقوة في المعني

تحية طيبة شاعرنا ابو عبدالله
منظر
09/03/2012, 01:27 AM
امواجك اللي للسواحل خذتني
هاجت بلا رحمه ولا تعرف الهون
من يوم لا قتني لبحرك دعتني
ادعتني المسكين غارق ومفتون
قاومتها لا كن طغت وغرقتني
خلت وكيد الجرح بالشوف مطعون
قاومتها لاكن طغت وغرقتني
خلت وكيد الجرح بالشوف مطعون
اهواك وهموماً بحالي طوتني
رغم العذاب ورغم ماصار مصيون
كان الليالي منك جادة عطتني
اللي بقلبك لي من الود مكنون
فانا سيعد الحظ يوم اسعدتني
دنياي مع خلي ولا عنه يدرون
منظر
09/03/2012, 01:29 AM
القصيده فيها لخبطه
اعذروني
سفير القدس
09/03/2012, 01:47 AM
امواجك اللي للسواحل خذتني
هاجت بلا رحمه ولا تعرف الهون
من يوم لا قتني لبحرك دعتني
ادعتني المسكين غارق ومفتون
قاومتها لا كن طغت وغرقتني
خلت وكيد الجرح بالشوف مطعون
قاومتها لاكن طغت وغرقتني
خلت وكيد الجرح بالشوف مطعون
اهواك وهموماً بحالي طوتني
رغم العذاب ورغم ماصار مصيون
كان الليالي منك جادة عطتني
اللي بقلبك لي من الود مكنون
فانا سيعد الحظ يوم اسعدتني
دنياي مع خلي ولا عنه يدرون

ليل العلشقين مع لخبطة في المشاعر

دمعة صادقة لرب العباد خير من الف دمعة لجل الحبيب
جعلها الله غيمة سلام تمطرعلى قلوب المحبين
صقار أبوظبي
09/03/2012, 07:26 AM
السلام عليكم ورحمة الله وبركاته
يعطيك الف عافية اخي الغالي
ابوعبدالله صح السانك
تحياتي لك
أبو مشعل
15/03/2012, 10:55 AM
وعليكم السلام ورحمة الله وبركاته


صح الله لسانك


ما شاء الله ما شاء الله ما شاء الله


مبدع الله لا يظرك وصف جميل لعشاق البر و الصيد


تسلم يا الغالي , الله يرحم والديك ويجزيهم الجنه ونت معهم و من يعز عليك


تقبل مروري يا الغالي


أخيك في الله


ابو مشعل