أستفسار عن وانيت نيسان الصيني ( وارد الرستماني ) ضروووري

[الطرشي]

السلام عليكم ورحمه الله وبركاته
لقيت اليوم مع احد الزملاء ددسن 2012 من شركة نيسان بس مصنعهم في الصين وكيله ( عبدالواحد الرستماني ) سعره مغري جدا 43000 الف غمارتين مكيف يقول صاحبي ( الماكينة والقير ) من مصنع نيسان الياباني وباقي القطع من مصنع الصين وبالنسبة لقطع الغيار تركب عليه جميع قطع الددسن العادي , سالته عن الاستخدام يقول 4 شهور كويس وما لاحظ اي عيب حتى العزم يقول فزته مثل الددسن بالظبط وانا بصراحه متخوف وفي نفس الوقت السعر مغري وعلى قد فلوووس الرجال اللي يبي يشتريه , سكبة السيارة نيسان العادي بس تلاحظ الفرق مع الصندوق الجوانب وخويي اللي يبي يشتري مايهمه المنظر بيستخدم استخدام حشمه , وناوي بكرة اروح لوكالة الرستماني ونشوفه مرة ثانية بس ودي احد يفيدنا بخبرة او تجربة الله يجزاه خير , علما بأن الرستماني مورد هالنوع من الوانيت في ابوظبي من عام 2009 وحاولت البحث عن رأي الاخوة في الامارات بس للأسف مايعرفونه مخلينه للعماله والشركات , مايرد في رؤؤسهم الا الجيووووب والكازس :D
رجاء لاحد يخلي صاحبي تراه محتار ومستفزع بي وقلت مالي الا الله واهل مكشات

[مجنون الفتك]

طيب ما فيها صوره للموتر ودنا نشوفها والصراحه سعره زين اذا المكينه والقير ياباني
تحياتي

[صقر الجوارح]

والل اخي يالليت فيه صورة وهل فيه غماره ولا

[الطرشي]

اللي طالبين صورته على هذا الرابط
http://mekshat.com/vb/showthread.php?t=489162
وعذرا عاللخبطة

[أبو عاصم النجدي]

يا ليت وصف الوكالة ودي أزورها وإذا رقمهم بعد زين