صيد الحباري با السلاح

[بارود قطر]

سلام عليكم جميع...
يا أخواني في سؤال يدور في فكري..وهو ليش في بعض من الناس يصيد الحباري باالسلاح..؟
هل فيها متعه.؟..ولا هي شطاره...؟ ولا عليه قصور و ذا الدجاجه الي بيمد عليها سلاحه بتشبعه..؟
للأسف ان في ناس كثير يقنص لها بسلاحه..و يفنيها بس علشان يقول انا صدت حبارا..
يا خي الشغله مب كذا..ولاهيب من صاد أو من ما صاد..
لأن كل من هب ودب يقدر يصيد حتا (الفيل) بسلاح مب بس الحباري..
القصد في صيد الحباري هي المتعه...؟ والي تكون في تربية الصقور..و ترويضها..والعنايه بها
و تأهيلها بالصقاره الزينه..والدعو...هذي الشغلات كلها متعه للصقار..بعضهم تلقاه ناقل طيره يربب
وسهران ناقل الطير..والعصر رايح يدعي..يعني تلقاه مجتهد مع الطير علشان يأهله لصيد الحباري
هنا تكمن المتعه والأناسه..في صيد الحباري..لأن بعد هذا المجهود و التعب..اللي انبذل من الصقار
تلقاه يفرح إذا صاد حباره لأنه قدر يطوع هذا الطير أو الصقر..ويعلمه و يشوف نتيجت تدريبه للصقر
وأن تعبه ما راح خساره..هذي هي المتعه ..انك كيف تقدر تصيد الحباري بالصقر..وأنا من وجهت نظري
لو كان المقناص للحباري بسلاح و بس..ما كان قنصت..ولا حتى التفت للحباري...
و أتمنا يا أخوان اني أعرف وجهت نظركم با لنسبه لصيد الحباري بسلاح..و أكون شاكر لكم..

[المري]

انا من المعارضين على صيد الحبارى او الكروان بالسلاح..

لان مالها طعم ولا لها ذووووق..

تسلم اخوي باروود على هذا الموضوع الطيب.. وفي انتظار باقي الاعضاء

اخوك /المري

[أخو المري]

معك حق اخوي بارود


اكثر ما يصيد الحبارى بالسلاح
هو.......


وانت عارفينه

يا حلو مرقتها

لعنبو لايمه اذا رماها وصادها




أخوالمري

[المري]

اخو المري

لعنبو لايمه !!!!!!

مايسمح له الا انه ميت من الجوع ولا حوله احد , وهالحين مافيه احد يلقى حبارى ولا معه طير الا معه جهاز

ينادي على اقرب راعي طير ويرد عليه بدل الواحد عشره..

شكرا لكم

[الدكتور00]

يا جعلك تسلم على هالموضوع الزين والحساس في نفس الوقت ،،













ووالله إنها تحز في النفس بعض تصرفات العرب اللي تشوف واحدهم عاقل وحكيم لكن في ذي لا ويشهد الله ..


يعني الدعوى ما يبي لها إلا تفكير بسيط .. الحين هي ما فيها لاحرافة و لاغيره .. الله يكثر خير أم خمس !!!!

لكن كانه صامل وراعي رمي ويقول إنه بواردي .. وينه عن الرهو ولا القطا .. وإذا إنه راعي مقانيص جبال يعطينا علمه في الوبارى ولا شيخ الصيد الموقر ( البدن ) .. أما الحبارى خلها بعيد .. ممنوعة عن راعي البواريد .. ويبشر بها لا صادها راعي الطير ..



وعندي ملاحظة حتى لا يسيء البعض فهم كلامي .. أنا أقول كلنا نرمي ونحب الرمي لكن البندق له صيده المعروف .. والطير له صيده اللي محد يمسه ولا يقربه إلا بطيره ،،














وسلامتكم ،،،،







أخـــــــــــوكــــــــم (( الـــــدكــــــــتـــــــــــــــــور ))

[تواق]

سلم يمينك اخوي بارود قطر


ياخواني الحبارى والكروان للطير متعه وفن وصيدها بغير هذا الطريقه ابد مافيه من المتعه مثقال ذره


بنسبه للارانب مالها صيد الا بواسطه السلوقي اعزكم الله


وانا هنا اقصد في الصيد المتعه والوناسه ولا الحمدالله من فضله سبحانه كل شبعان في بيته

[Abunaif]

المري فيه حاله وحده بعد يمكن تسمحله انه يرمي الحبارى :)))


اذا الطير فرخ وغالي وهد عليها ورددها وخذ ريش وعلشانه غشيم بدا يتعب عقب كل ذالطرد خصوصا انها اول صيده له شرايك في رميها له اذا دريت انها بتروح علشان تعوقها له اخير من انه يتغلس:))

[مجنون الحبارى]

صبحكم او مساكم الله بالخير جميعا اخوتى
مشكوووووووووور اخوى ((بارود قطر)) على الموضوع الرائع واللفته الطيبه
والتى ان دلت فانما تدل على حرصك على المحافظه على هذا الطير الرائع والجميل وعدم صيده الا فى موسمه بدون
انتهاك لقوانين الطبيعه والصقار الخلوق هو الذى ينظر الى هذه الاشياء بالاحرى الصياد الملتزم الخلوق واحنا نفسنا الصقارين فى ليبيا انعانى من هذه المشكله نسأل الله الهدايه للجميع وننشادهم بعدم صيدها بالسلاح او البارود يا ((باروووود قطر )) ههههههههههههه
سلامى للجميع

[بارود قطر]

تسلم و مشكور أخوي مجنون الحباري.....على ردك.....و ياليت لو كل صقار
يلتزم بالأمر هذا..لأن في النهايه..كلنا متضررين من الصيد..الجائر للحباري بالسلاح
وشكرآ اخوي مجنون الحباري مره ثانيه..على ال لفته الطيبه منك

[أخو المري]

اخوي ابونايف

اخيرأ جا الصيف
و
كلامك صحيح ومعك حق في اللي تقوله
وياليت الناس واعين مثلك


نصيحه
لا احد يرمي الحبارى ويحول الطير
ههههههه

تحيات
اخوالمري

[الدكتور00]

*** مرحبا يا ( أخو المري ) ،،

وأضحك الله سنك ..هههههه ،،،

والله يستر على الطير ويكفيه شر راعيه لا كان عليمي وجاك عماها !!!!


........................................


*** همسة لك أخوي الغالي ( بارود قطر ) .. أقول صح لسانك ولسان عمرو بن كلثوم .. على هالبيتين اللي بالتوقيع من معلقته.. وبودي أعدل لك كلمة ( الجبابرة ) والصحيح ( الجبابر ) ولا البيت ما يكون موزون ، الشي الثاني ( صبيا ) وهي ( صبي ) أو ( رضيع ) حسب الروايات لكن أهم شي ما تكون منصوبة ..



وسلامتكم ،،،

أخـــــــــــوكــــــــــــم (( الــــدكـــــــتــــــــــــــــــور )) ،،،،،،،

[ابو عايد]

مرحبا والله ومسهلا يا بارود قطر بين ربعك واخوانك

من يحب الطير ويعشقه يكون من المعارضين بقوه على صيد الحبارى او الكروان بالسلاح..

لان مالها طعم ولا لها ذووووق..

[البحارى]

والله ياجماعه الى يصيد الحباره بالسلاح مو صقار ولايعرف صقور لانه المتعه فى قنصها بالطير مو بالسلاح واحنا لما نخرج للقنص نلقو فى الحباره باعشره واكتر نصيد منها اتنين او تلاته بالطيور وبس والباقى نخليه لغيرنا ياخونا والى يجيبه ربنا الحمد لله انا اشكرك على الموضوع الرائع والمميز

[طير شقراء]

مرحبا يالربع
صراحة موضوع اخوي ( بارود قطر )
في غاية الاهمية
اللي بيصيد بسلاح عنده ( الارانب والنحم والقميري والوز البري والصفاروالغرانيق وووو......)
انواع واجد من الطيور
واهل الصقور ماعندهم الا الحبارى والكراوين والارانب....
فلهذا الي يصيد الحبارى بالبندق ماعنده سااااالفه
والحبارى سلااااحها الوحيد هو **الطـــــــــير**
فقط لاغير وحتى لو صادها بالبندق مايلقى بصيدها
اي متعة..على عكس صيدها بالطير فيه كل المتعه والفله
وانا من المعارضين لمن يصيد الحبارى بالبندق.
والله اعلم....

[قناص تميم]

والله صح ما ودك تصيدها أل في حاله واحده إذا ما عند ك والا طير حتى لو نادية بالجهاز محد رد هاذيك الساعه يمكن ترمي إذا كان فرخ
أما الخرب خله للصقور
وشكراً

[رضوان]

السلام عليكم
بارك الله فيك ياخوى بارود قطر على هذا الموضوع المهم والذى لفة انظار الكثيرين من المهتمين بهواية القنص

وكما تعرف انه الطير بعد ما يجيب الحبارى فيها مرقه غير عاديه وليس مثل ما يجيبها السلاح كما يظن بعض الاخوان وربي يهدي الجميع الى ما فيه الخير والسلام اخوك رضوان

[الشـ صقرـــام]

<!-- / stamps hack --><!-- message -->
السلام عليكم ورحمة الله وبركاته

رحلات الصيد تختلف باختلاف استخدام اداة الصيد
ففي بعض الرحلات يستخدم الصقر لصيد الحبارى والكروان
ورحلات اخرى يستخدم كلب الصيد(السلوقي)للارانب وبعض الغزلان وكل هذه الرحلات فيها متعه خاصه لايمكن وصفها الا لمن جربها.
فهذه الرحلات ليس لها تاثير كبير على الحياة الفطريه في الخليج لانها تطلق على طريده واحده فقط.
عكس ماسنتكلم عنها في هذا الموضوع وهي استخدام البندقيه في الصيد
(((((((((وخاصه الصقار الذي يجمع بين البندقيه والطير)))))
ففي وقت الهجره يستعد كل من يحب الصيد لاستقبال الاعداد من الطرايد(الاجوال)ليحضى بصيد وفير..........
ولكن هناك اضرار كثيره لاستخدام البندقيه في وقتنا الحالي وهو قيام بعض هواة الصيد بصيد(((((((((الحبارى)))))))
بالسلاااااااااااح
ولكن لانعرف الدافع الحقيقي لفعل ذلك الامر هل هو اشباع للغرور ام ابتغاء الشهره لدى البعض؟؟؟؟؟
فصيد الحبارى له فنه وطريقته واداته الا وهي (((الطير)))
فهذه هوايه جميله ولها فن راق وقت مطارده الطير للحبارى
ولكن((((( بعض))))))) الصقارين يستخدمون البندقيه الى جانب الطير؟؟؟؟؟؟؟؟؟؟؟؟
عزيزي العضو...القاري

لاننا اذا استمرينا في السير على هذه الطريقه سيأتي يووووووووووم من الايام لن نجد شيئا نصطاده بسبب
ما عملته ايدينا..........

مع التحيات

[حر الجنوب]

السلام عليكم ورحمه الله

الشكر موصل الي صاحب الموضوع

من اجمل الردود التي قرئت هي لإخواني

الدكتور

صقر الشام

ولا يهون الربع

والله يعطيكم العافيه اخوكم

حر الجنوب