السلام عليكم ورحمة الله صباح الخير على الجميع استفسار عن موقد وذف

[مخموم القلب]

هلا بالطيبين
معليش ودي انزل مواضيع تفيدكم لكن والله اني جديد وزي مايقولون عليمي منتديات ونت
ولا املك لكم الا الدعاء والله من قلب صافي يطلب من الله لكم السعادة في الدنيا والآخره
استفساري ودي اشتري موقد احطه بمجلس الرجال عندي اسوي عليه القهوة والشاي اللي موجود عندي هو القز الاسود العادي ابو 25 ريال بس ماني مرتاح له يقبع بعض المرات ويطلع حرارة من جميع الجهات ودورت بالسوق لقيت مواقد كلاسيك يعني حقت المطبخ ابو قداح عين وعينين و3عيون فيه صناعة هندي وفيه صيني بس مشكلته حجمه كبير والمساحة المتوفرة عندي بالمجلس المخصصة للموقد صغيره.
ابي شوركم وش الموقد المناسب ومكان بيعه حيث انني متواجد حاليا بتبوك والشكر لله ثم لكم والسلام.

[ثلج ساكن]

تحياتي للك شف ياخوي في مواقد كهربائيه وباحجام صغيره تفي بالغرض دام المساحه على القد
واذا تبي غاز شف الدافور ابو الدبه الزرقاء

[فلة الكيف]

يا أخي السلام عليكم :
هناك مواقد مقاسات وألوان جديدة
ما عليك إلا أن تذهب إلى محلات الرحلات مثل ( السنيدي )
وتنظر ما بدأ لك وكلها ذو مناظر جميلة جدا
وقبل وقت يسير اشتريت موقد عين واحدة للضرورة ووضعته في السيارة

[مخموم القلب]

وعليكم السلام ورحمة الله وبركاته هلا بالوجيه السفره جزاكم الله خير
دورت بمحلات الرحلات في تبوك اللي وصفوها لي اهل البلد لكن مالقيت اللي في بالي
وش رايكم بموقد البريموس شكله صغير واتوقع يجي لكن سمعت انه غالي وماهو متوفر وهل يركب عليه لي الغاز العادي.
والسبب اني مرجحه لانه يعتبر سفري ومحلي يعني ينفع للبيت وبرا البيت والسلام.

[جواد النفود]

تبي النصيحة ومن واقع تجربه عليك بموقد البريموس الأحمر يستاهل قيمته واذا طرى على بالك البر تاخذه معك
حلال عليه فلوسه.
موفق خير ان شاءالله.

[الرحال2222]

http://www.mekshat.com/vb/showthread.php?t=436403

[cruise]

افضل موقد بالنسبة لي موقد سيفتي عين وحدة صناعة صينية وقيمته 65 ريال لكنه طيب وستيل ويعيش نفس السانيو القديم

[cruise]

http://img40.imageshack.us/img40/3458/biogasstovesingleburner.jpg

http://img824.imageshack.us/img824/9448/singlebiogasstove.jpg

شبيه الللي بالصورة

[مخموم القلب]

الله يسعدك ويحفظك ياخوي كروز ويجيبك سالم غانم ودي زيه بس مالقيت بيفرجها الله عندي اللي يمشي الحال والحمدلله وشكرا على الاهتمام والمعلومة والسلام.

[مخموم القلب]

تبي النصيحة ومن واقع تجربه عليك بموقد البريموس الأحمر يستاهل قيمته واذا طرى على بالك البر تاخذه معك
حلال عليه فلوسه.
موفق خير ان شاءالله.

شكرا اخوي جواد الله يرفع قدرك وينجيك من النار انا آسف دخلاتي على النت قليلة لذا لم اتشرف بشكرك لاهتمامك والسلام.

[cruise]

موجود تلقاه متوفر باغلب محلات الاواني المنزلية وعند بنده وكارفور بس بسعر 80 في البقالات واذا تقدر تمر حراج بن قاسم بالرياض بتلقى اشكال والوان

[أبو دهلوس]

بريموووس الاحمر وتنسي كل المواقد البرية.
بالتوووووفيق

[مخموم القلب]

بريموووس الاحمر وتنسي كل المواقد البرية.
بالتوووووفيق





بيض الله وجهك ورحم الله والديك وشكرا على الاهتمام