فارس 74
19/04/2006, 04:29 PM
اعزائي اعضاء وقراء منتديات مكشات
اسعد الله اوقاتكم جميعا
بما ان الوقت وقت مقيض ولافيه روحه ولا جيه مع الطير حبيت اطرح هذا الموضوع واسولف معكم شوي عن ذكاء الحبارى..
كل صقار يدري ان الحبارى طير ذكي وصيده صعب في كثير من الاوقات وذكاء هذا الطير في الاختباء
والهرب من المطارده امر مذهل وسبحان الله اللي علمه
اخواني انا بسولف لكم عن موقف تعرضنا له مع الحباري واستغربت من ذكائها
في احدى الرحلات للقنص خارج الوطن طلع طيرنا وسقنا مع اثره ويوم اخذنا ولا قدامه ثلاث حباري
علق الطير في وحده وحطينا الموتر بينا وبينه وثنتين راحن درج هدينا علي الثانيه وعلق فيها الطير الثاني ونزلنا كل راعي طير عند طيره وقلنا الثالثه نبيها طايره وضربنا عليها بوري ويوم طارت وابتعدنا شوي عن خويانا وطيورهم هدينا طير معنا يلحق عليها
راح الطير يطرد والحباري ترتفع ويوم ضيق عليها الطير حولت فالطير بين خوينا وطيورهم اللي صايده ونزلت بين الطيور بمسافة ثلاث امتار عن حدى الطيور اللي صايده وراعيه جالس عنده
الطير اللي يطرد الحباري هذي يوم شاف الطير يفرس الحباري ويعلف منها قريب منه ترك الحباري اللي هو يطردها وراح للطير اللي يعلف وتقاضب معه علي الصيده ويوم شافته قضب الطير الثاني وهي
تطير طيار اقوي من طيارها اولا يوم يطردها الطير...
لكنها مهيب مرتفعه في مطيرها الثاني وكأنها تحاول تختبي في مطيرها
قلنا لخوينا اعزل الطيور لحالك نبي نطرد الحباري هذي ماراح نتركها وسقنا مع اثرها
وتركناها تبعد بكيفنا وهي مازالت تطير مهيب مرتفعه ويوم ابعدنا عن ربعنا حوالي كيلوا هدينا عليها قرناس معنا يوم طلع الطير من الموتر وهي ترتفع بسرعه ,,لحقها
الطير مدبره مع الهوا ويوم وصلها وهي تصفق وتنطح الهوا وراحت بتجاه ربعنا وطيورهم:)
المره هذي يوم شافوها اهل الطيور معوده عليهم خبوا طيورهم عن الطير اللي يطرد وقام واحد منهم عازل طيره يصيح عليها يوم اقبلت يبيها تبعد عنهم لكن مافيه فكه حولت بينهم طيرنا هذا اللي يطردها من الطيور اللي ترتفع بالطرد ولاقعت الصيده يضربها ضربه مع محواله ضربه وحده تكون كفيله بذبح الحبارى وكانوا ربعنا اهل الطيور خايفين انه يترك الحباري ويروح لطيورهم :)
لكن مانفعت خطة الحباري هالمره معه حول عليها وضربها ولاهي من صيد امس
جلسنا كل وحد عند طيره ونسولف عن الحبارى هذي وذكائها سبحان الله.
تجي وتنزل بين الطيور والناس بمسافه قريبه جدا غريب امرها
اتمنا من اخواني الاعزاء كل واحد يقول لنا موقف عن ذكاء الحباري تعرضه له في رحلات الصيد
نبي نسولف مدام الطيور في مقيضها:)
اسعد الله اوقاتكم جميعا
بما ان الوقت وقت مقيض ولافيه روحه ولا جيه مع الطير حبيت اطرح هذا الموضوع واسولف معكم شوي عن ذكاء الحبارى..
كل صقار يدري ان الحبارى طير ذكي وصيده صعب في كثير من الاوقات وذكاء هذا الطير في الاختباء
والهرب من المطارده امر مذهل وسبحان الله اللي علمه
اخواني انا بسولف لكم عن موقف تعرضنا له مع الحباري واستغربت من ذكائها
في احدى الرحلات للقنص خارج الوطن طلع طيرنا وسقنا مع اثره ويوم اخذنا ولا قدامه ثلاث حباري
علق الطير في وحده وحطينا الموتر بينا وبينه وثنتين راحن درج هدينا علي الثانيه وعلق فيها الطير الثاني ونزلنا كل راعي طير عند طيره وقلنا الثالثه نبيها طايره وضربنا عليها بوري ويوم طارت وابتعدنا شوي عن خويانا وطيورهم هدينا طير معنا يلحق عليها
راح الطير يطرد والحباري ترتفع ويوم ضيق عليها الطير حولت فالطير بين خوينا وطيورهم اللي صايده ونزلت بين الطيور بمسافة ثلاث امتار عن حدى الطيور اللي صايده وراعيه جالس عنده
الطير اللي يطرد الحباري هذي يوم شاف الطير يفرس الحباري ويعلف منها قريب منه ترك الحباري اللي هو يطردها وراح للطير اللي يعلف وتقاضب معه علي الصيده ويوم شافته قضب الطير الثاني وهي
تطير طيار اقوي من طيارها اولا يوم يطردها الطير...
لكنها مهيب مرتفعه في مطيرها الثاني وكأنها تحاول تختبي في مطيرها
قلنا لخوينا اعزل الطيور لحالك نبي نطرد الحباري هذي ماراح نتركها وسقنا مع اثرها
وتركناها تبعد بكيفنا وهي مازالت تطير مهيب مرتفعه ويوم ابعدنا عن ربعنا حوالي كيلوا هدينا عليها قرناس معنا يوم طلع الطير من الموتر وهي ترتفع بسرعه ,,لحقها
الطير مدبره مع الهوا ويوم وصلها وهي تصفق وتنطح الهوا وراحت بتجاه ربعنا وطيورهم:)
المره هذي يوم شافوها اهل الطيور معوده عليهم خبوا طيورهم عن الطير اللي يطرد وقام واحد منهم عازل طيره يصيح عليها يوم اقبلت يبيها تبعد عنهم لكن مافيه فكه حولت بينهم طيرنا هذا اللي يطردها من الطيور اللي ترتفع بالطرد ولاقعت الصيده يضربها ضربه مع محواله ضربه وحده تكون كفيله بذبح الحبارى وكانوا ربعنا اهل الطيور خايفين انه يترك الحباري ويروح لطيورهم :)
لكن مانفعت خطة الحباري هالمره معه حول عليها وضربها ولاهي من صيد امس
جلسنا كل وحد عند طيره ونسولف عن الحبارى هذي وذكائها سبحان الله.
تجي وتنزل بين الطيور والناس بمسافه قريبه جدا غريب امرها
اتمنا من اخواني الاعزاء كل واحد يقول لنا موقف عن ذكاء الحباري تعرضه له في رحلات الصيد
نبي نسولف مدام الطيور في مقيضها:)