ابي الفزعة ياشباب

[ابوالاخبار]

ابي بريمس راس دافور هندي وين احصله
وابي داله بغداديه

وين احصله ياشباب في اي مكان

[جزاء الشمري]

تحصل جميع مطلوبك بمحلات الرحلات

[دغيم1]

السلام عليكم ورحمة الله وبركاته
حياك الله أخوي
تجد مطلوبك لدى محلات الرحلات المنتشرة كثيرا في الرياض
برق الحيا / السنيدي / القاضي / مكشات / نوماس / البريه / رحلتي
وغيرهم
تمنيت لو ذكرت المدينة التي ترغب البحث فيها عن مطلوبك
كما اتمنى لو يتوسع نشاطك في المشاركة
خاصة وانك مسجل قديم
حتى تفيد وتستفيد وتبادل خبرات مع الأعضاء
تقبل تحياتي

[مخموم القلب]

السلام عليكم ورحمة الله وبركاته صباح الخير على الجميع
يادغيم1
ياالله انه يسعدك في الدنيا والآخره ابي شورك يالقرم الفذ النجيب
ودي موقد تصفيط يعني مثل البريموس او الكوفيا او التيرا انا حاليا بتبوك وحفيت ولفيت كل محلات الرحلات وغيرها مالقيت الا 2 واحد عند محل الرماية سعره165 كويس شكله بس حجم الموقد كبير شوي وفيه دفاشه شوي يعني لا فتحت الغطاء يرتفع القز كله يعني ما هو ثابت مثل البريموس والثاني عند محل مادري والله وش اسم المحل لاكن القز حليل وميه بالميه بسسسسس عيبه انه مايشتغل الا مع اسطوانات قاذفات اللهب الصغيره
ماحد حولك ودي نصيحتك وشورك بيض الله وجهك والسلام.

[مخموم القلب]

يادغيم1
وش رايك

[فلة الكيف]

كل ما تود حصوله اسأل عنه في مدلوله

[مخموم القلب]

السلام عليكم ورحمة الله وبركاته اخوي فلة الكيف اشكرك على ردك ولكن تراني ماني عارف وش قصدك في مدلوله انا لو اني ادل اللي اوده ما طلبت شور الرجال الطيبين وما فيه احد يولد عالم انما الله سبحانه يهيئ بفضله اخوان له مؤمنين يدلونه على الحق وشكرا مره اخرى والسلام.