كورنيش راس تنوره.. الخميس 8-3-2012

[xmx202]

السلام عليكم

اليوم صيدنا من كورنيش راس تنوره ايضا

في البدايه مريت عند ميدان الدانه وابو مريخه ..

لكن وجدت البحر معشّب واجد

فرجعت لمكاني المعتاد.

الموقع: كورنيش راس تنوره بجانب القصر
حالة الجو: درجة الحراره 19 والهواء نشيط نوعا ما ... ولامواج خفيفه الى متوسطه
حالة البحر: ثبره (جزر)
الوقت: من الساعه 10 حتى الساعه 3 العصر
القصبه: كروبر (الهامور) 3.5 متر
الكينه: بانكس 4000
الخيط : 40 ايطالي
الميدار: 10-12
الثقل: 3
الطعم: ربيان متوسط الحجم

حصيلة الصيد: 3 شعوم + 1 فسكر + 1 اعنزه ام نفيخه (رجعناها بحر) + 4 سمجة ابو النار (رجعناهم بحر)

تفضلو الصور

رفيق الحداق .. ابني حمّودي ( بوجابر) .. شاريله سناره ... وحالف الا يصيد فيها

http://img856.imageshack.us/img856/5122/20120308103723.jpg



وهذا اول الخير .. شعم ... طبعا انا اقط الخيط وانا اسحب .. وبوجابر يصور مع السمجه ويكشخ عند امه يقول ان هو صايدها

http://img713.imageshack.us/img713/8328/20120308103724.jpg


ثاني شعم

http://img109.imageshack.us/img109/8713/20120308120937.jpg






وهذي سمجة ابو النار (هل لها اسم اخر معروف؟؟؟) لاعت جبدي منها 4 حبات قطيتهم بحر

http://img850.imageshack.us/img850/4091/20120308123145.jpg



بوجابر زهق من صيد البحر ... وقال يجرب صيد البر ... كود يضرب عنده جربوع والا ضب

http://img718.imageshack.us/img718/1319/20120308132648.jpg



بوجابر كاشخ بالفسكره

http://img406.imageshack.us/img406/9579/20120308140958.jpg



إني ارى رؤسا قد اينعت وحان وقت قطافها

http://img21.imageshack.us/img21/8552/20120308140712.jpg




وهاي الفسكره في ايدي

http://img72.imageshack.us/img72/3644/20120308173015.jpg




حصيلة الصيد

http://a5.sphotos.ak.fbcdn.net/hphotos-ak-ash4/424846_340068666043411_100001208411230_988288_7815 44320_n.jpg

وعذرونا عالقصور:good2:

[وليد الغربة]

ماشاء الله تبارك الله

ماقصرت اخوي صور طيبة

وتوثيق جميل


اخوك وليد الغربة

[رسيس نجد]

صايد وفايد

[maxamer]

ما شاء الله خوش صيد
والله يحفظك لك حمودي
إني ارى رؤسا قد اينعت وحان وقت قطافها
المقولة المشهورة عجبتني بس اول مرة اسمع واحد يطبقها على السمك
الله يفقك بحق نبينا محمد وال محمد

[أبوحافظ]

يعطيك العافيه صيد طيب

الله يحفظ لك ولدك

تحياتي

[xmx202]

ماشاء شالله تبارك الله

ماقصرت اخوي صور طيبة

وتوثيق جميل


اخوك وليد الغربة


يا هلا ومرحبا



صايد وفايد


نعين ونعاون باللي نقدر عليه




ما شاء الله خوش صيد
والله يحفظك لك حمودي
إني ارى رؤسا قد اينعت وحان وقت قطافها
المقولة المشهورة عجبتني بس اول مرة اسمع واحد يطبقها على السمك
الله يفقك بحق نبينا محمد وال محمد

يحفظك ربي

اللهم صلي على محمد وآل محمد




يعطيك العافيه صيد طيب

الله يحفظ لك ولدك

تحياتي




يحفظك ربي ومن يعز عليك

[ابوسالم ؟]

الله يوفقك صيدك اكثر من رائع

ابوسالم
تحياتي لك

[نغم بحر]

ماشاء الله ....
الله يوفقك اخوي
.......
والله يخلي لك حمودي وتشوفه معرس ياارب

[بوناجم]

ما شاء الله عليك...صيد موفق وعلى القوة ويا زين الرفقه مع الولد وبالعافية الشعوم والفسكر
انا كنت موجود بس اكيد ما تعرفني انا الي كنت بالاخير ولابس النظارة الشمسية وكنت مشكك هذا هو خوينا المكشاتي ولا لا؟؟
ما حبيت اتطفل عليك وخليتك براحتك وان شاء الله الجايات نتعرف اكثر واقرب
انا طلع معاي قرقفان وشعم .. بعدها يجي ضرب على السنارة بس للاسف بدون بلع

بالنسبة لسمكة ابو النار .. الي اعرف عنها انها صاحبة جلد قاسي واذا بلعت الطعم تبلعه مره وحده وتسحبه معاها وايضا انها صاحبة شوكة كبيرة واذا ضربتك بأبرتها تجيك حالة مثل الحساسية على ما اظن..واسمها حسب ما وصلني "" بوعظم ""

[دمي بحر]

احلى شعم وفسكر
اسم السمكة (كلب الدو)

[صياد متهور]

وعليكم السلام ورحمة الله وبركاته
ماشاء الله تبارك الله صيد جميل والله يخلي لك ولدك يارب
عليك بالف عافية
واما عن السمكة فاسمها (كليب الدو-او-هوليكبتر)
بالتوفيق

[رٍسِـــلآنٍ ٱلدُفُــٱع]

http://img850.imageshack.us/img850/4091/20120308123145.jpg

اسمها ( حمار ) اعزكم الله

فيها شوكه كبيره فوق وشوكتين تحت وتطلع زبد من فمها كثيييير

وضربته على السناره قويه كنها سمكه كبيييره وهذا يعطيك حماس ويقهرك لما تشوف ذا الوجه هههههههه


صيد حلو ماشاء الله

[ماسيوم]

ماشاالله عليك احلاحاجه اعجبني الاسم للسمكه {سمجه}ههههههه الله يصلح لك النيه والذريه ولك تحياااااااااااااتي...

[الرحموني]

يا هلا وغلا براعي الشرقية

ياعين ياليل على القصبات وصيد الجلب

ماشاء الله عليك صيد طيب

بس ماقلتلنا وش اسم المزيون هذا

http://img406.imageshack.us/img406/9579/20120308140958.jpg

اسأل الله ان يصلحه ويحفظه لاهله

شكراً لك اخوي xmx202

على هذا التقرير

بس ما تشوف لو ان كبرت الخط شوي واختارت الوان للخط ماهو افضل (وجهة نظر.. ومو ضروري تكون صحيحة)

تحياتي وتقديري

[White_Shark]

ماشاء الله تبارك الله

صور جميلة , الله يحفظك لعيالك ويخليهم لك , الحمد لله بأن الله رزقكم المقسوم من شعوم وفسكرة حلوة , تستاهلون عليها احلى عشوة .

تقبل تحياتي .

[ابهاوي404]

ماشاء الله تبارك الله صيد جميل والله يخلي لك ولدك يارب

[صقر بدر]

صيد جميل ماشاء الله تبارك الله
اللهم صلي على نبينا محمد وعلى اله وصحبه وسلم

[xmx202]

الله يوفقك صيدك اكثر من رائع

ابوسالم
تحياتي لك


حبيبي بو سالم .. تسلم




ماشاء الله ....
الله يوفقك اخوي
.......
والله يخلي لك حمودي وتشوفه معرس ياارب


تسلم لي .. الله يحفظك ومن يعز عليك




ما شاء الله عليك...صيد موفق وعلى القوة ويا زين الرفقه مع الولد وبالعافية الشعوم والفسكر
انا كنت موجود بس اكيد ما تعرفني انا الي كنت بالاخير ولابس النظارة الشمسية وكنت مشكك هذا هو خوينا المكشاتي ولا لا؟؟
ما حبيت اتطفل عليك وخليتك براحتك وان شاء الله الجايات نتعرف اكثر واقرب
انا طلع معاي قرقفان وشعم .. بعدها يجي ضرب على السنارة بس للاسف بدون بلع

بالنسبة لسمكة ابو النار .. الي اعرف عنها انها صاحبة جلد قاسي واذا بلعت الطعم تبلعه مره وحده وتسحبه معاها وايضا انها صاحبة شوكة كبيرة واذا ضربتك بأبرتها تجيك حالة مثل الحساسية على ما اظن..واسمها حسب ما وصلني "" بوعظم ""

هلا بوناجم ... مدري انت اللي كنت لحالك ولابس قبع على راسك .. والا اللي كان معه خواته الصغاريه ..!

بالنسبه لسمجة ابو نار او ابو عظم ... طلعت منها 4 وقطيتهم بحر



احلى شعم وفسكر
اسم السمكة (كلب الدو)


انت احلى ... وتسلم عالمعلومه





وعليكم السلام ورحمة الله وبركاته
ماشاء الله تبارك الله صيد جميل والله يخلي لك ولدك يارب
عليك بالف عافية
واما عن السمكة فاسمها (كليب الدو-او-هوليكبتر)
بالتوفيق


الله يسلمك ومن يعز عليك .. تسلم .. وتسلم على المسميات



http://img850.imageshack.us/img850/4091/20120308123145.jpg

اسمها ( حمار ) اعزكم الله

فيها شوكه كبيره فوق وشوكتين تحت وتطلع زبد من فمها كثيييير

وضربته على السناره قويه كنها سمكه كبيييره وهذا يعطيك حماس ويقهرك لما تشوف ذا الوجه هههههههه


صيد حلو ماشاء الله

صدقت ... من ناحية حمار فهي حمار ... ولا يهونون الموجودين

ضربتها تقول سبيطي .. وبالنهايه يطلع لك هالخايسه

تسلم لي




ماشاالله عليك احلاحاجه اعجبني الاسم للسمكه {سمجه}ههههههه الله يصلح لك النيه والذريه ولك تحياااااااااااااتي...

الله يرضى عليك ... اللي تامر فيه .. سمجه والا سمكه كله يمشي






يا هلا وغلا براعي الشرقية

ياعين ياليل على القصبات وصيد الجلب

ماشاء الله عليك صيد طيب

بس ماقلتلنا وش اسم المزيون هذا

http://img406.imageshack.us/img406/9579/20120308140958.jpg

اسأل الله ان يصلحه ويحفظه لاهله

شكراً لك اخوي xmx202

على هذا التقرير

بس ما تشوف لو ان كبرت الخط شوي واختارت الوان للخط ماهو افضل (وجهة نظر.. ومو ضروري تكون صحيحة)

تحياتي وتقديري


حبيبي تسلم والله يحفظك ومن يعز عليك .. هالمزيون ابني محمد ونلقبه بوجابر

بالنسبه للخط .. ابشر الجايات انشالله .. والا بدز لك نظاره على حسابي :D



ماشاء الله تبارك الله

صور جميلة , الله يحفظك لعيالك ويخليهم لك , الحمد لله بأن الله رزقكم المقسوم من شعوم وفسكرة حلوة , تستاهلون عليها احلى عشوة .

تقبل تحياتي .

هلا والله ابو وايت .... تسلم لي فديتك

وبالمبارك فتح باب بوعلي من جديد .. بانتظار المجازر من جديد

ونبي المحادق الزينه ... لا عدمناك



ماشاء الله تبارك الله صيد جميل والله يخلي لك ولدك يارب


يحفظك ربي


صيد جميل ماشاء الله تبارك الله
اللهم صلي على نبينا محمد وعلى اله وصحبه وسلم

انت اجمل والله يحفظك

اللهم صلي على محمد وال محمد

[accentkool]

ماشاء الله تباارك الله
تقرير جدا مممميز ورحلة موفقة
استمتعنا معاك بالطلعة الجميلة
الصيد مايحتااج جدا مممتاز وطيب
والصور ابدااع ومناظر روعة
الله يعطيك الصحة والعافية

[xmx202]

ماشاء الله تباارك الله
تقرير جدا مممميز ورحلة موفقة
استمتعنا معاك بالطلعة الجميلة
الصيد مايحتااج جدا مممتاز وطيب
والصور ابدااع ومناظر روعة
الله يعطيك الصحة والعافية


حبيب قلبي اكسنت باشا:good2:

[hunter78]

ما شاء الله تبارك الله
تقرير حلو وممتع يا خوي سلمت يداك والفسكر ما شاء الله مشحم هذي الأيام عليكم بألف عافية
والله يحفظلك بو جابر وتشوف عياله
أنا طلعت لنفس المكان جانب القصر يوم الجمعة جلست حوالي الساعتين قبل الصلاة طلع معاي 1شعم و1قرقفان بحجم الكف ورميت للبعيد بالبداية منجوس سحبت بعد ساعة مثل ما هن ما حد قرب صوبهن
قلت أجرب الروبيان للبعيد وشكيته بالسنارة بالإبرة ورميت
المفاجأة بعد أكثر من نصف ساعة بدي أوظب أغراضي وألحق الصلاة سحبت السنارتين وطلعت الربيانة مثل ما هي :eek: :eek: :eek: :eek: :eek:
نزلت جنب الموية فوجدت سمكة النفيخة على الطرف ظنيتها ميتة مسكتها وإذ في بفمها طرف خيط وميدر عالق جوا وللصدفة طلعت عايشة بس يبدو أتعبها الميدار جبت الزرادية وطلعت الميدار ورميتها بالموية بدت تسبح :D
سؤال ؟هذي السمكة اللي سميتها أبو نار كم حجمها؟ لأني صدت أكثر من مرة ما طلعت معاي وأرجو إنها ما تقرب صوب سنارتي :D
شكرا على التقرير وبالتوفيق

[xmx202]

ما شاء الله تبارك الله
تقرير حلو وممتع يا خوي سلمت يداك والفسكر ما شاء الله مشحم هذي الأيام عليكم بألف عافية
والله يحفظلك بو جابر وتشوف عياله
أنا طلعت لنفس المكان جانب القصر يوم الجمعة جلست حوالي الساعتين قبل الصلاة طلع معاي 1شعم و1قرقفان بحجم الكف ورميت للبعيد بالبداية منجوس سحبت بعد ساعة مثل ما هن ما حد قرب صوبهن
قلت أجرب الروبيان للبعيد وشكيته بالسنارة بالإبرة ورميت
المفاجأة بعد أكثر من نصف ساعة بدي أوظب أغراضي وألحق الصلاة سحبت السنارتين وطلعت الربيانة مثل ما هي :eek: :eek: :eek: :eek: :eek:
نزلت جنب الموية فوجدت سمكة النفيخة على الطرف ظنيتها ميتة مسكتها وإذ في بفمها طرف خيط وميدر عالق جوا وللصدفة طلعت عايشة بس يبدو أتعبها الميدار جبت الزرادية وطلعت الميدار ورميتها بالموية بدت تسبح :D
سؤال ؟هذي السمكة اللي سميتها أبو نار كم حجمها؟ لأني صدت أكثر من مرة ما طلعت معاي وأرجو إنها ما تقرب صوب سنارتي :D
شكرا على التقرير وبالتوفيق






هلا بالحبيب

الله يحفظك ويحفظ حبايبك

بالنسبه لبوالنار، طلعت منها 4 حبات الحجم كبر غرشة الماي ام ريال او اصغر بقليل

جربت الصيد في راس تنوره اكثر من 5 مرات

وجدت ان افضل وقت للصيد هو وقت نزول الماي

والطعم الماشي الربيان

واهم شي قبل ما تمسك مكان، شوف البحر زين ، حاول تقعد في مكان بحيث اذا قطيت خيطك يكون في مكان رملي مو معشّب

وموفق

[White_Shark]

http://img850.imageshack.us/img850/4091/20120308123145.jpg

بالنسبة لهذه السمكة إسمها الشائع ( كلب الدو ) أو ( كلب الضو ) .. تبين معاك لما يكون فيه هوى قوي وموج .. الإسم المتداول بين الشباب هو ( هيلوكبتر ) لأنك إن اوقفتها على الشوكتين السفليتين فإنها ستقف مثل الهيلوكبتر لمدة ثواني ثم تسقط على جنب :) .. وأفضل شيء مثل ماسويت الله يعطيك العافية إعادتها للبحر .

[shutter]

حياك الله يا ابن العم العزيز.

الله يخلي لك حمودي
وعقبال ما تصيد طوله انشالله

[بوناجم]

يا بومحمد..انا الي لابس القبع الاسود..هذا محلي كل اربعاء وخميس وجمعة من الصباح لصلاة الظهر
وبالنسبة للهليكوبتر زي ما يقولون الشباب ترى عليه سحبة وسخة انا صدت مثله مره في كورنيش الدمام اقولك قلت يا دافع البلى وش الي سحب علي في النهاية هالسمجه التعبانه
الله كريم

[العمدة 66]

تقرير جميل
والله يحفظ بوجابر وتشوفه عريس

[xmx202]

http://img850.imageshack.us/img850/4091/20120308123145.jpg

بالنسبة لهذه السمكة إسمها الشائع ( كلب الدو ) أو ( كلب الضو ) .. تبين معاك لما يكون فيه هوى قوي وموج .. الإسم المتداول بين الشباب هو ( هيلوكبتر ) لأنك إن اوقفتها على الشوكتين السفليتين فإنها ستقف مثل الهيلوكبتر لمدة ثواني ثم تسقط على جنب :) .. وأفضل شيء مثل ماسويت الله يعطيك العافية إعادتها للبحر .



شكلي ان صدتها مره ثانيه بجرب اوقفها على حبه ونص ...خخخ

بس مدري لو مسكتها بيدي عادي ؟؟؟؟ او في طريقه معينه بحيث امسكها بايدي مباشره؟





حياك الله يا ابن العم العزيز.

الله يخلي لك حمودي
وعقبال ما تصيد طوله انشالله




امين يارب العالمين .. تسلم لي بن عمي ... ما عرفتك ؟




يا بومحمد..انا الي لابس القبع الاسود..هذا محلي كل اربعاء وخميس وجمعة من الصباح لصلاة الظهر
وبالنسبة للهليكوبتر زي ما يقولون الشباب ترى عليه سحبة وسخة انا صدت مثله مره في كورنيش الدمام اقولك قلت يا دافع البلى وش الي سحب علي في النهاية هالسمجه التعبانه
الله كريم

بس بس عرفتك يابوناجم ... من جد سحبتها وسخه




تقرير جميل
والله يحفظ بوجابر وتشوفه عريس



الله يحفظك يا عم العمده

[White_Shark]

شكلي ان صدتها مره ثانيه بجرب اوقفها على حبه ونص ...خخخ

بس مدري لو مسكتها بيدي عادي ؟؟؟؟ او في طريقه معينه بحيث امسكها بايدي مباشره؟


هذي السمكة لحمها سام .
تقدر تمسكها من الأسفل ( جهة الشوكتين ) فهي غير سامة .. ولكن لو سألتني عن الشوكة العلوية بصراحة ماجربت ضربتها ولكن كثير مانصيد هذي السمكة وقت اللي يكون فيه هوى قوي ونتعامل معها على أنها سمكة عادية جداً .. وماسمعت عن أحد اشتكى من لسعتها ابداً .

إذا كنت خايف منها .. إمسكها من الأسفل بقفازات وإن شاء الله ماراح يجيك شي .. على مسئوليتي :) .

[بوناجم]

اتمنى نلتقي فيك..او نشاركك في حداق في مكان ممتاز بعد ما تتعدل الاجواء

[xmx202]

هذي السمكة لحمها سام .
تقدر تمسكها من الأسفل ( جهة الشوكتين ) فهي غير سامة .. ولكن لو سألتني عن الشوكة العلوية بصراحة ماجربت ضربتها ولكن كثير مانصيد هذي السمكة وقت اللي يكون فيه هوى قوي ونتعامل معها على أنها سمكة عادية جداً .. وماسمعت عن أحد اشتكى من لسعتها ابداً .

إذا كنت خايف منها .. إمسكها من الأسفل بقفازات وإن شاء الله ماراح يجيك شي .. على مسئوليتي :) .

ان جاني شي .. الوعد في مستوصف المطبقاني ...خخخخ امزح

تسلم عالمعلومه



اتمنى نلتقي فيك..او نشاركك في حداق في مكان ممتاز بعد ما تتعدل الاجواء

انشالله الجايّات :good2:

[بوناجم]

يا بومحمد قبل يومين ووسط الاسبوع مار بشوف وش الوضع في راس تنورة جمب القصر قلت الويكند ابغى ارتب الوضع عشان نصيد صيد محترم
شفت جماعة من القطيف ما شاء الله مطلعين لهم ثلاجة شعم من الي يحبه قلبك ولحلاح ويقولون الصباح ضرب عليهم سبيطي وسحبوه قريب الشاطي بس فلت منهم يقولون كان الفجرية هالكلام ...ما شاء الله كان عامر البحر بالسمك يوم الاثنين

[xmx202]

يا بومحمد قبل يومين ووسط الاسبوع مار بشوف وش الوضع في راس تنورة جمب القصر قلت الويكند ابغى ارتب الوضع عشان نصيد صيد محترم
شفت جماعة من القطيف ما شاء الله مطلعين لهم ثلاجة شعم من الي يحبه قلبك ولحلاح ويقولون الصباح ضرب عليهم سبيطي وسحبوه قريب الشاطي بس فلت منهم يقولون كان الفجرية هالكلام ...ما شاء الله كان عامر البحر بالسمك يوم الاثنين

هلا بوناجم

امس كنت هناك... عمي وولد عمتي قالو الا يبون يروحون كورنيش راس تنوره

فرحنا هناك من الساعه 12 ونص الى 5

الصيد فقط ... عمي طلع عريضي حجم كبير حلو

وولد عمتي شعم كبر الكف

بسسسسسس

كورنيش الجعيمه فيه خير .. بس يبيله صبر

[بوناجم]

اكيد يا بومحمد.. الصياد بدون صبر وتوفيق من رب العالمين ما يسوى ويترك الصيد افضله
وعليكم بالعافية الشعوم
ما لك طلعه هذا الويكند؟

[رٍسِـــلآنٍ ٱلدُفُــٱع]

بخصوص الاسم ( حمار ) اعزكم الله

هذا الاسم متداول لدى اهل العيون .. لا اعلم اذا كان متداول في باقي المناطق

تسميتها بهذا لنها تشبه الحمار في الشكل واللون وخاصه الفم .. وقويه جدا اذا ضربت على السناره مع انو حجمها صغير جميع مميزات الحمار فيها ههههههههههههههههههههههههه

اعزكم الله

[رحلة عمر]

حبيبي هذي المكينة الي معك عليها صورة اسد مدري نمر او شي بجنب

[HUNTER.RS]

بسم الله الرحمن الرحيم
مشاء الله تبارك الله. بالعافيه عليكم .

[xmx202]

اكيد يا بومحمد.. الصياد بدون صبر وتوفيق من رب العالمين ما يسوى ويترك الصيد افضله
وعليكم بالعافية الشعوم
ما لك طلعه هذا الويكند؟
الله يعافيك

هالاسبوع ماكان في تخطيط .. الا عمي وولد عمتيه قالو الا يبون يروحون

رحت معاهم الظهر.. كل واحد طلع له شعم ومشينا عالمغرب



بخصوص الاسم ( حمار ) اعزكم الله

هذا الاسم متداول لدى اهل العيون .. لا اعلم اذا كان متداول في باقي المناطق

تسميتها بهذا لنها تشبه الحمار في الشكل واللون وخاصه الفم .. وقويه جدا اذا ضربت على السناره مع انو حجمها صغير جميع مميزات الحمار فيها ههههههههههههههههههههههههه

اعزكم الله

من جد حمار بمعنى الكلمه ... (لكم الحشيمه)



حبيبي هذي المكينة الي معك عليها صورة اسد مدري نمر او شي بجنب


اذا تقصد المكينه السودا وبكرتها ذهبيه وبالجانب عليها شعار اسد ... فهي بانكس 5000



بسم الله الرحمن الرحيم
مشاء الله تبارك الله. بالعافيه عليكم .

تسلم لي

[سعد الدوسي]

ماشاء الله تبارك الله صيد جميل عليك بالعافيه
والله يحفظ لك حمودي ويصلحه
تحياتي

[xmx202]

ماشاء الله تبارك الله صيد جميل عليك بالعافيه
والله يحفظ لك حمودي ويصلحه
تحياتي

يحفظك ربي يالغالي

[رامي محترف]

صيد طيب ويستاهل القلي مع رز ابيض وشويه طيحينيه بس بالنسبه لراس تنوره انا كذا مررره خاصه قبل حرس الحدود بس ما حصلت شي يستاهل

[xmx202]

صيد طيب ويستاهل القلي مع رز ابيض وشويه طيحينيه بس بالنسبه لراس تنوره انا كذا مررره خاصه قبل حرس الحدود بس ما حصلت شي يستاهل


ياخوي بس حرام عليك

سالت السعابيل على الجوال .... خخخخ

شوف انا جربت راس تنوره اكثر من مره

لقيت ان ازين وقت فيها هو وقت الثبره... ازين من السقيه

بس يبيلها صبر وتكبر قطع الربيان عشان يجيك الكبير