افضل الطرق لتعامل والعنايه فالطيور بالمربط

[انور العنزي]

السلام عليكم ورحمة الله وبركاته
بعد رحلة صيد طويله مره فيها الكثير من المواقف برفقة الصقور طيور شلو ومثل مانعرف صقورنا لها حق علينا بالهتمام والعنايه نطرح هذا الموضوع للفائده الي يربطون طيورهم عندهم نبي من اهل الخبر ونستعين باهل المرابط كيفية العنايه فالطيور من بداية الربطه من كل النواحي من المكان والاكل المناسب الى بعص الفتتامينات المجربه لصحة طيور ممتازه ونبي نعرف اجراء الفحص ضروري قبل الربطه واذا اعطي كورسات عن بعض الامراض والمضادات اكرار المجرب لانا اللي يبي يطلع على هالموضوع يبي يتبع الطرق والله يعطيكم العافيه والصحه

[للر اميير قه]

السلام عليكم جميعا اخوي حر صافي ابذكر لك قصة واحد من خوياي مع
عنده جبليه يوم جاء وقت القرنسه(الربطه)لازم يدفع مثل قيمتها تقريبا
شسوى قال باقرنسها عندي بالبيت اقولك وش سوى راح سوى شبك
من جريد النخل من فوق ظل والهو يدخله من جميع الجهات حط لها وكر
والمويه ودخل الطيره مطلوقه وكل يوم يجيب لها قمريه حيه (السكني)
بدون ادويه ولا اي شي والحمد لله الطيره قرنسة وصفت ريشها كامل
وشكرااا.........

[انس بن سالم]

ما قصر اخونا ويفيدونك اخوانا الباقين

[قرناس شماالي]

مثل ماقلو التنضيف مهم

والعلف الصاخن

[ااالوااافي]

يعطيك العافيه
ودي اسئل من له خبرة عملية في قرنسة القرانيس البحريه هل تصفي ريشها وهل تحتاج الى كورسات لذلك وهل البودرة افضل ام الحبوب للقرنسة وهل يوجد بديل لها وشكراا

[الذحاح]

درجة الحراره المطلوبه للجبليات والبحريات في المربط اذا حد يفيدنا

[انور العنزي]

اسعدني مروركم واشكركم على المعلومات الطيبه انا من وجهة نظري الشمس ضروريه لطيور وقت القرنسه

[ابو بدر444]

تهيئه المكان المناسب ( المساحه المناسبه )
والجو المناسب ( درجه الحراره )
والنظافه المناسبه (الارضيه والجو)
والعلف المناسب (الطازج والمتنوع )
والتهويه المناسبه
والاهم من هذا كله .. ابعاد الطير عن الازعاجات مثل الاطفال او الحيوانات الاخرى مثل القطاوه



والله يوفق الجميع