مشكلة بالباترول99

[شرخاوي]

بسم الله الرحمن الرحيم



سلام شباب مكشات كلن باسمه

شريت لي باترول 99 والحمداالله اموره زينه بس عندي كم مشكله وابي حله لها
وديته للصناعية وكلن يعطي من كيفه حل
قلت مالي الا اخواني بمكشات لهم تجاربهم
المشكله الاولى عداد السرعة عطلان
الثانية عداد البانزبن يعطي قراءه غلط
الثالثه معلق لمبة sun tank ولا يعبي للتانكي الرئيسي ولقيت حل بمكشات افصل البطارية 10 دقايق وارجعها ويضبط معي التانكي ويعبي يومين وبعدها تعلق لمبة sub
الرابعه الدبل اذا شغلته يرجف الموتر واتوقع الصوت من عامود الدبل

كثرتها عليكم :D

[saleh4800]

هلا اخوي
أول شي مبروك الموتر
وعسى الله يعطيك خيره ويكفيك شره
بالنسبة لعداد السرعة احتمال كبير يكون من الحساس اللي بالقير طبعا خارجي
وبالنسبة للقراءه الخاطئة لعداد البنزين تكون من العوامه في التنك وامرها بسيط
وبالنسبة لتعليق اللمبة ماعندي خلفيه عنها واحتمال يكون المشكله من الكتاوت حقها
وبالنسبة للرابعة متى يرجف الموتر على اي سرعه وكيف الرجفه هل مع الصحراء ام مع الاسفلت
وإن شاء الله يفيدونك الاخوان اكثر

[شرخاوي]

الله يبارك فيك اخوي saleh4800بخصوص حساس القير فحصته ما يوصله كهرباء والفيوزات كلها شغاله ولا عارف وين المشكله ولا ودي العب بالموتر بشووف العوامه ومشكلتها اخاف اشتغل بالموتر واصلح العوامه وعداد السرعه وبالنهاية يطلع الطبلون كامل خربان وخوذ خساير :( ومحتار وبخصوص الدبل يرجف اذا الموتر طايح بغراز واذا الموتر بارض ماهي غراز مافيه شئ ووضعه تمام يعطيك العافية

[شرخاوي]

المشاهده 100 والرد واحد ( الله يعطيه العافيه )
افيدونا يا اخوان

[haertlove2010]

انصحك تودية لفني كهربائي ممتاز ومختص في الباترول
وبعد ماتحل مشاكلك كلها خلة يحط لك فيوز قبل الكمبيوتر لأي التماس يصير عشان يفصل
لاتصير مثل اخوك وداه لكهربائي يفحص فيوز الظفيرة والعامل يفحص ضرب شوت الفيوز واحرق الكمبيوتر حق السيارة وقيمته بسبع الالاف والمستعمل اذا لقيت لانه نادرا مايباع لحالة لازم مع المكينة ب 2500 مع الرجيع
ومر على العضيب بالرياض الصناعية القديمة افحصة كمبيوتر وخذ تقرير احسن لك

[باترول 88]

شف ياخوي ><
مشكله عداد البنزيل جاني نفس مشكلتك >< وغيرت عوامتين من التشليح ع ضمان وما نفع غيرت عواامه جديده وما نفع
رحت لورشه بالصناعيه القديم اسم الورشه نيسان وهو مختص نيسان باترول بس معرووف يقااله التركي سعوودي
المهم كشف عليه ب 10 دقايق وقالي عندك امبير البنزيل الي بالطبلوون خربان غيره لي من عنده وزبط المووتر
نصييحه رح لمه ورااحي يكشفلك كل المشكلاات الي عندك ولا بعد بضماان

[شرخاوي]

اخوي haertlove2010 مشكوور على النصيحه والله يكفينا شر الالتماسات خرعتني بقيمته 7000 مشكوور اخوي باترول88 وديته لمحل الجابر بصناعية الفواز عند يمني ابو طلال .. اشووف دووم عنده زحمة جيوب وشاصات بانواعها اكيد انه فاهم وشاف موتري قال عندك الخلل من العوامه وبخصوص عداد السرعه قالي افحصه كمبيوتر احسن لك ويصلحونه لك بضمان وعلامة sub tank قالي لازم تفك المسجل تلقاء وراه علبة حقة التانكي الثاني الخلل منها والدبل قلت خله بعدين

[سفاري 95]

اخوي شرخاوي

بالنسبه للدبل :اذا رج معاك وهو مغرز بالاربع عاااادي جدا ... حتى وانت تسحب حد برمله جامده تلقاه يرج
وهذا شي طبيعي .. انا عندي 95 والرجه ذي من عرفته وهو فيها

فقط بالرمله الوعره
اما غيرها فيمكن يكون فيه مشكله

[شرخاوي]

اخوي سفاري 95 هي رجه مدري طقطقه قويه بالدبل اتوقع جنزير الدبل .. بخصوص العوامه الخلل موضح بالصورة اللي عنده حل لا يبخل علينا او اقدر ارهم له عوامه ثانيه ... الكهربائي يقوول العوامه اللي على الجيب عوامة فورد ... الكهربائي فحص العداد يقوول شغال لما فصل الفيش عن العوامه صفر العداد واذا اشبكه يعطي قرائه http://store2.up-00.com/Mar12/Wg505429.gif (http://www.up-00.com/)

[haertlove2010]

العوامة ركب حقت لكزس اقوى ضخ من شد البلد مع انها اصغر حجم وبالتشليح 250 تقريبا ولاتنسى تاخذ راس الفيش معها عشان تركبة لموترك لانه يختلف
ولاتنسى تغير التيلة اللي تحت الغطاء يوم فكيت المسامير العلوية لانها مع البنزين تتمدد وتصير اكبر ويبدا يطلع ريحة البنزين بوسط الغمارة


اما بالنسبة لطقطقة الدبل ركب فرارات برازيلي450 او سليماني 900ريال وتبي ترتاح وبيخف الموتر عليك وبنفس الوقت يبي يعيش اطول وتوضيبة مكلف اللي اذكرة يوصل 1500-2200 بالراحة