نقص موية الراديتر ,, ممكن أعرف المشكلة

[سيف العدالة]

السلام عليكم ورحمة الله

عندي باثفيندر 2005 اوتوماتيك

ناوي أبيعه لكن بعد ما أحل مشكلته

كانت الحرارة ترتفع في الصيف وعند إجهاد الموتر في أماكن الزحمة أو إذا تعديت 140 كم /ساعة وعند المرتفعات
مثلا طلعة كرا / الطايف مريت عليها في رمضان وترتفع الحرارة لفوق النص

مريت ورشة وغيرت الراديتر لراديتر صيني وضبطت الحرارة وقبل شهر ونصف مريت كرا / الطايف والحرارة وأنا طالع ما تعدت الربع

لكن بعد رجعتي للرياض ارتفعت الحرارة لفوق الربع شيكت على الراديتر ولقيت الموية ناقصة جالون وعبيته , وضبطت الحرارة , وصرت كل أسبوع تنقص الموية وأعبي , الآن كل ثلاثة أيام ,

مع أني ما أشوف تهريب على الأرض في جميع الأوقات

مريت ورشة وقال غير غطاء الراديتر وغيرته أصلي لكن ما فيه نتيجة

[abo mani3]

شيك على الليات والطبات

[RW7..ALBDAWA]

اخوي نفسس مشكلتــي مشكلتــك انآ حطيت ABRO علبه طبعاً صغيره موجود بدآخلهآ مثل الرمآد قيمتهآ بـ 5 ريآل فقط اشترهآ وحطهآ بوسسط الرديتر ورآح تدعيلي وعلى فكرهـ ترى مثل مآحصل معك بالضبط حصل معي

من يوم مآركبت الرديتر وصآرت كل هالامور

[راعي المجهم]

جربتها ونجحت معي في سيارة هايلوكس

تنقص مويتها كل أسبوع أعبيها وترتفع حراراتها بدون سبب

بعد ماجربت هذا الحل الحمد لله الأموووور تمام لي سنة

http://www.mekshat.com/vb/showthread.php?t=317517

[ابو مرسال]

لاتركب رديتر صيني وانا اخوك ركب سعودي المنيوم تراه قوي ويتحمل

[.أبوعبدالرحمن]

ينقل للقسم المناسب

[شاص نيسان 93]

افتح غطا الزيت وتاكد هل الزيت فيه مويه ولا لا

اذا كان الغطا عليه لون زي الحليبي معناه خلط

كب في الرديتر البودره اللي قالو عنها الشباب وما عليك خلاف باذن الله