الــــعــفو والـتسامح *وقــــصـه مـن الـــمــؤروث الشـعــبـي *مـحــمـد الـظـاهــري

[محمد الظاهري]

السلام عليكم ورحمه الله وبركاته
اخواني
اعضاء ومشرفين وزوار منتديات مكشات
اهلا مرحباّ بكم
سالفه جميله ومن روائع موروثنا الشعبي
لا اطيل عليكم واترككم مع السالفه
تقول الناس من اول ان فيه رجال عايش مع ربعه في ديارهم
وهم بدو رحل
صاحبنا حصلت عليه مشكله مع واحد من ربعه وبعد مده كبرت
السالفه ومن بعدها خوينا ذبح الرجال وبعدها بفتره خاف من اثار ومن اخو الي ذبحه
ويشاور خوياه وش العلم وش العلم يافلان
قالو ما فيه الا حل واحد قال وش الحل
قال شد عن الديره قال وين اروح قال مدري عنك
اما حدر ولا اقطع النفد ويوم رجع لبيته
وتجيه زوجته يابو فلان وش العلم قال العلم حنا شديد
باكر قالت وين قال للمكان الفلاني فيه قليب قريب منه
ويوم اصبح الصبح
وكلٍ شب ناره ويسوي قهوته وهو يطوي بيته
وهو يشد ماغير هو وحرمته
وينصون هاك العرب ومن بعدها ارمست السنين حول العشر سنوات
وفي هاك السنه وهو الي يبي يزي حلاله ويشوفه خويه الي يطلب باثار وهو يتبعه في الليل ما يدري عنه
وبسكات حتى ان الرجال ما يحس ويوم دخل بيته ولا هذاك يدخل بس من وراء ويختبي ورا الرواق يبي يذبحه حتى انه ياخذ بثاره
والا هاك الليله السماء تبرق وترعد فوقهم
وحرمته تعبت وعنده ولد عاد ما ادري عن الروا مره يقولون عنده ولد ومره اثنين ومره ثلاث والعلم عند الله
وفي هاك الليله الرجال يتسامر مع حرمته ويقول ياليت السحابه تنحدر على دياري وربعي وهو اشتاق لدياره
وهو يتمنا الروحه بس العايق انه عليه دم
وهو يقصد ويتمنا المطر تتجه صوب دياره
ويقول


كريم يابرق سرى لها رفاريف
قعدت اخيله والعرب هاجعيني
عزل من المنشا مزونه مقانيف
جعله من التيم يسار ويمين
وسواقي الاجفر أتدرج كما السيف
حتى منازلها لاهلها تزيني
ينزل بها اللي يكرم الجار والضيف
تشوفهم في جانبه كل حياني
اهل رباع كالهضاب المشانيف
كبار الصحون ومطلقين اليميني
ربعي هجار اللي براسه زعانيف
من مبطي للطايله كاسبيني
ودي بهم لاشك ماهي على الكيف
عنهم حداني نيف حبس الكميني
ياسعد من له بالرفاقه مثل نيف
أو زاد مثلي ينطح العايليني
الله لحد من نقطة الجزو بالصيف
وأنا لذيذ النوم ماطب عيني
والرجل ملت من كثير التواقيف
ولالي حداك مشاكي ياطنيني
وش هقوتك وان جا سموم بها هيف
هو بك ذرا والا من المرتعيني


ومن عقبها سمعه خويه الي جاي يذبحه وهو يطلع من المكان الي مندس فيه
وهو يسلم عليه ويقول انا عفيت عنك وهو يمرح عندهم ومن بكره يرجع فيهم لدياره
وتعود الماء لمجاريها
يقال ان الرجال التي جرت عليهم السالفه من قبيلة شمر العريقه
اخوااني
انتهت سالفتي
ارجو ان السالفه نالت لكم
واعذروني اذا حصل اي تقصير كتبتها على عجل
هاذا اقصى جهدي
وانتظروني قي سالفه قادمه ان شالله
وتقبلو تحيات
مـــــــحبــــــكم
مـــــــحــــــمـــد الــــظــــاهـــري

[قوافي ( أم نهار )]

عليكم السلام ورحمة الله وبركاته
صبحك الله بالخير مشرفنا
تسلم على ابداعك معاني رائعه عن العفو والتسامح
الحمد لله اللذي انزل سبحانه وتعالى على قلوب المسلمين التسامح والصفاء والرحمه
وجزا الله كل من عفا وسامح وأصلح خيراً
مشكور اخوي
دمت بحفظ الله
اختك
..قوافي..

[ام الايتام]

الله يعطيك العافيه اخوي

قصه رائعه

الف شكر

[حمد69]

وعليكم السلام ورحمة الله وبركاته
هلا بمشرفنا الغالي
مشكور على هذه القصة والأبيات الجملية
عن التسامح والعفو ولم الشمل بين الربع
وهذه ملاحظة بسيطة ربما خطأ مطبعي..
ينزل بها اللي يكرم الجار والضيف
تشوفهم في جانبه كل حياني
أعتقد الصواب ( حيني ) وذلك لإستقامة الوزن والقافية والدلالة على المعني الصحيح كل وقت تشوفهم بجنبه.
والسموحة إذا كنت غلطان.
وهذه أبيات رائعة جداً!! من الشعر أعجبتني قيلت في قبيلة شُمر أخترت منها هذه الأبيات بمناسبة هذه القصة وان التسامح من طباعهم. يقول من قال وصح الله لسانه:


والشمري مــن طيب راسه وطــيبه** به ميزة ٍ عدة حدود المــروات.
لاثارت الفــــــزعات لاتنتـخي بــه ** لانه يثور من الطنا دون فزعـات.
الله خلــقــهـــم للـمـــصيبه مــصيبه ** وللنار نــار وللــمعــالي ريـــادات.
وللمــوت مــوت وللهيبه لـــهيــبــه ** وللطيب طيب وللمراجل سيـــادات.
لكــــــن بـهــم حــاجــه ولاهي غريـــبه** يمكن يخون بها الشعــر والعبارات.
اليا بطشوا خلوا المــضــارب عــطيبه ** واليا عطوا ما مدوا الا الجزيــلات.
ما ارفـع مكانتهم بشعــر ٍ اجـيـبـه ** هم يرفعون حروف شعري مقامات.
وآخـر ما اقـول بالشعـر وانتهي بـه ** بحطها بقوسـين واربــع علامــات .
( الشمري ! عيبه ! وعـيبه ! وعـيبه ! ** اليا ارتكي للحمـل شال الثقيلات)
وسلامتكم



لك مني أخي محمد خالص التحايا العاطرة
..أخوك حمد..

[عاصفة عروى]

وعليكم السلام ورحمه الله وبركاته
مرحبا مليون بمشرفنا الغالي محمد الظاهري
قصة جميلة والقصيدة أروع تسلم يمناك
تقبل مروري أخوك عاصفة عروى

[محمد الظاهري]

عليكم السلام ورحمة الله وبركاته

صبحك الله بالخير مشرفنا
تسلم على ابداعك معاني رائعه عن العفو والتسامح
الحمد لله اللذي انزل سبحانه وتعالى على قلوب المسلمين التسامح والصفاء والرحمه
وجزا الله كل من عفا وسامح وأصلح خيراً
مشكور اخوي
دمت بحفظ الله
اختك

..قوافي..


اهلا ومرحبا
اشكرك يا اختنا على المرور العطر
والذي اسعدني تواجدك الجميل
والحمد لله الذي انزل على عبده الرحمه
تحياتي لك

[نجم000الشمال]

عليكم السلام ورحمة الله وبركاته
يا هلا بمشرفنا واخونا الحبيب محمد الظاهري
حي والله القصص والقصيد الطيب ، خبرنا فيك ما تجيبها الا جزلة ، دور لنا غيرها منا ولا منا !
الناس منول معذورين بجهلهم وقساوتهم في بعض الامور ، لكن في الكفه الاخري لهم من الافعال من خطها التاريخ بأحرف من ذهب بالوفاْ والجود والمروئة.
سلمت اخوي محمد ودمت بخير.

[محمد الظاهري]

الله يعطيك العافيه اخوي

قصه رائعه

الف شكر

الله يعافيك
واشكرك على مرورك العطر
تحياتي

[فهد الهلالي]

بيض الله وجهك يامحمد الظاهري
مبدع مبدع مبدع
في نقل القصص الجزله
وسردها باجمل العبرات
وجمال القصه
اذا تبعت بالقصيده
شكرا لك على هذه التحفه النادره
تقبل تحياتي

[دارسين]

تشكر يالغالي

بارك الله فيك

[النبهاني]

وعليكم السلام ورحمة الله وبركاته
هلا والله وغلا بمشرفنا الغالي المحبوب "الظاهري"
انا اشهد ان سوالفك تشرح الخاطر دوم يابو المورث الشعبي
صدقت يالظاهري هذه سالفة زبار ونيف وهم عيال عم من الجعفر من عبده
دمت بحفظ المولى

[أبوعابد 22]

يعطيك العافيه اخوي محمد الظاهري
قصه رائعه تبين العفوا والتسامح

[محمد الظاهري]

وعليكم السلام ورحمة الله وبركاته
هلا بمشرفنا الغالي
مشكور على هذه القصة والأبيات الجملية
عن التسامح والعفو ولم الشمل بين الربع
وهذه ملاحظة بسيطة ربما خطأ مطبعي..
ينزل بها اللي يكرم الجار والضيف
تشوفهم في جانبه كل حياني
أعتقد الصواب ( حيني ) وذلك لإستقامة الوزن والقافية والدلالة على المعني الصحيح كل وقت تشوفهم بجنبه.
والسموحة إذا كنت غلطان.
وهذه أبيات رائعة جداً!! من الشعر أعجبتني قيلت في قبيلة شُمر أخترت منها هذه الأبيات بمناسبة هذه القصة وان التسامح من طباعهم. يقول من قال وصح الله لسانه:


والشمري مــن طيب راسه وطــيبه** به ميزة ٍ عدة حدود المــروات.
لاثارت الفــــــزعات لاتنتـخي بــه ** لانه يثور من الطنا دون فزعـات.
الله خلــقــهـــم للـمـــصيبه مــصيبه ** وللنار نــار وللــمعــالي ريـــادات.
وللمــوت مــوت وللهيبه لـــهيــبــه ** وللطيب طيب وللمراجل سيـــادات.
لكــــــن بـهــم حــاجــه ولاهي غريـــبه** يمكن يخون بها الشعــر والعبارات.
اليا بطشوا خلوا المــضــارب عــطيبه ** واليا عطوا ما مدوا الا الجزيــلات.
ما ارفـع مكانتهم بشعــر ٍ اجـيـبـه ** هم يرفعون حروف شعري مقامات.
وآخـر ما اقـول بالشعـر وانتهي بـه ** بحطها بقوسـين واربــع علامــات .
( الشمري ! عيبه ! وعـيبه ! وعـيبه ! ** اليا ارتكي للحمـل شال الثقيلات)
وسلامتكم



لك مني أخي محمد خالص التحايا العاطرة
..أخوك حمد..




يا هلا وغلا
حياك الله ياغالي
اشكرك جزيل الشكر صوص لسانك
والله يبارك فيك
ولا خلاولاعدم
تحياتي لك
وودي قبل ردي

[-ابوردن]

يعطيك العافيه على هالموضوع

[أبوتركي ومحمد]

http://up.albrari.com/uploads/13155703471.gif

[محمد الظاهري]

عليكم السلام ورحمة الله وبركاته

يا هلا بمشرفنا واخونا الحبيب محمد الظاهري
حي والله القصص والقصيد الطيب ، خبرنا فيك ما تجيبها الا جزلة ، دور لنا غيرها منا ولا منا !
الناس منول معذورين بجهلهم وقساوتهم في بعض الامور ، لكن في الكفه الاخري لهم من الافعال من خطها التاريخ بأحرف من ذهب بالوفاْ والجود والمروئة.

سلمت اخوي محمد ودمت بخير.


ياهلا وياغلا
حي الله بالغالي
بارك الله فيك ياغالي وياحبيبنا
والصراحه ما ادري بماذا ارد على كلماتك الحلوه
تشكر تشكر تشكر ياغالي
اسئل الله لي ولك التوفيق
تحياتي وودي

[ناصر العلي]

وعليكم السلام ورحمة الله وبركاته
سلمت أخي محمد الظاهري
وبيض الله وجهك
قصة وقصيدة فى غاية الروعة
والعفو من شيم الكرام
قبل كم يوم نفذ حد القصاص بشخص مطلوب دم..الله يغفر له ويرحمه..كان ينتظر ثمانية عشر سنة..حتى بلوغ القصّر ومطالبتهم معى باقي أهل الدم بالقصاص
عاش ثمانية عشر ينتظر الموت
ثمانية عشر سنة ولا ؟!؟؟!!؟
الله لايرينا مانكره
مداخلة
يعجبني حيل أخي الكريم طريقة و أسلوب سردك للقصة
أسلوب لايخالطة أي تكلف أو تصنع
على قولتهم
بالسليقة
أسلوب يذكرني بأخونا الراوي منديل آل فهيد
عذراً أخي الكريم على الإطالة
دمت بألف خير

[محمد الظاهري]

وعليكم السلام ورحمه الله وبركاته

مرحبا مليون بمشرفنا الغالي محمد الظاهري
قصة جميلة والقصيدة أروع تسلم يمناك

تقبل مروري أخوك عاصفة عروى


يامرحبا بالغالي
حياك الله
وانارت الصفحه بتواجدك ياغالي
والجميل هو مرورك العطر
تحياتي وودي
محبك

[سليمان الربيعان]

فمن عفا واصلح فاجره على الله
والواحد يبتعد عن القتل والشيطان حريص
تقبل تحياتي....

[Al3rands]

الله الله مشكوووور

[محمد الظاهري]

وعليكم السلام ورحمة الله وبركاته

سلمت أخي محمد الظاهري
وبيض الله وجهك
قصة وقصيدة فى غاية الروعة
والعفو من شيم الكرام
قبل كم يوم نفذ حد القصاص بشخص مطلوب دم..الله يغفر له ويرحمه..كان ينتظر ثمانية عشر سنة..حتى بلوغ القصّر ومطالبتهم معى باقي أهل الدم بالقصاص
عاش ثمانية عشر ينتظر الموت
ثمانية عشر سنة ولا ؟!؟؟!!؟
الله لايرينا مانكره
مداخلة
يعجبني حيل أخي الكريم طريقة و أسلوب سردك للقصة
أسلوب لايخالطة أي تكلف أو تصنع
على قولتهم
بالسليقة
أسلوب يذكرني بأخونا الراوي منديل آل فهيد
عذراً أخي الكريم على الإطالة

دمت بألف خير


اهلا بعميد الاغاز
ما اردرى وش اقولك ياغالي
مرورك هاذا اسعدني وافرحني
اشكرك جزيل الشكر
تحياتي وودي


محبك