عندي مشكله في جيب فتك 2004

[a3tb]

السلام عليكم ورحمة الله وبركاته
اخواني طاب
صباحكم / مسائكم
عندي مشكله في جيب فتك 2004 تشتغل معي لمبت التشييك ويضعف العزم ولا يمشي اكثر من 40 كم والضغط مايتعدى 2.5 حتى لو كان الموتر N المشكله حصلت معي مرتين عند البيت ومره في البر وبعد ماتركه فتره يرجع لطبيعته وسويت له فحص اكثر من مره ولا يطلع بالكمبيوتر اي خلل

لاهنتو ابي حل واسباب المشكله
تحياتي

[ابوسعودد]

شيك على الفيش حق حساس الهواء وشيك على اسلاكه واحد واحد

واضح بالصوره
http://www.mekshat.com/pix/upload05/images240/mk84370_0404040.jpg

يعني اذا ضعف الموتر حاول تسوي له تنظيف و تضغط عليه وتحرك الاسلاك حقاته واذا راحت المشكله يعني منه .

الله يسهل امرك وتنحل مشكلتك وان شاء الله انها بسيطه

[طير الوريعة]

افحص ضغط طرمبة البنزين يمكن ضعيفة وهي من اكبر عيوب الباترول واذا كانت ضعيفة ركب طرمبة مكسيما احسن شي وعملية وانا جربت

[صباح القايله]

المشكله بسيطه فيه بجنب فلتر الهواء علبه كتاوتات فيه 3زرق بدل بينهن ون شاء الله يضبط

[mohammed-ss]

وعليكم السلام ورحمة الله وبركاتة

اخوي العزيز المشكلة هاذي بسيطة جدا وقد صارت معي في موتر والله اني وقتها وسوست وقلت يمكن الموتر في مشكلة كبيرة وماخليت محل الي جيت وقالي ما اعرف اصلحها واستمرت معي ثلاث اسابيع
واخر شي سويت فحص بالكمبيوتر بـ 100 ريال وطلعت المشكلة في ( حساس دعسة البانزيم)
طبعا صلحتها في صناعية النسيم بالرياض عند واحد سوريا الله يجزاها خير رجل ناصح وكل السيارات الي عندة في الورشة جيوب باترول وكلهم نفس مشكلتي طبعا التكلفة 250 ريال
اتمنى اني قدمت الفائدة لك والمعذرة على الاطالة

[ابوشدخ HAIL]

انا هاذي مشكلتي

القهر فحصتة كمبيوتر طلع دعسة بنزين ! وماغيرتها غيرت الفلتر وخفت المشكلة
عقب شهرين صارت مع كل مشوار تطلع لمبة التشييك 4 او 6 مرات

واطفي الموتر واشغله بس قالي راعي الورشة خل دعسة تخرب مرة وحدة ثم نغيرها لك

المشكلة اني بحايل ولا اعرف لي ورشة متخصصة بالباترول تكفون وش الحل

للعلم موتري فتك 2005

[ابوشدخ HAIL]

للعلم ترا ما يطلع بفحص الكمبيوتر وش بالسيارة الا ولمبة التشييك مولععة والله يعين على هالخراب

[«نجم الخير»]

اتوقع من حساس الهواء

وانت ياابو شدخ مالك الى تنزل بريده للعثيم او الهبيش
ورشه العثيم ابو ابراهيم 0554889118

[teer1002]

أخي العزيز
صارت المشكلة نفسها لسيارة واحد من الربع هذه السنة
ووالله ما ترك شي ما سواه وكل أسبوع عند الوكالة ببريدة وفحص كمبيوتر ويطلع بعض الكودات اللي ما يعرفونها
بالأخير أشار عليه رجال بفحص زيت القير .
والله العظيم حصلناه ناقص تقريباً علبه وربع وبس صبينا الزيت .
الموضوع أنتهى من شهرين والحمد لله من يومها الرجال مبسوط
نوع السيارة فتك 2006
والله أعلم هل يفيد نفس الحل لسيارتك أو لا
لكن ما يمنع التأكد من زيت القير

[عاشق الغضا]

كلام ابوسعود عين الصواب

[ذيب خزاز]

طيب لاهنتم وين اشيك على زيت القير غير الوكاله العثيم يقدر يشيك عليه

[ابوالوليدخالد]

مع احتترامي لكل الردود السابقة كل المشكلة من حساس الهواء زي ما قال بعض الاخوة
واذا تعرف واحد معاه فتك او مكسما او صني فك الحساس اللي عنده وجربه
ولا تنسى فك الاصبع السالب سواء لسيارتك او
سيارة خويك