تعبتكم معاي ^_^ بس تحملوني هع

[bingoo]

السلام عليكم

كيف الحال شباب عساكم بخير

ادري تعبتكم معاي كله طلبات وزي كذا وانتو ماقصرتوا يعطيكم ربي الف عافيه

بس عندي طلب صغيروون ... :D مدري احس فيه كلمات كثيره في الصيد يبي لها شرح ..

اممم مثل شوار وزي كذا ..

اي واحد يدخل الموضوع ويعرف كلمات زي كذا معقدهـ يكتب معاناهـ لاهنتوا ..

واسف عالاطالهـ :)

[رحلة عمر]

الشوار الي هو الشبك

[أبوحافظ]

افضل شي اكتب كل الكلمات اللي ما فهمتها وان شاء الله ما نقصر معاك

تحياتي

[ابوسالم ؟]

ماقصر معاك ابوحافظ يعطيه1000 عافيه مثل ماقال
اكتب الكلمات ومنقصر انشاء الله معاك
تحياتي لك ولابوحافظ
اخوكم//ابوسالم

[accentkool]

شوار//شبك
ميدار//السن
بلد//الثقل
مخدجة//شبك الحذف الدائري
صخاوي//القراقير الحديد الداائري
الجلب//خيط الصيد
درية//الطارة البلاستك اللي يركب عليها الخيط

وذا فية اشياء اخرى قولها وبنقولك معناها

[بوناجم]

ما قرصوا الشباب بالذات اخوي ماجد..يعطيهم العافية

[bingoo]

يعطيكم الف عافيه شباب ماقصرتواا ,, اخوي ماجد مشكور عالشرح
وان شاء الله اي كلمه جديدة علي راح اكتبها

[k.fares]

شوف ماشاء الله اكسنت كول اعطاك الزبده
وبدايه موفقه بالصيد
لكن نصيحه مني لا تستعجل بالذات في الصيد..

[bingoo]

بيني وبينك ياغلاهم مليت لي كم شهر من شريت العده وانواع الطعم اجرب كذا محل العجير الزبنه كورنيش الدمام المرجان وليومك ماصدت ولا سمكه ... وكل ما اقول حق احد يقولي لاتستعجل مابعد يجي موسم الصيد