طلب مشورة في شراء سياره من الامارات

[أبوحافظ]

السلام عليكم ورحمه الله

اخواني الاعزاء ...

محتاج مشورتكم في شراء اف جي او راف فور من الامارات ولدي بعض الاستفسارات

هل فعلا الاسعار تقل كثيرا عن اسعارنا في السعودية ؟ وكم يكون الفارق التقريبي في المتوسط

هل المواصفات الاماراتيه افضل او العكس ؟ خصوصا مع المبالغه في اسعار ابوجميل في الاف جي

اذا فيه اضافات مفيده اتمنى تضيفونها ..

تحياتي للجميع

[أبو فيصل]

ما تسوى و تطلع عليك أكثر من السوووق و وجع راس

[ابو خاطر]

اخوي ريح نفسك انا توني جاي البارح من الامارات

والاسعار يمكن تنقص عن السعوديه من 3 الى 4 الاف

وهذا المبلغ مايستاهل تعبها

[مالك سلمي]

الجديد تقريبا نفس بعض اما المستعمل يطيح الى عشر الاف ريال لكن يبي واحد عنده خبره بالسيارات لانه يكتر الغش هناك ........................

[أبوحافظ]

ما تسوى و تطلع عليك أكثر من السوووق و وجع راس

يعطيك العافيه يابو فيصل على المشوره وما خاب من استشار

هو من ناحيه الجمارك ان شاء الله الوضع بيمشي لكن ابو جميل اسعار في العلالي والاف جي المستعمل اسعاره ناااااارر

وافكر اشتري جديد من الامارات واذا لقيت الفرق ما يستاهل التوفير اكيد ما راح اشتري الا من ابوجميل مع الاسف

[أبوحافظ]

اخوي ريح نفسك انا توني جاي البارح من الامارات

والاسعار يمكن تنقص عن السعوديه من 3 الى 4 الاف

وهذا المبلغ مايستاهل تعبها

يا هلا ومرحبا اخوي ابوخاطر

والله لا اخفيك ناوي على الجديد ولكن مدري عن وضع الصيانه

في موقع تويوتا ابوجميل لقيت الاف جي 1 سعره 139500
http://www.toyota.com.sa/modelsprices.asp?model_id=9

وفي موقع الفطيم للسيارات ( وكيل امارتي ) نفس المواصفات تقريبا وسعره 126000 درهم

تقريبا فرق 12 الف ريال عن اسعار ابوجميل

واذا كنت التكلفة مقاربه مع مصاريف السفر فاكيد راح اشتري من ابوجميل مع الاسف

الف شكر على المرور

تحياتي لك

[أبوحافظ]

الجديد تقريبا نفس بعض اما المستعمل يطيح الى عشر الاف ريال لكن يبي واحد عنده خبره بالسيارات لانه يكتر الغش هناك ........................

مرحبا ومسهلا اخوي مالك

وهذا اللي اخاف منه سواء في السعوديه او الامارات

خصوصا سيارات الدفع الرباعي مثل الشاص والكبسوله والاف جي اغلب الناس يستخدمونها للتعطيس

وما تدري كيف بتكون نظافتها

البارح في معارض النسيم بالرياض اف جي 2010 طالب فيه 115 الف وماشي 90 الف

شي غريب ارتفاع السعر وفي الاخير بشتري جديد من ابو جميل والله يعين على الاقساط

بعد نصايحكم قررت اشتري جديد اما اف جي او راف فور

تحياتي لك يالغالي

[(هزاع)]

تحسب تكافة السفر 4000 ريال ثم احسب العناة بالسفر
اذا لك شده من الامارات
ولاجميل

[رعد المطر]

عندنا الغلا والنصب روح ياخوى اخويانا راحوا وحصلو الفرق الكبير في الاسعار والله ييسر امرك امين

[كيود]

كثير اشوف سيارات لوحاتها امراتية ....جديدة وستغرب فيها فرق اكييد

[تناساني]

تبي نصيحة
اشتر خليجي ولا تشتري سعودي
حتى لو تلاقيه هنا بالسعوديه مستورد وجاهز اشترهـ
ولو تروح وتشتريه بنفسك بكيفك

المهم لا تشتري السعودي تدري ليــه..!!
لأن الوكيل أبو جميل المخيس
يلفق فيــه و ينصب علينا
جنوط / اكسسوارات / مسجل / سماعات / الأنوار / الكشافات / قطع استهلاكية.
كلها ترهيم
و الآن اصبح يجيب السيارهـ بدون كمبرسر مكيف
ويرهمه في جدهـ و تلاحظ ان تبريدهـ خايس

عشان كذا مدام ان الفلوس طالعه طالعه و مبلغ جامد
فليش احطها بسارهـ ملفقه وترهيم في ترهيم

خليني اشتري خليجي بدون تلفيق او ترهيم من الشركة بدون تلاعب

وهذا رأيي ونصيحتي لك اخوي

وبصراحه حنا شعب رخمه
مافينا خير ساكتين لأبو جميل واشكاله ينصب علينا و يدوسنا و ساكتين له
ليه ما نقول له لا لا لا لا
كل ست شهور يرفع بالسيارات وحنا ما نقول لا
ونستــاهـــــــــل

[أبوحافظ]

تحسب تكافة السفر 4000 ريال ثم احسب العناة بالسفر
اذا لك شده من الامارات
ولاجميل

يعطيك العافيه اخوي هزاع والله هي معاناه لكن ما نقول الا حسبي الله على ابوجميل
احتكار + رفع الاسعار
تصدق حتى الاقساط يحسب التأمين لمده خمس سنوات كل سنه على انها جديده مع ان السياره
بعد سنتين وثلاث واربع تطيح قيمتها وهو يحسب التأمين للسنوات الثانيه والثالثه والرابعه والخامسه بقيمه جديد فهذا اشوفه غش عيني عينك
ولو اشتيكيت لمين تشتكي ؟؟؟

[أبوحافظ]

عندنا الغلا والنصب روح ياخوى اخويانا راحوا وحصلو الفرق الكبير في الاسعار والله ييسر امرك امين

هلا وغلا اخوي رعد

الغلا والنصب بكل مكان ان جيت المعارض شريطيه كثير ما يخافون الله
والامارات مواصفات وارخص
لكن عاد مدري من ناحيه الصيانه مستقبلا
تحياتي لك

[أبوحافظ]

كثير اشوف سيارات لوحاتها امراتية ....جديدة وستغرب فيها فرق اكييد

حياك الله اخوي كيود
شاكر مرورك

[أبوحافظ]

تبي نصيحة
اشتر خليجي ولا تشتري سعودي
حتى لو تلاقيه هنا بالسعوديه مستورد وجاهز اشترهـ
ولو تروح وتشتريه بنفسك بكيفك

المهم لا تشتري السعودي تدري ليــه..!!
لأن الوكيل أبو جميل المخيس
يلفق فيــه و ينصب علينا
جنوط / اكسسوارات / مسجل / سماعات / الأنوار / الكشافات / قطع استهلاكية.
كلها ترهيم
و الآن اصبح يجيب السيارهـ بدون كمبرسر مكيف
ويرهمه في جدهـ و تلاحظ ان تبريدهـ خايس

عشان كذا مدام ان الفلوس طالعه طالعه و مبلغ جامد
فليش احطها بسارهـ ملفقه وترهيم في ترهيم

خليني اشتري خليجي بدون تلفيق او ترهيم من الشركة بدون تلاعب

وهذا رأيي ونصيحتي لك اخوي

وبصراحه حنا شعب رخمه
مافينا خير ساكتين لأبو جميل واشكاله ينصب علينا و يدوسنا و ساكتين له
ليه ما نقول له لا لا لا لا
كل ست شهور يرفع بالسيارات وحنا ما نقول لا
ونستــاهـــــــــل


والله ياخوي كلامك صحيح 100%
وتفاجأت بالاسعار الخياليه من ابوجميل لكن الشكوى الله
ان اشتكيت مين بيسمعك
ومشكله الترهيم سامع عنها من كذا واحد خاصه وانها بدأت مع الجي اكس ار اللي مكتوب عليه J من الخلف وعندهم حوش في بحره
والله سمعنا هذا الكلام
المشكله عندنا ... لو تكون في مقاطعه كان تشوف كيف ابوجميل يمشى على اللي نبغاه
تحياتي لك وشاكر مرورك ومشاركتك

[معانق المزن]

الخليجي افضل ومن ناحية الغش في كل مكان والله ياعندنا شريطية وده يشلحك هدومك..

انا خلال سنتين ونص جايب ٦ سيارات ثلاثة عندي وثلاثه مع اصدقاء لي ومازالت زي الفل ولو يبون يبيعون بمربح طيب.

ولكن اهم شي انك تكون منتبه عن لا يغشونك شريطية الامارات اكثرهم عراقية لا حيا ولا مخافة الله ..

[معانق المزن]

آسف الموضوع قديم
ما انتبهت جيت مطفي النور احسب الشغلة سنبوسه