عندي مشكله بالفورد

[سفاري 95]

السلام عليكم ورحمه الله وبركاته

اخواني عندي فورد قراند ماركيز موديل 96

طفا علي فجأه كذا من دون مقدمات ما ادري وش المشكله :mad:

وارجع اشغلها تشتغل عادي ..

اليوم مرتين سواها معي مره بمكيف ومره من دون المكيف

حرارته :fطبيعيه ثلاث بلكات يعني فوق الربع تقريبا

ملاحظه:: السياره يرفع صوتها ويرخي وهي واقفه .

افيدوني وش الحل الله يجزاكم خير

[كاشت وحداني]

هذا عندك الثروتل طول الله عمرك
فيه لي مويه لتبريد الهوء والماء يمشي داخله
تاكد ان المويه ما سوت فتحه صغيره وينقط في مدخل الهوء

[سفاري 95]

اخوي كاشت وحداني ي الغالي مافهمت وشو الثروتل ياليت توضح لي اكثر

اذا كان تقصد لي المكيف الحار ..هو مقفل عندي من فتره يعني السياره بدون مكيف حار

لاهنت

[كاشت وحداني]

الثروتل طال عمرك
شفت الفلتر اللي ننفخه عند البنشري لما نغير زيت
امش مع ماصورته السوداء لين فوق المكينه
تجده يركب في قطعه المنيوم
القطعه هذي يدور فيها الماء لتبريد لموازنة حرارته
مع الوقت تصدي القطعه من الداخل وتتاكل
لين يحدث فيها تنسيم
وهو يسبب انطفاء الموار وعدم انتظام الضغط اذا اشتغلت
موفق ان شاءالله
طبعا هذي اللي حدث معي هذي تحربتي مع الفورد فانت افحصه وتاكد ان ما فيه مويه تنزل منه

[كاشت وحداني]

واذا حليت المشكله علمنا لاتنسى

[سفاري 95]

ايه فهمت عليك انفداك .. ابكشف عليه وان شاء الله يطلع الخراب منه ويزبط
وراح اعطيكم خبر

لاهنت