لغز جديد رقم (2) ... حله ( ناصر العلي ) ... الحل ( قفل الامان المخفي في باب السيارة )

[الزعول]

لغز جديد رقم (2)


طرالي ماطرى طاري على طير طلع مطيور=شلع مع شالع شلاع يشعش نور من شعه
يدل مدلول ما يندل على لغز سكن بالقور=طويل طال طوالي تطوى يطلب الرمعه
خفيف بالوطا خفه تخفى خايف المحذور=واقول ياناس وش حله تحلل في ذراء قشعه
صغير لو تصغرته وهو بصغره غدا مشهور=تهج الباب هج مهجوج هجيج القوم مع تلعه
ولكن بالعمل يعمل عميل لمن وراه بزور=وهو حابس وهو محبوس حبيس وبالخفى طبعه

[ابوعزووز1]

السلام عليكم .. ياهووو يكفي اللغز الاول

[ناصر العلي]

سلمت أخي الحبيب
وصح لسانك على هالمشربك
رمعة أولية
الفخ
أو
اللغم الأرضي

[الزعول]

السلام عليكم .. ياهووو يكفي اللغز الاول
وعليكم السلام
والغز الاول طيره ناصر العلي وهذا مهوب صعب لايغرك قرقعته

[الزعول]

سلمت أخي الحبيب
وصح لسانك على هالمشربك
رمعة أولية
الفخ
أو
اللغم الأرضي
تسلم ياناصر
فخ مخ لغم غم ماهيب هي ولا انت حوله
وبعدين ازعل منك

[ابوعزووز1]

وعليكم السلام
والغز الاول طيره ناصر العلي وهذا مهوب صعب لايغرك قرقعته
لا يخوك امزح وياك وشبك زعلان يالزعول
رمعه اوليه .. القميري او الحجل

[الزعول]

تبون توضيح ولا تونا بدري

[الزعول]

لا يخوك امزح وياك وشبك زعلان يالزعول
رمعه اوليه .. اللغم الارضي .. مع اخوي ناصر
انا للحين مازعلت بس شوي وازعل
ادري ان لاشفت صورتي الاوله وانا زعلان
تقول الله يعين اهله عليه هذا وهو صغير

[ابوعزووز1]

طيب وش رايك بالقميري او الحجل

[النبهاني]

صح لسانك وسلمت
محاوله يالطيب
النحل
رد بدون زعل

[المزيدي4]

صح لسانك وسلمت
محاوله يالطيب
شريحة الجوال
رد بدون زعل

[ابو ماجد 2]

صح لسانك واعتلا شانك
لغز متكتك
محاوله
مزمار الحلق 0لسان الموت

http://t0.gstatic.com/images?q=tbn:ANd9GcT6izOL8ElpMO-ElG9C46yraDFJH5O5uezhO2B6quOzCEr3BkDNkYla7yfehA

[عليق بري]

صح لسانك

عيار الزيت ..

[الخامسي1]

لغز جديد رقم (2)

طرالي ماطرى طاري على طير طلع مطيور
شلع مع شالع شلاع يشعش نور من شعه
يدل مدلول ما يندل على لغز سكن بالقور
طويل طال طوالي تطوى يطلب الرمعه
خفيف بالوطا خفه تخفى خايف المحذور
واقول ياناس وش حله تحلل في ذراء قشعه
صغير لو تصغرته وهو بصغره غدا مشهور
تهج الباب هج مهجوج هجيج القوم مع تلعه
ولكن بالعمل يعمل عميل لمن وراه بزور
وهو حابس وهو محبوس حبيس وبالخفى طبعه






السلام عليكم ورحمة الله وبركاته وصح السانك واسمح لي بهذه المجاره المتواضعه :-







طرا لك ما طرا لك والطوارئ ما تجيب طيور !!
وعلمك علم تعليم المعلم بنسخه ورقعه

جميل القاف والميقاف ولي وقفه مع الطابور
اجمع فيه مايجمع جميع واختلف جمعه

أحلل ما تحلل بالحلال وأعيد الرائ قبل الشور
عسى عساسها لا عسها ما ياجد الطمعه

يجيب العلم والوبال وباله ضيعة المقهور
في ليلاً فيه سبع وثمانه عودة سبعه

ولي رجعه بعد تفكير وفكري مايجي منثور
قبل مايرمع الرماع أكيد المخ له فزعه

تحياتي وتقديري ولغزك يشبه البلور
وإعجابي بطرقه شدني من شوفت اللمعه

اذا ما صاده الليز وخطا ساهر مطفي النور
من الثنتين خيرتك تخير مدام الناس في هجعه

زعول ومابدر منك جميل وقلت لك مشكور
طرب يطرب وطربان الشعر لابد له رجعه

[الزعول]

طيب وش رايك بالقميري او الحجل
ابوعزوز وين الرمعه عسى مالقميري والحجل رمعه
الله يرحم الحال

[الزعول]

صح لسانك وسلمت

محاوله يالطيب
النحل

رد بدون زعل

لاتعليق ................. لو قايل النخل كان تنهضم شوي

[الزعول]

صح لسانك وسلمت



محاوله يالطيب
شريحة الجوال


رد بدون زعل

المزيدي بك حيل على الرمع عقب اللغز الاول
الله يزيدك قوه
انت متاكد ان الجوال والشريحه رمعه

[الزعول]

صح لسانك واعتلا شانك

لغز متكتك
محاوله
مزمار الحلق 0لسان الموت



http://t0.gstatic.com/images?q=tbn:ANd9GcT6izOL8ElpMO-ElG9C46yraDFJH5O5uezhO2B6quOzCEr3BkDNkYla7yfehA

البلعوم يابو ماجد هو بالحلق ولا بالمناخر انت جايب الاثنين
ماقضبت درب رمعك مشطحه

[الزعول]

صح لسانك

عيار الزيت ..
عدل بدل بدون زيت

[الزعول]

السلام عليكم ورحمة الله وبركاته وصح السانك واسمح لي بهذه المجاره المتواضعه :-









طرا لك ما طرا لك والطوارئ ما تجيب طيور !!
وعلمك علم تعليم المعلم بنسخه ورقعه


جميل القاف والميقاف ولي وقفه مع الطابور
اجمع فيه مايجمع جميع واختلف جمعه


أحلل ما تحلل بالحلال وأعيد الرائ قبل الشور
عسى عساسها لا عسها ما ياجد الطمعه


يجيب العلم والوبال وباله ضيعة المقهور
في ليلاً فيه سبع وثمانه عودة سبعه


ولي رجعه بعد تفكير وفكري مايجي منثور
قبل مايرمع الرماع أكيد المخ له فزعه


تحياتي وتقديري ولغزك يشبه البلور
وإعجابي بطرقه شدني من شوفت اللمعه


اذا ما صاده الليز وخطا ساهر مطفي النور
من الثنتين خيرتك تخير مدام الناس في هجعه


زعول ومابدر منك جميل وقلت لك مشكور

طرب يطرب وطربان الشعر لابد له رجعه

يالخامسي صح السانك
مجاراة ارفعت اسهم اللغز
مامن وقت للرد السموحه
ومنتب لم حروه بالرمع

[النبهاني]

طيب يالزعول
وش رايك بغاز البوتقاز

[الزعول]

طيب يالزعول




وش رايك بغاز البوتقاز

الغاز ماغيره اللي بالبيوت
درب الاسطوانه مع الباب ولحقه الرمعه
منتب لم سالفه

[لوك مي لوك]

صح لسانك على الغز ورمعتي
فرخ الشيهان

[الخامسي1]

نغير الوجهه

ونطلع فوق ونقول:-

نجم سهيل

[عليق بري]

يمكن : جهاز نداء الطيور ..

[ناصر العلي]

سلمت يالغالي
ويش قولك بـ
قفل الأمان للأطفال بالأبواب الخلفية للسيارة
http://www.gwm.com.cn/en/jpg/car8/t/havalh3_t_003.jpg

[الفَكّ]

صح لسانك ، اللغز الأول بيتان ما عرفنا الحل ، و الحين خمسة أبيات الله يستر
يالزعول أخاف تزعل علانا...........
أقول و الله المستعان : الأشعة ، النواة أو الذرة .

[الزعول]

صح لسانك على الغز ورمعتي


فرخ الشيهان



نغير الوجهه

ونطلع فوق ونقول:-

نجم سهيل


يمكن : جهاز نداء الطيور ..




صح لسانك ، اللغز الأول بيتان ما عرفنا الحل ، و الحين خمسة أبيات الله يستر

يالزعول أخاف تزعل علانا...........
أقول و الله المستعان : الأشعة ، النواة أو الذرة .

شكرا لكم
ورمعاتكم ماصابت اللغز ولا جرحته
راح يركض مع الجاده
نشيط ومتعافي

[الزعول]

سلمت يالغالي

ويش قولك بـ
قفل الأمان للأطفال بالأبواب الخلفية للسيارة

http://www.gwm.com.cn/en/jpg/car8/t/havalh3_t_003.jpg

ناصر العلي
انت متسلط على الغازي
صح لسانك
نعم هو الصغير الخافي في الباب مثل ماذكرت بالصوره
ابسوي لغز كود تندس دس حتى تلقى رمعته
كفو ياناصر يامتيم الالغاز

[ناصر العلي]

ناصر العلي
انت متسلط على الغازي
صح لسانك
نعم هو الصغير الخافي في الباب مثل ماذكرت بالصوره
ابسوي لغز كود تندس دس حتى تلقى رمعته
كفو ياناصر يامتيم الالغاز

سلمت وسلم غاليك
صح كلك يالغالي
وكفوك الطيب
يإنتظار جديدك
سير سي كود أندس
دمت بخير